LPG Saving Tips: ನಿಮ್ಮ ಮನೆಯಲ್ಲಿ LPG ಬೇಗನೆ ಖಾಲಿಯಾಗುತ್ತದೆಯೇ? ಹೀಗೆ ಮಾಡಿದರೆ ಗ್ಯಾಸ್​ನ್ನು ಉಳಿಸಬಹುದು

ಇತ್ತೀಚೆಗೆ ಎಲ್‌ಪಿಜಿ ಸಿಲಿಂಡರ್ ಬೆಲೆ ಗಗನಕ್ಕೇರಿದ್ದು, ಮಹಿಳೆಯರಿಗೆ ಗ್ಯಾಸ್​ನ್ನು ಹೇಗೆ ಉಳಿತಾಯ ಮಾಡಬೇಕು ಎನ್ನುವುದೇ ದೊಡ್ಡ ಸಮಸ್ಯೆ ಆದಂತಾಗಿದೆ. ಹೀಗಾಗಿ ಈ ಕೆಳಕಂಡ ಸಲಹೆಗಳನ್ನು ಪಾಲಿಸುವುದರಿಂದ ನಿಮ್ಮ ಮನೆಯಲ್ಲಿನ ಎಲ್​ಪಿಜಿ ಅನ್ನು ಉಳಿಸಬಹುದು.

ಮನೆಯಲ್ಲಿ ಅಡುಗೆ ಮಾಡುವ ಮಹಿಳೆಯರು ಮಾತ್ರ ಎಲ್ ಪಿಜಿ ಉಳಿತಾಯದ ಹೊಣೆಯಲ್ಲ. ಕುಟುಂಬದ ಎಲ್ಲ ಸದಸ್ಯರು ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕು. ಮನೆಯಲ್ಲಿ ಗಂಡ ಮತ್ತು ಮಕ್ಕಳು ಸಹಕರಿಸಬೇಕು. ಆಗ ಮಾತ್ರ ನೀವು ಅನಿಲವನ್ನು ಉಳಿಸಲು ಸಾಧ್ಯವಾಗುತ್ತದೆ. ಮನೆಯಲ್ಲಿ ಅಡುಗೆ ಅನಿಲವನ್ನು ಉಳಿಸಲು ಈ ಸಲಹೆಗಳನ್ನು ಅನುಸರಿಸಿ.

ಸಾಂಬಾರು ಮಾಡುವಾಗ ಬೇಳೆಯನ್ನು ಕನಿಷ್ಠ ಅರ್ಧ ಘಂಟೆಯವರೆಗೆ ನೀರಿನಲ್ಲಿ ನೆನೆಸಿಡಿ. ಅದರ ನಂತರ ಬೇಳೆಯನ್ನು ಬೇಯಿಸಬೇಕು. ಹೀಗೆ ಮಾಡುವುದರಿಂದ ಗ್ಯಾಸ್ ಉಳಿತಾಯವಾಗುತ್ತದೆ. ಇಲ್ಲದಿದ್ದರೆ ಬೇಳೆಕಾಳುಗಳನ್ನು ಬೇಯಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ಗ್ಯಾಸ್ ಹೆಚ್ಚು ವೆಚ್ಚವಾಗುತ್ತದೆ.

ಯಾವುದೇ ಅಡುಗೆ ಮಾಡುವ ಮೊದಲು ನಿಮಗೆ ಬೇಕಾದ ಎಲ್ಲಾ ಪದಾರ್ಥಗಳನ್ನು ಎದುರಿಗೆ ತೆರೆದಿಟ್ಟುಕೊಳ್ಳಿ. ಇಲ್ಲವಾದಲ್ಲಿ ಗ್ಯಾಸ್ ಹಚ್ಚಿದ ಮೇಲೆ ತಯಾರಿ ಮಾಡಲಾರಂಭಿಸಿದರೆ ಗ್ಯಾಸ್ ಸುಮ್ಮನೆ ಖರ್ಚಾಗುತ್ತದೆ.

