Happy Family: ಕುಟುಂಬದ ಸಂತೋಷ ಕಾಪಾಡಬೇಕು ಎಂದ್ರೆ ಈ ಅಂಶ ಮರೆಯಬೇಡಿ

ಅನೇಕರು ಕುಟುಂಬ ಅದರ ಪಾಡಿಗೆ ಇರುತ್ತದೆ ಎಂಬ ಅಸಡ್ಡೆ ಹೊಂದಿರುತ್ತದೆ. ಆದರೆ, ಈ ನಿರ್ಲಕ್ಷ್ಯತನಕ್ಕೆ ಭಾರೀ ಬೆಲೆ ತೆತ್ತಿರುವವರನ್ನು ನಮ್ಮ ನಡುವೆ ನೋಡಿರುತ್ತೇವೆ. ಈ ಹಿನ್ನಲೆ ಕುಟುಂಬಕ್ಕೆ ಗಮನ ಕೊಡುವುದು ಅವಶ್ಯ. (Photo: pixel.com)

ಸಮಯ ನೀಡಿ: ಕುಟುಂಬದ ಸದಸ್ಯರಿಗೆ ಅವಶ್ಯಕವಾಗಿ ಬೇಕಾಗಿರುವುದು ನಿಮ್ಮ ದುಬಾರಿ ಉಡುಗೊರೆಗಳಲ್ಲ, ನಿಮ್ಮ ಅತ್ಯಮೂಲ್ಯ ಸಮಯ. ಕುಟುಂಬದೊಂದಿಗೆ ಸಮಯ ಕಳೆದಷ್ಟು, ಅವರನ್ನು ನೀವು, ನಿಮ್ಮನ್ನು ಅವರು ಅರ್ಥ ಮಾಡಿಕೊಳ್ಳುವಲ್ಲಿ ಸಹಾಯಕವಾಗುತ್ತದೆ. (Photo: pixel.com)

ಪ್ರಮುಖ ದಿನಾಂಕಗಳನ್ನು ಮರೆಯದಿರಿ: ಮದುವೆಯಾದ ಹೊಸದರಲ್ಲಿ ಇರುವ ಆಕರ್ಷಣೆ ವರ್ಷ ಕಳೆದಂತೆ ಮರೆಯಾಗುವುದು ಸಹಜ. ಇಂತಹ ಸಮಯದಲ್ಲಿ ಬರುವ ವಾರ್ಷಿಕೋತ್ಸವಗಳು, ಹುಟ್ಟುಹಬ್ಬಗಳು ನಿಮ್ಮ ಹಳೆಯ ದಿನದ ಖುಷಿಯನ್ನೆ ನೆನಪಿಸುತ್ತವೆ. ಇದೇ ಕಾರಣಕ್ಕೆ ಈ ದಿನಗಳನ್ನು ಮರೆಯದೇ ಆಚರಿಸಿ. (Photo: pixel.com)

ಔಟಿಂಗ್ ಮಾಡಿ: ಮಕ್ಕಳು ಶಾಲೆ, ಪಾಠದಲ್ಲಿ ಮಗ್ನರಾಗಿ, ಗಂಡ ಹೆಂಡತಿ ಕಚೇರಿ ಕೆಲಸಗಳಲ್ಲಿ ಮುಳಗಿದ್ರೆ ಅದನ್ನು ಸುಂದರ ಸಂಸಾರ ಎನ್ನಲೂ ಸಾಧ್ಯವಿಲ್ಲ. ಈ ಹಿನ್ನಲೆ ತಿಂಗಳಿಗೆ ಒಮ್ಮೆಯಾದರೂ ಚಿಕ್ಕ ಚಿಕ್ಕ ಔಟಿಂಗ್ ನಡೆಸುವುದು ಅವಶ್ಯ. (Photo: pixel.com)

ಸರ್ಪ್ರೈಸ್ ನೀಡಿ: ಪ್ರಮುಖ ದಿನಾಂಕಗಳ ಹೊರತಾಗಿ ಸಾಮಾನ್ಯ ದಿನಗಳಲ್ಲೇ ನಿಮ್ಮ ಸಂಗಾತಿ, ಮಕ್ಕಳಿಗೆ ವಿಶೇಷ ಅಚ್ಚರಿಯ ಉಡುಗೊರೆ ಅಥವಾ ಇನ್ನೇದರೂ ಆಯೋಜನೆಗಳನ್ನು ಮಾಡುವ ಮೂಲಕ ಅವರ ಖುಷಿ ಹೆಚ್ಚಿಸಬಹುದು. (Photo: pixel.com)

ಬೆನ್ನೆಲುಬಾಗಿರಿ: ಕೆಲಸದಲ್ಲೇ ಆಗಲಿ, ಮಾನಸಿಕವಾಗಲಿ ಆಸರೆ ಎಂಬುದು ಪ್ರತಿಯೊಬ್ಬರಿಗೂ ಅವಶ್ಯ. ಈ ಹಿನ್ನಲೆ ಈ ಅವರ ಕೆಲಸದಲ್ಲಿ ಸಮಸ್ಯೆಗಳಲ್ಲಿ ನೀವು ಭಾಗಿಯಾಗಿ ಅದರ ಸಮಪಾಲು ಪಡೆದರೆ ಅದು ನಿಮ್ಮ ಕುಟುಂಬದ ಬುನಾದಿಯನ್ನು ಇನ್ನಷ್ಟು ಗಟ್ಟಿ ಮಾಡುತ್ತದೆ. (Photo: pixel.com)

ಮಾತುಕತೆ: ಪ್ರತಿಯೊಂದು ಸಮಸ್ಯೆಗಳ ನಿವಾರಣೆಗೆ ಕುಳಿತು ಮಾತನಾಡುವುದು ಅವಶ್ಯ. ಇಂತಹ ಮಾತುಗಳು ಕಣ್ಮರೆಯಾದಾಗ ಅಂತರ ಹೆಚ್ಚುವುದು ಹೆಚ್ಚು. ಈ ಹಿನ್ನಲೆ ದಿನದಲ್ಲಿ ಸಾಧ್ಯವಾದಷ್ಟು ಎದುರಿಗೆ ಕುಳಿತು ನಿಮ್ಮ ದಿನಚರಿ ಬಗ್ಗೆ ಪರಸ್ಪರ ತಿಳಿಸಿ. (Photo: pixel.com)

ನಂಬಿಕೆ: ಪ್ರತಿಯೊಂದು ಸಂಬಂಧದ ಬೇರು ಈ ನಂಬಿಕೆ. ಇಂತಹ ನಂಬಿಕೆಗೆ ಘಾಸಿಯಾಗುವ ಕೆಲಸ ಮಾಡಬೇಡಿ. ಇಬ್ಬರ ನಡುವೆ ಯಾವುದೇ ಮುಚ್ಚು ಮರೆಯಿಲ್ಲದಿರುವುದು ಅವಶ್ಯ. ಈ ರೀತಿ ಮುಚ್ಚು ಮರೆ ಹೆಚ್ಚಾದಲ್ಲಿ ಅಲ್ಲಿ ಅಪನಂಬಿಕೆ ಶುರುವಾಗದೇ ಇರದು. (Photo: pixel.com)