Best Diet Tips: ಈ ಕೆಲಸಗಳನ್ನು ಮಾಡಿದ್ರೆ, ಒಂದು ವಾರದಲ್ಲೇ ಸಣ್ಣ ಆಗ್ತೀರಾ!

ಸ್ಲಿಮ್ ಮತ್ತು ಫಿಟ್ ಆಗಿ ಕಾಣಲು ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ ಹೇಳಿ? ತೂಕವನ್ನು ಹೆಚ್ಚಿಸಿಕೊಳ್ಳುವುದು ಬಹಳ ಸುಲಭ, ಆದರೆ ತೂಕವನ್ನು ಕಳೆದುಕೊಳ್ಳುವುದು ತುಂಬಾ ಕಷ್ಟ, ಆದರೆ ನಿಯಮಿತವಾಗಿ ಆಹಾರ ಕ್ರಮ ಮತ್ತು ವ್ಯಾಯಾಮ ಮಾಡುವುದರ ಮೂಲಕ ತೂಕವನ್ನು ಕಳೆದುಕೊಳ್ಳಬಹುದು. ಆದರೆ ನೀವು ಬೇಗನೆ ತೂಕ ಇಳಿಸಿಕೊಳ್ಳಲು ಬಯಸಿದರೆ, ಈ ಎರಡು ವಿಷಯಗಳನ್ನು ಮಾತ್ರ ಫಾಲೋ ಮಾಡಿದರೆ ಸಾಲದು. ಕೆಲವು ಸುಲಭವಾದ ಕೆಲಸವನ್ನು ಮಾಡುವ ಮೂಲಕ ನೀವು ಖಂಡಿತವಾಗಿಯೂ ನಿಮ್ಮ ಈ ಕನಸನ್ನು ನನಸಾಗಿಸಿ ಕೊಳ್ಳಬಹುದು.

ಅಷ್ಟಕ್ಕೂ ತೂಕ ಹೆಚ್ಚಾಗಲು ಮುಖ್ಯ ಕಾರಣವೆಂದರೆ ಕಳಪೆ ಜೀವನಶೈಲಿ, ಕೆಟ್ಟ ಆಹಾರ ಪದ್ಧತಿ, ದೈಹಿಕ ವ್ಯಾಯಾಮದ ಕೊರತೆ ಅಥವಾ ಕೆಲವು ಕಾಯಿಲೆಗಳಾಗಿರಬಹುದು. ಆದ್ದರಿಂದ, ತೂಕ ಹೆಚ್ಚಳವನ್ನು ನಿಯಂತ್ರಿಸಲು ನಿಮಗಾಗಿ ಕೆಲವು ಆರೋಗ್ಯಕರವಾದ ಟಿಪ್ಸ್​ಗಳು ಈ ಕೆಳಗಿನಂತಿದೆ. ಇವುಗಳನ್ನು ಫಾಲೋ ಮಾಡುವುದರ ಮೂಲಕ ಹತ್ತು ದಿನಗಳಲ್ಲಿ ನೀವು ತೂಕ ಇಳಿಸಿಕೊಳ್ಳಬಹುದು.

ಕೆಲಸ ಮಾಡಿ: ಬೇಗ ತೂಕವನ್ನು ಇಳಿಸಿಕೊಳ್ಳಲು, ಬೆಳಗ್ಗೆ ಎದ್ದು ವ್ಯಾಯಾಮ, ಯೋಗ ಮಾಡುವುದು ಬಹಳ ಮುಖ್ಯ. ಆದ್ದರಿಂದ, ಮೊದಲನೆಯದಾಗಿ, ನಿಮ್ಮ ದಿನಚರಿಯಲ್ಲಿ ಬೆಳಗ್ಗೆ ಬೇಗನೆ ಎದ್ದು ಸ್ವಲ್ಪ ವ್ಯಾಯಾಮ ಮಾಡಿ. ಹೀಗೆ ಮಾಡುವುದರಿಂದ ಇಡೀ ದಿನ ನೀವು ಚೈತನ್ಯ ಮತ್ತು ತಾಜಾತನವನ್ನು ಅನುಭವಿಸುತ್ತೀರಿ.

ತೂಕವನ್ನು ಕಳೆದುಕೊಳ್ಳುವ ಬಗ್ಗೆ ಹೆಚ್ಚು ಒತ್ತಡ ಹೇರಬೇಡಿ: ನಾವು ಯಾವುದನ್ನಾದರೂ ಹೆಚ್ಚು ಯೋಚಿಸುತ್ತಿದ್ದರೆ, ಅದು ನಮ್ಮನ್ನು ಹೆಚ್ಚು ಕಾಡುತ್ತದೆ ಮತ್ತು ಅದರ ಹಿಮ್ಮುಖ ಪರಿಣಾಮವನ್ನು ತೋರಿಸಲು ಪ್ರಾರಂಭಿಸುತ್ತದೆ. ಆದ್ದರಿಂದ ನೀವು ತೂಕವನ್ನು ಕಳೆದುಕೊಳ್ಳಲು ಬಯಸಿದರೆ, ಮೊದಲು ಹಗಲು ರಾತ್ರಿ ಅದರ ಬಗ್ಗೆ ಯೋಚಿಸುವುದು ಮತ್ತು ಚಿಂತಿಸುವುದನ್ನು ನಿಲ್ಲಿಸಿ. ಏಕೆಂದರೆ ದೈಹಿಕ ಹಾಗೂ ಮಾನಸಿಕ ಅಂಶಗಳು ತೂಕ ಇಳಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ.

