Pregnancy Care: ಗರ್ಭಾವಸ್ಥೆಯಲ್ಲಿ ಐಸ್ ಕ್ರೀಂ ತಿನ್ನುವ ಬಯಕೆಯೇ? ಹಾಗಾದ್ರೆ ಈ ಸ್ಟೋರಿ ತಪ್ಪದೇ ಓದಿ

ಗರ್ಭಾವಸ್ಥೆಯಲ್ಲಿ ಹಲವು ತರಹದ ಖಾದ್ಯಗಳು, ಪದಾರ್ಥ ತಿನ್ನಲು ಸಾಕಷ್ಟು ಬಯಕೆಯಾಗುತ್ತದೆ. ಹಾಗೆಯೇ ಕೆಲವರಿಗೆ ಐಸ್ ಕ್ರೀಂ ತಿನ್ನುವ ಬಯಕೆ ಪದೇ ಪದೇ ಆಗುತ್ತದೆ. ಹಲವು ಗರ್ಭಿಣಿಯರು ಐಸ್ ಕ್ರೀಂ ತಿನ್ನುವುದರಿಂದ ಕ್ಯಾಲೊರಿ ಹೆಚ್ಚಳದ ಆತಂಕ ಎದುರಿಸುತ್ತಾರೆ.

ಐಸ್ ಕ್ರೀಂ ತಿನ್ನುವುದರಿಂದ ದೇಹದಲ್ಲಿ ಕ್ಯಾಲೊರಿ ಹೆಚ್ಚಿಸುತ್ತದೆ. ಗರ್ಭಾವಸ್ಥೆಯಲ್ಲಿ ಐಸ್ ಕ್ರೀಂ ತಿನ್ನುವ ಬಗ್ಗೆ ಕೆಲವು ಪ್ರಮುಖ ವಿಷಯಗಳು ಮತ್ತು ಅನಾನುನನುಕೂಲತೆಗಳ ಬಗ್ಗೆ ನೋಡೋಣ. ಅನೇಕ ಮಹಿಳೆಯರಿಗೆ ಗರ್ಭಾವಸ್ಥೆಯಲ್ಲಿ ಉಪ್ಪಿನಕಾಯಿ ಅಥವಾ ಐಸ್ ಕ್ರೀಂ ತಿನ್ನಬೇಕೆನಿಸುತ್ತದೆ.

ಇದಕ್ಕೆ ಮುಖ್ಯ ಕಾರಣ ಅಂದ್ರೆ ಹಾರ್ಮೋನುಗಳ ಬದಲಾವಣೆ ಎಂದು ಹೇಳಲಾಗಿದೆ. ಯುಎಸ್ ನಲ್ಲಿ 50 ರಿಂದ 90 ಪ್ರತಿಶತ ಮಹಿಳೆಯರು ಕಡುಬಯಕೆ ಹೊಂದುತ್ತಾರೆ. ಮೊದಲ ಮತ್ತು ಎರಡನೇ ತ್ರೈಮಾಸಿಕದಲ್ಲಿ ಗರಿಷ್ಠ ಮಟ್ಟದ ಬಯಕೆ ಅನುಭವಿಸುತ್ತಾರೆ.

ಐಸ್ ಕ್ರೀಂನ ಪೌಷ್ಟಿಕಾಂಶದ ಮಟ್ಟ ಹೀಗಿದೆ. ಕಾರ್ಬೋಹೈಡ್ರೇಟ್, ಪ್ರೋಟೀನ್, ಕ್ಯಾಲ್ಸಿಯಂ, ರಂಜಕ ಮತ್ತು ಫೈಬರ್ ಇದೆ. ಸಕ್ಕರೆ ಮತ್ತು ಕ್ಯಾಲೊರಿ ಹೆಚ್ಚಿದೆ. ಹಾಲು, ಹೆಪ್ಪುಗಟ್ಟಿದ ಹಣ್ಣುಗಳು ಮತ್ತು ಕೆನೆಯಿಮದ ನೀವೇ ಮನೆಯಲ್ಲಿ ಆರೋಗ್ಯಕರ ಐಸ್ ಕ್ರಿಂ ತಯಾರಿಸಿ ತಿನ್ನಬಹುದು. ರುಚಿಗೆ ತಕ್ಕಂತೆ ನೀವು ಸಕ್ಕರೆ ಸೇರಿಸಬಹುದು.

ಗರ್ಭಾವಸ್ಥೆಯಲ್ಲಿ ಐಸ್ ಕ್ರೀಮ್ ತಿನ್ನುವುದು ಎಷ್ಟು ಸುರಕ್ಷಿತ? ಪ್ರತಿಯೊಬ್ಬರೂ ಐಸ್ ಕ್ರೀಮ್ ತಿನ್ನಲು ಇಷ್ಟ ಪಡುತ್ತಾರೆ. ಅನೇಕ ಬಾರಿ ಗರ್ಭಾವಸ್ಥೆಯಲ್ಲಿ ಈ ಕಡುಬಯಕೆ ಇದ್ದಕ್ಕಿದ್ದಂತೆ ಹೆಚ್ಚಾಗುತ್ತದೆ. ಸಿಹಿ ಆಹಾರ ಇಷ್ಟ ಪಡುವ ಮಹಿಳೆಯರು ಬಹಳಷ್ಟು ಹಣ್ಣುಗಳು ಮತ್ತು ಸುವಾಸನೆಯ ಐಸ್ ಕ್ರೀಮ್ ತಿನ್ನುತ್ತಾರೆ.

ಗರ್ಭಿಣಿಯರು ಹೆಚ್ಚು ಐಸ್ ಕ್ರೀಮ್ ತಿಂದರೆ ಮಧುಮೇಹ, ಬೊಜ್ಜು ಮತ್ತು ನೆಗಡಿ ಕೆಮ್ಮು ಉಂಟಾಗುತ್ತದೆ. ತಯಾರಿಕೆ ವೇಳೆ ಸ್ವಚ್ಛತೆ ಇರಲ್ಲ. ಇದು ಅನೇಕ ರೀತಿಯ ಸೋಂಕುಗಳ ಅಪಾಯ ಹೆಚ್ಚಿಸುತ್ತದೆ. ಹಾಗಾಗಿ ಸರಿಯಾದ ಐಸ್ ಕ್ರೀಮ್ ಆರಿಸುವುದು ಮುಖ್ಯ.

ಗರ್ಭಿಣಿಯರು ಹೆಚ್ಚಾಗಿ ಕರ್ಲ್ಡ್ ಐಸ್ ಕ್ರೀಂ ತಿನ್ನುವುದು ಉತ್ತಮ. ಇದರಲ್ಲಿ ಬಣ್ಣ ಕಡಿಮೆ ಹಾಕುತ್ತಾರೆ. ಹಾಲಿನಿಂದ ತಯಾರಿಸಿದ ಐಸ್ ಕ್ರೀಮ್ ಕ್ಯಾಲ್ಸಿಯಂ, ವಿಟಮಿನ್ ಮತ್ತು ಖನಿಜ ನೀಡುತ್ತದೆ. ಕಾರ್ಬೋಹೈಡ್ರೇಟ್ ಮತ್ತು ಪ್ರೋಟೀನ್‌ ಪ್ರಮಾಣವಿದೆ. ಕಡಿಮೆ ಕೊಬ್ಬಿನ ಸಕ್ಕರೆ ಮುಕ್ತ ಐಸ್ ಕ್ರೀಮ್ ತಿನ್ನಿ.

ಗರ್ಭಾವಸ್ಥೆಯಲ್ಲಿ ಗರ್ಭಾವಸ್ಥೆಯ ಮಧುಮೇಹದ ಅಪಾಯ ಹೆಚ್ಚು. ಹಾಗಾಗಿ ಸಿಹಿ ತಿನ್ನುವುದನ್ನು ತಪ್ಪಿಸಿ. ನೈಸರ್ಗಿಕ ಐಸ್ ಕ್ರೀಮ್ಗಳ ನ್ನು ತಿನ್ನಿ. ಸಂರಕ್ಷಕ ಮತ್ತು ಕೃತಕ ಬಣ್ಣ ಮುಕ್ತ, ಸಿಹಿಕಾರಕ ಮತ್ತು ಕೆಫೀನ್ ಇಲ್ಲದ ಐಸ್ ಕ್ರೀಂ ತಿನ್ನಿ. ಅತಿಯಾಗಿ ಐಸ್ ಕ್ರೀಂ ತಿನ್ನಬೇಡಿ.