Bitter Melon: ಹಾಗಲಕಾಯಿಯ ಕಹಿಯನ್ನು ಹೇಗೆ ತೆಗಿಯುತ್ತಾರೆ ಗೊತ್ತಾ? ಇಲ್ಲಿದೆ ಈಸಿ ಟ್ರಿಕ್ಸ್, ನೀವೂ ಟ್ರೈ ಮಾಡಿ

ಹಾಗಲಕಾಯಿ ಅಂತ ಹೇಳಿದ ಕೂಡಲೇ ಮೊದಲಿಗೆ ನೆನಪಿಗೆ ಬರೋದು ಕಹಿ ಅಂತ. ಅದಾದ ಮೇಲೆ ಇದರಿಂದಾಗುವ ಪ್ರಯೋಜನಗಳು ಹಲವಾರು. ಹಾಗಾದ್ರೆ ಈ ಹಾಗಲಕಾಯಿಯಲ್ಲಿ ಇರುವ ಕಹಿಯನ್ನು ಹೇಗೆ ತೆಗೆಯುವುದು ಅಂತ ಗೊತ್ತಾ?

ಮೊದಲಿಗೆ ಹಾಗಲಕಾಯಿಯ ಒಳಗೆ ಇರುವ ಬೀಜಗಳನ್ನು ತೆಗೆದುಹಾಕಿ. ಒಳಗಿನ ಪದರವನ್ನು ಚೆನ್ನಾಗಿ ವಾಶ್​ ಮಾಡಿ. ಆಗ ಕಹಿ ಸ್ವಲ್ಪ ಹೋಗಿರುತ್ತದೆ.

ಅಡುಗೆ ಮಾಡುವ ಅರ್ಧ ಗಂಟೆ ಅಥವಾ ಒಂದು ಗಂಟೆಯ ಮೊದಲು ಹಾಗಲಕಾಯಿಯನ್ನು ಒಂದು ಕಪ್​ ಮೊಸರಿನಲ್ಲಿ ನೆನೆಸಿಡಿ. ಆಗ ಕಹಿಯು ಕಡಿಮೆ ಆಗಿರುತ್ತದೆ.

ಹಾಗಲಕಾಯಿಯ ಸಿಪ್ಪೆಯನ್ನು ಸಂಪೂರ್ಣವಾಗಿ ಸುಲಿಯಬೇಕು. ಆಗ ಅದ್ರಲ್ಲಿರುವ ಕಹಿಯು ಕಡಿಮೆ ಆಗುತ್ತದೆ. ಬೇಕಾದಲ್ಲಿ ಆ ಸಿಪ್ಪೆಯಿಂದ ಜ್ಯೂಸ್​ ಮಾಡಿಕೊಂಡು ಕುಡಿಯಬಹುದು.

10 ರಿಂದ 15 ನಿಮಿಷಗಳ ಕಾಲ ಉಪ್ಪು ನೀರಿನಲ್ಲಿ ಈ ಹಾಗಲಕಾಯಿಯನ್ನು ತುಂಡು ಮಾಡಿ ನೆನೆಸಿಡಿ. ಉಪ್ಪಿನಲ್ಲಿ ಸೋಡಿಯಂ ಅಂಶ ಇರೋದ್ರಿಂದ ಕಹಿಯನ್ನು ಈಸಿಯಾಗಿ ತೆಗೆದು ಹಾಕುತ್ತದೆ.

ಹಾಗಲಕಾಯಿಯನ್ನು ಸಣ್ಣದಾಗಿ ಕತ್ತರಿಸಿ, ಹುಣಸೆ ಹಣ್ಣಿನ ರಸದೊಂದಿಗೆ ನೆನೆಸಿಡಿ. ಇದರಲ್ಲಿ 10 ನಿಮಿಷಗಳ ಕಾಲ ನೆನೆಸಿಟ್ಟ ನಂತರ ಕಹಿಯು ಮಾಯವಾಗುತ್ತದೆ. ತದನಂತರ ನೀವು ಅಡುಗೆಯನ್ನು ಮಾಡಬಹುದು.

ನೀವು ಹಾಗಲಕಾಯಿಯ ಅಡುಗೆಯನ್ನು ಮಾಡುವಾಗ ಅದಕ್ಕೆ ಸಕ್ಕರೆ ಅಥವಾ ಬೆಲ್ಲವನ್ನು ಸೇರಿಸಬೇಕು. ಅದ್ರಲ್ಲಿರುವ ಕಹಿಯನ್ನು ಹೋಗಲಾಡಿಸಲು ಇದು ಉತ್ತಮ ಮಾರ್ಗ.

ಆಲೂಗಡ್ಡೆ, ನುಗ್ಗೆ ಕಾಯಿ, ಈರುಳ್ಳಿ ಹೀಗೆ ಹಲವಾರು ತರಕಾರಿಗಳ ಸಮ್ಮಿಶ್ರಣ ಮಾಡೋದ್ರಿಂದ ಹಾಗಲಕಾಯಿಯಲ್ಲಿ ಇರುವ ಕಹಿಯು ಗೊತ್ತಾಗೋದಿಲ್ಲ. ಹಾಗೆಯೇ ಇದು ಆರೋಗ್ಯಕ್ಕೂ ಕೂಡ ಉತ್ತಮ.

ನೀವು ಹಾಗಲಕಾಯಿ ತುಂಡುಗಳನ್ನು ಸಕ್ಕರೆ ಮತ್ತು ವಿನೆಗರ್​ನಲ್ಲಿಯೂ ನೆನೆಸಿಡಬಹುದು. 10 ರಿಂದ 15 ನಿಮಿಷಗಳ ಕಾಲ ನೆನೆಸಿಟ್ಟ ನಂತರ ಹಾಗಲಕಾಯಿಯಲ್ಲಿರುವ ಕಹಿಯು ಅಟೋಮ್ಯಾಟಿಕ್​ ಮಾಯವಾಗಿರುತ್ತದೆ.