ನಿಮ್ಮನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಿ: ಒಂದು ವಾರದಲ್ಲಿಯೇ ನೀವು ತೂಕವನ್ನು ಇಳಿಸಿಕೊಳ್ಳಲು ಇಷ್ಟಪಟ್ಟರೆ, ನೀವು ಅನೇಕ ಸಂದರ್ಭಗಳಲ್ಲಿ ನಿಮ್ಮನ್ನು ನಿಯಂತ್ರಿಸಿಕೊಳ್ಳಬೇಕಾಗುತ್ತದೆ. ಅದರಲ್ಲಿಯೂ ವಿಶೇಷವಾಗಿ ಜಂಕ್ ಫುಡ್​, ಸ್ವೀಟ್ಸ್​​ ಮತ್ತು ತಿಂಡಿ ತಿನ್ನುವಾಗ ನಿಮ್ಮನ್ನು ನೀವು ನಿಯಂತ್ರಣದಲ್ಲಿಟ್ಟುಕೊಳ್ಳುವುದರಿಂದ ತೂಕವನ್ನು ಇಳಿಸಿಕೊಳ್ಳಬಹುದು. ಹೊರಗೆ ಇವುಗಳನ್ನು ತಿನ್ನುವ ಬದಲು ನೀವು ಎಲ್ಲಿಗೆ ಹೋದರೂ, ಮನೆಯ ಊಟವನ್ನು ತೆಗೆದುಕೊಂಡು ಹೋಗಲು ಪ್ರಯತ್ನಿಸಿ. ಅಲ್ಲದೇ ಹಸಿವಾದಾಗ ನಟ್ಸ್, ಡ್ರೈ ಫ್ರೂಟ್ಸ್, ಹಣ್ಣುಗಳು, ಮೊಳಕೆಕಾಳು ಇತ್ಯಾದಿಗಳನ್ನು ತಿನ್ನಿ

ಆಪಲ್: ತೂಕ ನಷ್ಟಕ್ಕೆ ಆಪಲ್ ಸೇವಿಸುವುದು ಬಹಳ ಪ್ರಯೋಜನಕಾರಿ ಆಗಿದೆ. ಇದರಿಂದ ನೀವು ಬೇಗ ತೂಕವನ್ನು ಇಳಿಸಿಕೊಳ್ಳಬಹುದು. ಹಾಗಾಗಿ ಬೆಳಗ್ಗೆ ಒಂದು ಸೇಬು, ಆಪಲ್ ಸೈಡರ್ ವಿನೆಗರ್ ಬೆರೆಸಿದ ಬೆಚ್ಚಗಿನ ನೀರು ಇತ್ಯಾದಿಗಳನ್ನು ಸೇವಿಸಿ. ಇದರಿಂದ ನಿಮಗೆ ಹಸಿವಾಗುವುದಿಲ್ಲ. ಜೊತೆಗೆ ಬೊಜ್ಜು ಕೂಡ ಕಡಿಮೆಯಾಗುತ್ತದೆ.

ನೀರು: ದೇಹಕ್ಕೆ ನೀರು, ಕೊಬ್ಬರಿ ನೀರು, ಮಜ್ಜಿಗೆ, ಕಬ್ಬಿನ ಜ್ಯೂಸ್ ಇತ್ಯಾದಿಗಳನ್ನು ಕುಡಿಯುವುದು ಅಗತ್ಯ. ಅಗತ್ಯಕ್ಕಿಂತ ಹೆಚ್ಚು ತಿನ್ನಲು ಪ್ರಾರಂಭಿಸಿದರೆ ತೂಕ ಹೆಚ್ಚಾಗುತ್ತದೆ. ಆದ್ದರಿಂದ ಆಹಾರದ ಕಡುಬಯಕೆಗಳನ್ನು ತಪ್ಪಿಸಲು, ನೀವು ದಿನವಿಡೀ ಪಾನೀಯಗಳನ್ನು ಕುಡಿಯಬೇಕು. ಇದರಿಂದಾಗಿ ದಿನವಿಡೀ ಹೊಟ್ಟೆಯು ಸ್ವಲ್ಪಮಟ್ಟಿಗೆ ತುಂಬಿದ ಅನುಭವ ನೀಡುತ್ತದೆ.

ತಿನ್ನುವ ವಿಧಾನ: ನಿಮ್ಮ ತೂಕ ಹೆಚ್ಚಾಗುವುದು ಅಥವಾ ನಷ್ಟವು ನೀವು ತಿನ್ನುವ ವಿಧಾನವನ್ನು ಅವಲಂಬಿಸಿರುತ್ತದೆ. ನೀವು ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೆ, ಕನಿಷ್ಠ 32 ಬಾರಿ ಆಹಾರವನ್ನು ಅಗಿಯಿರಿ ಮತ್ತು ಆಹಾರವನ್ನು ನಿಧಾನವಾಗಿ ಸಣ್ಣ ತುಂಡುಗಳಾಗಿ ತಿನ್ನಿರಿ. ಹೀಗೆ ಮಾಡುವುದರಿಂದ ಆಹಾರ ಬೇಗ ಜೀರ್ಣವಾಗುತ್ತದೆ.