ಪ್ಯಾನ್ ಅಥವಾ ಜಿನ್‌ಗಿಂತ ಹೆಚ್ಚಾಗಿ ಪ್ರೆಶರ್ ಕುಕ್ಕರ್‌ನಲ್ಲಿ ಸಾಂಬಾರು ಅಥವಾ ಬೇಳೆಗಳನ್ನು ಬೇಯಿಸಿ. ಕುಕ್ಕರ್​ನಲ್ಲಿ ಬೇಯಿಸಿದರೆ ಕಡಿಮೆ ಸಮಯದಲ್ಲಿ ಬೇಳೆ ತಯಾರಾಗುತ್ತದೆ. ಗ್ಯಾಸ್ ಕೂಡ ಉಳಿತಾಯವಾಗುತ್ತದೆ.

ಹೆಚ್ಚಿನ ಜನರು ಒಲೆಯ ಮೇಲೆ ಯಾವುದೇ ಭಕ್ಷ್ಯವನ್ನು ಬೇಯಿಸುವಾಗ ನಡುವೆ ನೀರನ್ನು ಸುರಿಯುತ್ತಾರೆ. ಆದರೆ ಹಾಗಾಗಬಾರದು. ಹಾಗೆ ನೀರು ಸುರಿಯುವುದರಿಂದ ತರಕಾರಿಗಳು ಬೇಯಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಗ್ಯಾಸ್ ಕೂಡ ಹೆಚ್ಚು ಖರ್ಚಾಗುತ್ತದೆ.

ಅಡುಗೆ ಮಾಡುವಾಗ ಒಮ್ಮೆ ಎಲ್ಲವನ್ನು ಹಾಕಿ ಬೇಯಿಸಲು ಇಟ್ಟು ಬಿಡಿ ಇಲ್ಲ. ಪಾತ್ರೆಯ ಮುಚ್ಚಳವನ್ನು ಪದೇ ಪದೇ ತೆಗೆಯುತ್ತಿರಬೇಡಿ, ಇದರಿಂದ ಗ್ಯಾಸ್ ಬೇಗ ಖರ್ಚಾಗುತ್ತದೆ.

ಹೆಚ್ಚಿನ ಜನರು ಅಡುಗೆಯನ್ನು ತ್ವರಿತವಾಗಿ ಮಾಡಲು ದೊಡ್ಡ ಬೆಂಕಿಯಲ್ಲಿ ಬೇಯಿಸುತ್ತಾರೆ. ಆದರೆ ಹೀಗೆ ಮಾಡುವುದರಿಂದ ಹೆಚ್ಚು ಗ್ಯಾಸ್ ವ್ಯರ್ಥವಾಗುತ್ತದೆ. ಮಧ್ಯಮ ಉರಿಯಲ್ಲಿ ಅಡುಗೆ ಮಾಡುವುದರಿಂದ ಗ್ಯಾಸ್ ಉಳಿತಾಯವಾಗುತ್ತದೆ. ಹಾಗೆಯೇ ಫ್ರಿಡ್ಜ್ ನಿಂದ ನೇರವಾಗಿ ತರಕಾರಿಗಳನ್ನು ತಂದು ಬೇಯಿಸಬೇಡಿ. ಕೋಣೆಯ ಉಷ್ಣಾಂಶವನ್ನು ತಲುಪಿದ ನಂತರ ಮಾತ್ರ ಬೇಯಿಸಿ. ಇಲ್ಲದಿದ್ದರೆ ಅಡುಗೆ ಮಾಡಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ.. ಗ್ಯಾಸ್ ಹೆಚ್ಚು ಖರ್ಚಾಗುತ್ತದೆ. ಈ ಸಲಹೆಗಳನ್ನು ಅನುಸರಿಸಿದರೆ ಸಾಮಾನ್ಯವಾಗಿ 4 ತಿಂಗಳು ತೆಗೆದುಕೊಳ್ಳುವ ಗ್ಯಾಸ್ 6 ತಿಂಗಳವರೆಗೆ ಇರುತ್ತದೆ.