Mosquito Bite: ಸೊಳ್ಳೆ ಕಚ್ಚೋದ್ರಿಂದ ತುರಿಕೆ, ದಪ್ಪ ಏಕೆ ಆಗುತ್ತದೆ? ಇದಕ್ಕೂ ಒಂದು ಕಾರಣವಿದೆ

ಮಳೆಗಾಲ, ಬೇಸಿಗೆ ಕಾಲ, ಚಳಿಗಾಲ, ಯಾವುದೇ ಸೀಸನ್ ನಲ್ಲಿ ಸೊಳ್ಳೆಗಳ ಕಾಟ ಸಾಮಾನ್ಯ. ಈ ಸಮದರ್ಭದಲ್ಲಿ ಸೊಳ್ಳೆಗಳು ಜನರನ್ನು ಕಚ್ಚುವುದು ಸಹಜ. ಅದರಲ್ಲೂ ಮಾನ್ಸೂನ್ ಮತ್ತು ಬೇಸಿಗೆಯಲ್ಲಿ ರಾತ್ರಿ ಸಮಯದಲ್ಲಿ ಸೊಳ್ಳೆಗಳ ಕಾಟ ಹೆಚ್ಚಾಗಿಯೇ ಇರುತ್ತದೆ. ಹಾಗಿದ್ರೆ ಈ ಸೊಳ್ಳೆಗಳು ಏಕೆ ಕಚ್ಚುತ್ತವೆ, ಇದರಿಂದಾಗುವ ಬದಲಾವಣೆಗಳಿಗೆ ಕಾರಣ ಏನು ಎಂಬುದನ್ನು ತಿಳಿದಿದ್ದೀರಾ? ಇದರ ಹಿಂದೆಯೂ ಒಂದು ಕುತೂಹಲಕಾರಿ ಕಥೆಯಿದೆ.

ಇನ್ನು ಸೊಳ್ಳೆಗಳಲ್ಲಿ ಎರಡು ವಿಧವಿದೆ. ಈ ಬಗ್ಗೆ ಎಲ್ಲರಿಗೂ ಗೊತ್ತಿರುವ ವಿಷಯವೇ, ಆದರೆ  ಅದರಲ್ಲಿ ಗಂಡು ಸೊಳ್ಳೆಗಳು ಕಚ್ಚುವುದಿಲ್ಲ ಮತ್ತು ಅವುಗಳಿಂದ ಯಾವುದೇ ರೀತಿಯ ರೋಗಗಳು ಸಹ ಬರುವುದಿಲ್ಲ. ಅದೇ ಹೆಣ್ಣು ಸೊಳ್ಳೆಗಳು ಕಚ್ಚಿದ್ರೆ ರೋಗಗಳು ಬಂದೇ ಬರುತ್ತದೆ. ಅವು ಮನುಷ್ಯರಿಗೆ ಕಚ್ಚಿ ರಕ್ತವನ್ನು ಹೀರುತ್ತವೆ. ಅದೇ ರೀತಿ ಈ ಹೆಣ್ಣು ಸೊಳ್ಳೆಗಳು ರಕ್ತವಿಲ್ಲದೆ ಮೊಟ್ಟೆಗಳನ್ನು ಇಡಲು ಸಾಧ್ಯವೇ ಇಲ್ಲ.

ಸೊಳ್ಳೆಗಳು ಕಚ್ಚಿದಾಗ, ಚರ್ಮವು ಹೆಚ್ಚಾಗಿ ಊದಿಕೊಳ್ಳುತ್ತದೆ ಮತ್ತು ತುರಿಕೆ ಶುರುವಾಗುತ್ತದೆ. ಸೊಳ್ಳೆಗಳು ಕಚ್ಚಿದಾಗ ಈ ರೀತಿಯ ಬದಲಾವಣೆಯಾಗಲು ಒಂದು ಕಾರಣವಿದೆ. ಸೊಳ್ಳೆಗಳು ಸ್ಟಿಂಗರ್‌ಗಳಂತಹ ಪ್ರೋಬೊಸಿಸ್‌ನೊಂದಿಗೆ ರಕ್ತವನ್ನು ಹೀರುತ್ತದೆ. ಹಾಗೆಯೇ ಆ ಸೊಳ್ಳೆಗಳು ಕಚ್ಚಿದಾಗ, ಅವುಗಳ ಲಾಲಾರಸವು ಚರ್ಮದೊಂದಿಗೆ ಬೆರೆಯುತ್ತದೆ.

ಇದೇ ಕಾರಣಕ್ಕೆ ಸೊಳ್ಳೆ ದೇಹದ ಯಾವ ಭಾಗಕ್ಕೆ ಕಚ್ಚುತ್ತದೆಯೋ ಆ ಭಾಗ ಊದಿಕೊಳ್ಳುತ್ತದೆ. ನಂತರ ಅದು ತುರಿಸಲು ಪ್ರಾರಂಭಿಸುತ್ತದೆ. ಆದರೆ ಅನೇಕ ಜನರಿಗೆ, ಸೊಳ್ಳೆ ಕಡಿತವು ಗಂಭೀರ ಸಮಸ್ಯೆಗಳನ್ನು ಉಂಟುಮಾಡುತ್ತದೆ ