Weight Loss Drinks: ಈ ಪಾನೀಯಗಳನ್ನು ಕುಡಿದರೆ ಸಾಕು, ನಿಮ್ಮ ತೂಕ ಕಡಿಮೆ ಆಗುತ್ತೆ

ತೂಕ ಇಳಿಸುವ ಪಾನೀಯಗಳು: ಕೆಲವು ಕಡಿಮೆ ಕ್ಯಾಲೋರಿ ಪಾನೀಯಗಳು ನಿಮ್ಮ ತೂಕವನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ. ಈ ಹೊಸ ವರ್ಷದಲ್ಲಿ ಕೆಳಗಿನ ಸಲಹೆಗಳನ್ನು ಗಮನಿಸಿ ತೂಕ ಇಳಿಕೆ ಪ್ರಾರಂಭಿಸಿ!

ಹೊಸ ವರ್ಷ ಬಂದರೆ ಸಾಕು. ಪ್ರತಿಯೊಬ್ಬರು ಪ್ರತಿಯೊಂದೂ ವಿಭಿನ್ನ ಪ್ರತಿಜ್ಞೆಯನ್ನು ಮಾಡುತ್ತೇವೆ. ಆದರೆ ಹೆಚ್ಚಿನವರು ಅದನ್ನು ಅರ್ಧಕ್ಕೇ ಕೈ ಬಿಡುತ್ತಾರೆ. ಆದರೆ ನಮ್ಮಲ್ಲಿ ಹೆಚ್ಚಿನವರು ವರ್ಷದಿಂದ ವರ್ಷಕ್ಕೆ ಪ್ರಯತ್ನಿಸುವ ಒಂದು ವಿಷಯವೆಂದರೆ ತೂಕವನ್ನು ಕಳೆದುಕೊಳ್ಳುವುದು.

ಆದರೆ ಪಾನೀಯಗಳ ಹೆಸರಿನಲ್ಲಿ ಸಕ್ಕರೆ ಪಾನೀಯಗಳು, ಪ್ಯಾಕ್ ಮಾಡಿದ ತಂಪು ಪಾನೀಯಗಳು ಮತ್ತು ಕ್ರೀಡಾ ಪಾನೀಯಗಳನ್ನು ಸೇವಿಸಿದರೆ ನಿಮ್ಮಲ್ಲಿ ಬೊಜ್ಜು ಹೆಚ್ಚುತ್ತದೆ.

ಎಳನೀರು ಕುಡಿಯುವುದರಿಂದಲೂ ಸಹ ನೀವು ನಿಮ್ಮ ತೂಕ ಇಳಿಸಿಕೊಳ್ಳಬಹುದು. ಇದು ಆರೋಗ್ಯಕ್ಕೆ ಉತ್ತಮವಾಗಿರುತ್ತದೆ. ಅಷ್ಟೇ ಅಲ್ಲ ಇದೊಂದು ನೈಸರ್ಗಿಕ ಪಾನೀಯ.

ಕಪ್ಪು ಚಹಾ: ಹಸಿರು ಚಹಾದಂತೆ, ಇದು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ. ನಿರ್ದಿಷ್ಟವಾಗಿ ಕಪ್ಪು ಚಹಾವು ಸ್ಥೂಲಕಾಯತೆಯನ್ನು ಕಡಿಮೆ ಮಾಡುವ ಪಾಲಿಫಿನಾಲ್ಗಳನ್ನು ಹೊಂದಿರುತ್ತದೆ. ಇದು ಕೊಬ್ಬು ಮತ್ತು ಕ್ಯಾಲೊರಿಗಳನ್ನು ಸಹ ಕರಗಿಸುತ್ತದೆ. 3 ತಿಂಗಳ ಕಾಲ ಪ್ರತಿದಿನ 3 ಕಪ್ ಕಪ್ಪು ಚಹಾವನ್ನು ಕುಡಿಯುವುದರಿಂದ ದೇಹದ ತೂಕವನ್ನು ಗಮನಾರ್ಹವಾಗಿ ಕಡಿಮೆ ಮಾಡಬಹುದು

ಗ್ರೀನ್ ಟೀ: ಗ್ರೀನ್ ಟೀಯಲ್ಲಿ ಕೆಟಮೈನ್ ಮತ್ತು ಕೆಫೀನ್ ಎಂಬ ರಾಸಾಯನಿಕಗಳಿದ್ದು, ಇದು ನಮ್ಮ ಮೆಟಬಾಲಿಕ್ ಚಟುವಟಿಕೆಯನ್ನು ಉತ್ತೇಜಿಸುತ್ತದೆ. ದೇಹದಲ್ಲಿ ಕೊಬ್ಬು ಮತ್ತು ಕ್ಯಾಲೊರಿಗಳನ್ನು ಸುಡುವಲ್ಲಿ ಗ್ರೀನ್ ಟೀ ಪ್ರಮುಖ ಪಾತ್ರ ವಹಿಸುತ್ತದೆ. ಬೆಳಿಗ್ಗೆ ಗ್ರೀನ್ ಟೀ ಕುಡಿಯುವುದರಿಂದ ನಮ್ಮ ದೇಹ ಮತ್ತು ಮನಸ್ಸು ಉಲ್ಲಾಸಗೊಳ್ಳುತ್ತದೆ.

ಆಪಲ್ ಸೈಡರ್ ವಿನೆಗರ್: ಆಪಲ್ ಸೈಡರ್ ವಿನೆಗರ್‌ನಲ್ಲಿರುವ ಅಸಿಟಿಕ್ ಆಮ್ಲವು ನಮ್ಮ ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತದೆ. ಪ್ರತಿದಿನ 1 ರಿಂದ 2 ಟೀ ಚಮಚ ವಿನೆಗರ್ ಸೇವಿಸುವುದರಿಂದ ತೂಕ ಇಳಿಸಲು ಸಹಾಯ ಮಾಡುತ್ತದೆ.