Health Care: ಅಂದ ಕೆಟ್ರೂ ಪರ್ವಾಗಿಲ್ಲ ಮೂಗಿನ ಸಹವಾಸಕ್ಕೆ ಮಾತ್ರ ಹೋಗ್ಬೇಡಿ; ಇಲ್ಲದಿದ್ರೆ ಪ್ರಾಣನೇ ಕಳ್ಕೋತೀರಾ!

ಸಾಮಾನ್ಯವಾಗಿ ಮನುಷ್ಯರು ಉಸಿರಾಡಲು ಇರುವ ಪ್ರಮುಖ ಅಂಗವೆಂದರೆ ಮೂಗು. ಕಲುಷಿತ ಗಾಳಿಯನ್ನು ಹೊರತು ಪಡಿಸಿ ಶುದ್ಧವಾದ ಗಾಳಿಯನ್ನು ಶ್ವಾಸ ಕೋಶಕ್ಕೆ ತಲುಪಿಸುವ ಕೆಲಸವನ್ನು ಮೂಗಿನ ಒಳ ಭಾಗದಲ್ಲಿರುವ ಕೂದಲುಗಳು ಮಾಡುತ್ತದೆ.

ಆದರೆ ಕೆಲ ಮಂದಿ ಏನೋ ಪುಲಪುಲ ಅನಿಸುತ್ತಿದೆ, ನೋಡಲು ಕೆಟ್ಟದಾಗಿ ಕಾಣುತ್ತೆ. ಇದರಿಂದ ನೆಗಡಿ ಬರುತ್ತದೆ ಎಂದು ಮೂಗಿನ ಒಳಗಿರುವ ಕೂದಲನ್ನು ಕಿತ್ತು ಹಾಕಲು ಯೋಚಿಸುತ್ತಾರೆ. ನಿಜಕ್ಕೂ ಹೀಗೆ ಮಾಡಿದರೆ ಅಪಾಯಕ್ಕೆ ನೀವು ಆಹ್ವಾನ ನೀಡಿದಂತೆ ಆಗುತ್ತದೆ.

ಹೌದು, ಸಾಮಾನ್ಯವಾಗಿ ಮೂಗನ್ನು ದೇಹದ ' ಏರ್ ಫಿಲ್ಟರ್ ಸಿಸ್ಟಮ್ ' ಎಂದು ಕರೆಯಲಾಗುತ್ತದೆ. ಒಂದು ವೇಳೆ ನೀವು ಮೂಗಿನೊಳಗಿರುವ ಕೂದಲನ್ನು ಕಿತ್ತು ಹಾಕಿದರೆ, ಸುಲಭಾಗಿ ಸೋಂಕು ಕಾರಕ ಕ್ರಿಮಿಗಳು ನೇರವಾಗಿ ಶ್ವಾಸಕೋಶ ತಲುಪಲು ಅವಕಾಶ ಮಾಡಿಕೊಟ್ಟಂತೆ ಆಗುತ್ತದೆ.

ಹಾಗಾಗಿ ಮೂಗಿನೊಳಗಿರುವ ಕೂದಲನ್ನು ತೆಗೆಯುವ ಯೋಚನೆಯನ್ನು ಬಿಟ್ಟು ಬಿಡಿ. ಅಪ್ಪಿತಪ್ಪಿ ಕೂದನ್ನು ತೆರೆದರೆ ಮುಂದೆ ಎದುರಾಗುವ ಅನಾಹುತಗಳಿಗೆ ನೀವೇ ಜವಾಬ್ದಾರರಾಗುತ್ತೀರಿ. ಅಷ್ಟಕ್ಕೂ ಮೂಗಿನೊಳಗಿನ ಕೂದಲು ತೆರೆದರೆ ಏನೆಲ್ಲಾ ದುಷ್ಪರಿಣಾ ಉಂಟಾಗಬಹುದು ನೋಡೋಣ ಬನ್ನಿ.

ಮೂಗಿನೊಳಗಿನ ಕೂದಲನ್ನು ಚಿಮಟದ ಸಹಾಯ ತೆಗೆಯಲು ಪ್ರಯತ್ನಿಸಿದರೆ ನೀವು ದೀರ್ಘಕಾಲದ ಸೋಂಕಿಗೆ ಒಳಗಾಗಬಹುದು. ಮತ್ತೆ ಕೆಲವರಿಗೆ ಕೆಲವರಿಗೆ ಕೂದಲು ತೆಗೆದ ಜಾಗದಲ್ಲಿ ರಕ್ತ ಮತ್ತು ಕೀವು ಬರಬಹುದು. ಇದರಿಂದ ಸೋಂಕುಕಾರಕ ರೋಗಾಣುಗಳು ಹೊರಗಿನ ಧೂಳು ಮತ್ತು ಕೊಳೆ ಜೊತೆ ಸೇರಿಕೊಂಡು ಸಂಪೂರ್ಣ ಮೂಗಿನ ಹೊಳ್ಳೆ ಹಾನಿಗೊಳಗಾಗಬಹುದು.

ಮೂಗಿನ ಅಂಚುಗಳಲ್ಲಿ ನೇರವಾಗಿ ರಕ್ತ ಸಂಚಾರವನ್ನು ಮೆದುಳಿಗೆ ವರ್ಗಾಯಿಸುವಂತಹ ರಕ್ತನಾಳಗಳು ಇವೆ. ಈ ಹಿನ್ನೆಲೆ ಮೂಗಿನ ಹೊಳ್ಳೆಯಲ್ಲಿ ನಿರ್ದಾಕ್ಷಿಣ್ಯವಾಗಿ ಕೂದಲನ್ನು ತೆಗೆದರೆ ಅದರಿಂದ ಮೆದುಳಿಗೂ ಕೂಡ ಹಾನಿಯಾಗುವ ಸಾಧ್ಯತೆ ಇದೆ. ಹಾಗಾಗಿ ಒಂದು ವೇಳೆ ಮೂಗಿನ ಹೊಳ್ಳೆಯಿಂದ ಕೂದಲನ್ನು ತೆಗೆಯಲು ಮುಂದಾದರೆ, ಇದು ನೇರವಾಗಿ ದೇಹದ ರೋಗ ನಿರೋಧಕ ಶಕ್ತಿ ಮೇಲೆ ಪ್ರಭಾವ ಬೀರುವ ಜೊತೆಗೆ ಮೆದುಳಿಗೆ ಉಂಟಾಗುವ ರಕ್ತ ಸಂಚಾರದಲ್ಲಿ ವ್ಯತ್ಯಾಸ ಮಾಡುತ್ತದೆ. ಇದರಿಂದ ಸಾವೂ ಸಂಭವಿಸುವ ಸಾಧ್ಯತೆ ಹೆಚ್ಚು.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)