Cleaning Tips: ಹೋಳಿ ದಿನ ಬಟ್ಟೆ ಮೇಲೆ ಬಿದ್ದ ಬಣ್ಣದ ಕಲೆ ಹೋಗ್ಬೇಕಾ? ನಿಮ್ಮ ಡ್ರೆಸ್​ಗಳನ್ನು ಹೀಗೆ ವಾಶ್ ಮಾಡಿ!

ವಿವಿಧ ಬಣ್ಣಗಳಿಂದ ಕೂಡಿದ ವರ್ಣರಂಜಿತ ಮತ್ತು ಮನೋರಂಜನೆಯ ಹಬ್ಬವೆಂದರೆ ಹೋಳಿ ಹಬ್ಬ. ಈ ಹಬ್ಬ ಮಾರ್ಚ್​​ ತಿಂಗಳಿನಲ್ಲಿ ಬರುವ ಹುಣ್ಣಿಮೆಯ ದಿನ ಆಚರಿಸಲಾಗುತ್ತದೆ. ಈ ಹಬ್ಬವನ್ನು ಎರಡು ದಿನ ಆಚರಣೆ ಮಾಡಲಾಗುತ್ತದೆ. ಇದು ವಸಂತ ಮತ್ತು ಸುಗ್ಗಿಯ ಹಬ್ಬವೆಂದು ಪರಿಗಣಿಸಲಾಗುತ್ತದೆ.

ಭಾರತೀಯರು ಯಾವುದೇ ಧರ್ಮ ಜಾತಿ ಎಂಬ ಹಂಗಿಲ್ಲದೆ ಎಲ್ಲಾ ಹಬ್ಬಗಳನ್ನು ಒಟ್ಟಿಗೆ ಆಚರಿಸುತ್ತಾರೆ. ಅವುಗಳಲ್ಲಿ ಹೋಳಿ ಹಬ್ಬ ಕೂಡ ಒಂದಾಗಿದೆ. ಹೋಳಿ ಹಬ್ಬವನ್ನು ಜನರು ತಮ್ಮ ಸಂಬಂಧಿಕರು ಮತ್ತು ಸ್ನೇಹಿತರೊಂದಿಗೆ ಹತ್ತಿರವಾಗಲು ಬಣ್ಣಗಳನ್ನು ಹಚ್ಚುವ ಮೂಲಕ ಸಂಭ್ರಮಿಸುತ್ತಾರೆ. ಅದರಲ್ಲಿಯೂ ಉತ್ತರ ಭಾರತದಲ್ಲಿ ಈ ಹಬ್ಬವನ್ನು ಜನ ಗ್ರ್ಯಾಂಡ್ ಆಗಿ ಆಚರಿಸುತ್ತಾರೆ.

ಆದರೆ ಈ ಹಬ್ಬದಂದು ಕೆಲವರು ಎಲ್ಲಿ ಬಣ್ಣ ಹಚ್ಚುತ್ತಾರೋ ಎಂದು ಮನೆಯಿಂದ ಹೊರಗೆ ಬರಲು ಹಿಂಜರಿಯುತ್ತಾರೆ. ಏಕೆಂದರೆ ಕೆಲವು ಕೆಮಿಕಲ್ ಮಿಶ್ರಿತ ಬಣ್ಣಗಳಿಂದ ತ್ವಚೆ ಹಾಳಾಗುತ್ತದೆ. ಅಲ್ಲದೇ ಬಟ್ಟೆ ಕೂಡ ಕೊಳಕಾಗುತ್ತದೆ ಎಂಬ ಭಯ ಹೊಂದಿರುತ್ತಾರೆ. ಆದರೆ ಈ ಭಯವನ್ನು ಬಿಟ್ಟು ಈ ಬಾರಿ ಹೋಳಿಯನ್ನು ಸಂಭ್ರಮದಿಂದ ಆಚರಿಸಿ, ಏಕೆಂದರೆ ನಿಮ್ಮ ಬಟ್ಟೆ ಮೇಲಾದ ಕಲೆಗಳನ್ನು ತೆಗೆದು ಹಾಕಲು ಒಂದಷ್ಟು ಟಿಪ್ಸ್ ಅನ್ನು ನಾವು ಇಂದು ನಿಮಗೆ ನೀಡುತ್ತಿದ್ದೇವೆ.

ಬ್ಲೀಚ್: ನಿಮ್ಮದು ಬಿಳಿ ಬಟ್ಟೆಯಾಗಿದ್ದರೆ, ಅವುಗಳನ್ನು ಕ್ಲೋರಿನ್ ಅಲ್ಲದ ಬ್ಲೀಚ್ನೊಂದಿಗೆ ಬಿಸಿ ನೀರಿನಲ್ಲಿ ನೆನೆಸಿ ಒಗೆಯಿರಿ. ಆದರೆ ಈ ವೇಳೆ ಈ ಬಟ್ಟೆ ಇತರ ಬಟ್ಟೆಗಳಿಗೆ ಅಂಟಿಕೊಳ್ಳದಂತೆ ನೋಡಿಕೊಳ್ಳಿ ಹಾಗೂ ಪ್ರತ್ಯೇಕವಾಗಿ ಒಗೆದು ಒಣಗಿಸಿ.

ಬಿಳಿ ವಿನೆಗರ್: ಅರ್ಧ ಕಪ್ ಬಿಳಿ ವಿನೆಗರ್ ಮತ್ತು 1 ಟೇಬಲ್ ಸ್ಪೂನ್ ವಾಶಿಂಗ್ ಪೌಡರ್ ಅನ್ನು 2-3 ಲೀಟರ್ ತಣ್ಣನೆಯ ನೀರಿಗೆ ಸೇರಿಸಿ ಅದರಲ್ಲಿ ಬಟ್ಟೆಯನ್ನು ನೆನೆಸಿ. ಇದರಲ್ಲಿರು ಆಸಿಡ್ ಅಂಶ ನಿಮ್ಮ ಬಟ್ಟೆಯಲ್ಲಿರುವ ಬಣ್ಣದ ಕಲೆಗಳನ್ನು ದೂರ ಮಾಡುತ್ತದೆ.

ವಿಂಡೋ ಕ್ಲೀನರ್: ವಿಂಡೋ ಕ್ಲೀನರ್ ಬಗ್ಗೆ ಸಾಕಷ್ಟು ಮಂದಿಗೆ ತಿಳಿದಿರುವುದಿಲ್ಲ. ಸಾಮಾನ್ಯವಾಗಿ ಇದನ್ನು ಬಟ್ಟೆ ಒಗೆಯಲು ಸಹ ಬಳಸಬಹುದು. ಇದರಲ್ಲಿ ಅಮೋನಿಯಾ-ಆಧಾರಿತ ಸ್ಪ್ರೇ-ಆನ್ ವಿಂಡೋ ಕ್ಲೀನರ್ ಇರುತ್ತದೆ. ಬಟ್ಟೆಯ ಮೇಲೆ ಬಣ್ಣದ ಕಲೆಗಳು ಎಲ್ಲಿದೆಯೋ ಅಲ್ಲಿ ವಿಂಡೋ ಕ್ಲೀನರ್ ಸ್ಪ್ರೇ ಮಾಡಿ, 15-20 ನಿಮಿಷಗಳ ಕಾಲ ಬಿಡಿ. ನಂತರ ಬಟ್ಟೆಯನ್ನು ನಿಮ್ಮ ಕೈಗಳಿಂದ ಉಜ್ಜಿ ತೊಳೆಯಿರಿ.

ನಿಂಬೆ ರಸ: ನಿಂಬೆಯಲ್ಲಿ ಆಮ್ಲೀಯ ಅಂಶವಿದ್ದು, ಇದು ಬಟ್ಟೆ ಮೇಲಿನ ಕಲೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಕಲೆಯಾದ ಬಟ್ಟೆಗೆ ನಿಂಬೆ ರಸ ಹಾಕಿ 15 ನಿಮಿಷಗಳ ಕಾಲ ಬಿಡಿ. ನಂತರ. ಬಣ್ಣ ಅಂಟಿರುವ ಕಡೆ ಚೆನ್ನಾಗಿ ಉಜ್ಜಿ ತೊಳೆದು ಒಣಗಿಸಿ, ಕಲೆ ಮಾಯವಾಗಿರುತ್ತದೆ.

ಮಿಥೈಲೇಟೆಡ್ ಸ್ಪಿರಿಟ್ಸ್ (ಆಲ್ಕೋಹಾಲ್): ಕಲೆಯಾದ ಬಟ್ಟೆಯ ಮೇಲೆ ಆಲ್ಕೊಹಾಲ್ ಹಾಕಿ ನೆನೆಸಿ, ನಂತಯರ ಬಟ್ಟೆಯನ್ನು ಬ್ರಶ್ ಮಾಡಿ, ತೊಳೆಯಿರಿ. ಹೀಗೆ ಮಾಡುವುದರಿಂದ ಬಟ್ಟೆ ಮೇಲಿರುವ ಕಲೆ ಹೋಗಿರುತ್ತದೆ.