Weight Loss: ಬೇಸಿಗೆಗಷ್ಟೇ ಅಲ್ಲ, ಪ್ರತಿದಿನ ಸೌತೆಕಾಯಿ ತಿಂದು ತೂಕ ಇಳಿಸಿಕೊಳ್ಳಿ!

ಬೇಸಿಗೆಯಲ್ಲಿ ಸೌತೆಕಾಯಿ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು. ನಿಮಗೆ ರಸ್ತೆಯಲ್ಲಿ ಹೋಗುವಾಗ ಹಸಿವು ಮತ್ತು ಬಾಯಾರಿಕೆಯಾದರೆ, ಸೌತೆಕಾಯಿಗಿಂತ ಉತ್ತಮವಾದ ಆಹಾರ ಯಾವುದೂ ಇಲ್ಲ. ಇದರಲ್ಲಿ ಸಾಕಷ್ಟು ನೀರು ಮಾತ್ರವಲ್ಲದೆ ವಿಟಮಿನ್-ಎ, ವಿಟಮಿನ್-ಬಿ ಮತ್ತು ವಿಟಮಿನ್-ಸಿ ಮುಂತಾದ ಪೋಷಕಾಂಶಗಳನ್ನು ಒಳಗೊಂಡಿದೆ.

ಸೌತೆಕಾಯಿಯಲ್ಲಿ ಪೊಟ್ಯಾಸಿಯಮ್, ಮೆಗ್ನೀಸಿಯಮ್ ಮತ್ತು ಮ್ಯಾಂಗನೀಸ್ ಕೂಡ ಇದೆ. ಇದು ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. ಸೌತೆಕಾಯಿಯು ಚಯಾಪಚಯವನ್ನು ಸರಿಯಾಗಿ ಇರಿಸುವುದರ ಜೊತೆಗೆ ತೂಕವನ್ನು ಕಡಿಮೆ ಮಾಡುವ ಕೆಲಸವನ್ನು ಕೂಡ ಮಾಡುತ್ತದೆ. ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ತೂಕವನ್ನು ಕಡಿಮೆ ಮಾಡಲು, ನೀವು ಸೌತೆಕಾಯಿಯನ್ನು ನಿಮ್ಮ ಆಹಾರದ ಭಾಗವಾಗಿ ತಿನ್ನಬಹುದು. ಹಾಗಾದರೆ ಸೌತೆಕಾಯಿಯನ್ನು ಆಹಾರದಲ್ಲಿ ಸೇರಿಸುವುದರಿಂದ ಆಗುವ ಪ್ರಯೋಜನಗಳ ಬಗ್ಗೆ ತಿಳಿದುಕೊಳ್ಳೋಣ ಬನ್ನಿ.

ಸೌತೆಕಾಯಿ ತಿನ್ನುವುದರಿಂದ ತೂಕ ಕಡಿಮೆಯಾಗುತ್ತೆ: ಸೌತೆಕಾಯಿಯು ಸುಮಾರು 80 ಪ್ರತಿಶತದಷ್ಟು ನೀರನ್ನು ಹೊಂದಿರುತ್ತದೆ, ಇದು ಬಾಯಾರಿಕೆಯನ್ನು ನೀಗಿಸುತ್ತದೆ ಮತ್ತು ದೀರ್ಘಕಾಲದವರೆಗೆ ತುಂಬಿರುವಂತಹ ಭಾವನೆಯನ್ನು ನೀಡುತ್ತದೆ. ಇದರಲ್ಲಿರುವ ನಾರಿನಂಶವು ನಿಮಗೆ ದೀರ್ಘಕಾಲ ಹಸಿವಾಗಲು ಬಿಡುವುದಿಲ್ಲ. ಮತ್ತೊಂದೆಡೆ, ತೂಕವನ್ನು ಕಡಿಮೆ ಮಾಡಲು ಸೌತೆಕಾಯಿಯನ್ನು ತ್ವರಿತವಾಗಿ ಕೆಲಸ ಮಾಡುತ್ತದೆ. ಸೌತೆಕಾಯಿ ಕಡಿಮೆ ಸಾಂದ್ರತೆ ಮತ್ತು ಶೂನ್ಯ ಕೊಬ್ಬಿನಾಂಶವನ್ನು ಹೊಂದಿರುವ ಆಹಾರವಾಗಿದೆ. ಇದು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿರುತ್ತದೆ, ಇದು ನಿಮ್ಮ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಮಲಬದ್ಧತೆ ನಿವಾರಣೆಯಾಗುತ್ತೆ: ಸೌತೆಕಾಯಿಯಲ್ಲಿ ಹೇರಳವಾದ ನಾರಿನಂಶವಿದೆ, ಇದು ಆಹಾರವನ್ನು ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತದೆ. ನೀವು ದೀರ್ಘಕಾಲದವರೆಗೆ ಮಲಬದ್ಧತೆಯಿಂದ ತೊಂದರೆಗೊಳಗಾಗಿದ್ದರೆ, ದೈನಂದಿನ ಆಹಾರದಲ್ಲಿ ಇದನ್ನು ಸೇರಿಸುವುದರಿಂದ ಮಲಬದ್ಧತೆಗೆ ಪರಿಹಾರ ಸಿಗುತ್ತದೆ.

ತೂಕ ಇಳಿಸಿಕೊಳ್ಳಲು ಸೌತೆಕಾಯಿಯನ್ನು ಹೇಗೆ ತಿನ್ನಬೇಕು?: ಸೌತೆಕಾಯಿ ಸ್ಮೂಥಿಯು ಹೊಟ್ಟೆಯನ್ನು ದೀರ್ಘಕಾಲದವರೆಗೆ ತುಂಬಿರುತ್ತದೆ. ಸೌತೆಕಾಯಿಯನ್ನು ರುಬ್ಬಿಕೊಳ್ಳಿ, ಬೇಕಿದ್ದರೆ ಅದಕ್ಕೆ ಕ್ಯಾರೆಟ್, ಪುದೀನಾ ಸೊಪ್ಪು ಕೂಡ ಹಾಕಬಹುದು. ಈಗ ಅದಕ್ಕೆ ಉಪ್ಪು ಸೇರಿಸಿ ಕುಡಿಯಿರಿ. ದೈನಂದಿನ ಸೌತೆಕಾಯಿ ಸ್ಮೂಥಿ ತೂಕವನ್ನು ಸಮತೋಲನದಲ್ಲಿಡುತ್ತದೆ.

ಸೌತೆಕಾಯಿ ಸಲಾಡ್ ಮತ್ತು ರೈತ: ಸೌತೆಕಾಯಿ ಹೆಚ್ಚು ಕಾಲ ಹೊಟ್ಟೆ ತುಂಬಿರುತ್ತದೆ. ಹಾಗಾಗಿ, ನಿಮಗೆ ಹಸಿವಾದಾಗ, ಸೌತೆಕಾಯಿ ಸಲಾಡ್ ಅನ್ನು ತಿನ್ನಿರಿ. ಉಪ್ಪು ಮತ್ತು ಚಾಟ್ ಪುಡಿ ಸೇರಿಸಿ ಸಲಾಡ್ ತಿನ್ನಬಹುದು. ನೀವು ಸೌತೆಕಾಯಿಯನ್ನು ತುರಿದು ಇತರ ತರಕಾರಿಗಳಾದ ಕ್ಯಾರೆಟ್, ಈರುಳ್ಳಿ, ಟೊಮ್ಯಾಟೊ ಇತ್ಯಾದಿಗಳೊಂದಿಗೆ ಬೆರೆಸಿ ಸಲಾಡ್ ಮಾಡಬಹುದು. ತೂಕ ಕಡಿಮೆ ಮಾಡಿಕೊಳ್ಳಲು ಸೌತೆಕಾಯಿ ರೈತಾ (ಮೊಸರು ಬಜ್ಜಿ) ಕೂಡ ತಿನ್ನಬಹುದು. ಸೌತೆಕಾಯಿ ರೈತಾ ಕೂಡ ಮಕ್ಕಳಿಗೆ ತುಂಬಾ ಇಷ್ಟ. ಸೌತೆಕಾಯಿ ರೈತಾ ಹೊಟ್ಟೆಯನ್ನು ತಂಪಾಗಿಸುತ್ತದೆ ಮತ್ತು ನಿಮಗೆ ತೃಪ್ತಿಯನ್ನು ನೀಡುತ್ತದೆ.

ಸೌತೆಕಾಯಿಯನ್ನು ಯಾವಾಗ ತಿನ್ನಬೇಕು: ಸೌತೆಕಾಯಿಯಲ್ಲಿ ಸಾಕಷ್ಟು ನೀರಿನಾಂಶ ಇರುತ್ತದೆ, ಇಂತಹ ಪರಿಸ್ಥಿತಿಯಲ್ಲಿ ಸೌತೆಕಾಯಿ ತಿಂದ ತಕ್ಷಣ ನೀರು ಕುಡಿಯಬಾರದು. ಅದೇ ಸಮಯದಲ್ಲಿ, ಸೌತೆಕಾಯಿಯನ್ನು ರಾತ್ರಿಯಲ್ಲಿ ತಿನ್ನುವುದನ್ನು ತಪ್ಪಿಸಬೇಕು, ಇದು ನಿದ್ರೆಗೆ ತೊಂದರೆ ಉಂಟುಮಾಡಬಹುದು.