Mouth Ulcers: ಈ ಮನೆಮದ್ದುಗಳನ್ನು ಬಳಸಿದ್ರೆ ಬಾಯಿಹುಣ್ಣು ಮಂಗಮಾಯವಾಗುತ್ತೆ

ಪೋಷಕಾಂಶಗಳ ಕೊರತೆ, ಪ್ರತಿರೋಧಕ ಶಕ್ತಿ ಕಡಿಮೆ ಇರುವುದು, ಅಲರ್ಜಿ, ಒತ್ತಡ ಮತ್ತು ಉರಿಯೂತದಿಂದಲೂ ಬಾಯಿಯಲ್ಲಿ ಹುಣ್ಣು ಬರಬಹುದು. ಹೊಟ್ಟೆಯ ಕೆಲವು ಸಮಸ್ಯೆಗಳಿಂದಲೂ ಬಾಯಿಯಲ್ಲಿ ಹುಣ್ಣು ಉಂಟಾಗಬಹುದು.

ಪರಿಶುದ್ಧ ತೆಂಗಿನ ಎಣ್ಣೆಯನ್ನು ಬಳಸಿ ಬಾಯಿ ಮುಕ್ಕಳಿಸಬೇಕು. ಬೆಳಗ್ಗೆ ಹಲ್ಲುಜ್ಜಿದ ಬಳಿಕ ಹೀಗೆ ಮಾಡುವುದು ಹೆಚ್ಚಿನ ಪ್ರಯೋಜನ ನೀಡುತ್ತದೆ. 10 ನಿಮಿಷ ಕಾಲ ಎಣ್ಣೆಯನ್ನು ಬಾಯಿಯಲ್ಲೇ ಇಟ್ಟುಕೊಂಡು ಅತ್ತಿಂದಿತ್ತ ತಿರುಗಿಸುವುದು ಬಾಯಿ ಹುಣ್ಣು ಹೋಗಲಾಡಿಸಲು ಸಹಕಾರಿ.

ವಿಟಮಿನ್ ಕೊರತೆಯಿಂದಾಗಿ ಬಾಯಿಯಲ್ಲಿ ಹುಣ್ಣು ಉಂಟಾಗುತ್ತದೆ. ಹಾಗಾಗಿ ಹಣ್ಣುಗಳನ್ನು ಹೆಚ್ಚು ಸೇವನೆ ಮಾಡಬೇಕು, ಇವುಗಳಲ್ಲಿ ಹೆಚ್ಚು ವಿಟಮಿನ್ ಇರುತ್ತದೆ. ಉದಾಹರಣೆಗೆ ವಿಟಮಿನ್ ಸಿ ಹೆಚ್ಚಿರುವ ಕಿತ್ತಳೆ ತಿನ್ನಬಹುದು.

ಕೆಲ ಸೋಂಕುಗಳ ಕಾರಣದಿಂದ ಬಾಯಿಹುಣ್ಣು ಸಮಸ್ಯೆ ಉಂಟಾಗಬಹುದು. ಅದಕ್ಕೆ ನೀವು 2 ತುಳಸಿ ಎಲೆಗಳನ್ನು ಜಗಿಯುವುದರಿಂದ ಬಾಯಿಹುಣ್ಣು ಬೇಗ ಶಮನವಾಗುತ್ತದೆ.

ಒಂದು ಚಮಚ ನೀರಿಗೆ ಸ್ವಲ್ಪ ಅರಿಶಿನ ಪುಡಿಯನ್ನು ಹಾಕಿ ಪೇಸ್ಟ್ ಮಾಡಿಕೊಂಡು ಹುಣ್ಣಿನ ಮೇಲೆ ಹಚ್ಚಿ. ಇದು ನಂಜುನಿರೋಧಕವಾಗಿರುವುದರಿಂದ ಸೋಂಕುಗಳನ್ನು ಹೋಗಲಾಡಿಸುತ್ತದೆ.

ಹೈಡ್ರೋಜನ್ ಪೆರಾಕ್ಸೈಡ್ ಬಳಸಿ ನೀವು ಬಾಯಿ ಮುಕ್ಕಳಿಸುವುದರಿಂದ ಸೋಂಕನ್ನು ನಾಶ ಮಾಡಿ, ಬಾಯಿ ಹುಣ್ಣಿಗೆ ಪರಿಹಾರ ನೀಡುತ್ತದೆ.

ಪ್ರತಿಯೊಂದು ಸಮಸ್ಯೆಗೂ ನಾವು ತಿನ್ನುವ ಆಹಾರವು ಪ್ರಮುಖ ಕಾರಣ ಹೀಗಾಗಿ ಪೋಷಕಾಂಶಗಳು ಇರುವಂತಹ ಸಮತೋಲಿತ ಆಹಾರ ಸೇವನೆ ಮಾಡಬೇಕು ಎಂದರೆ ಹಣ್ಣುಗಳು, ತರಕಾರಿಗಳನ್ನು ಹೆಚ್ಚು ತಿನ್ನಿ.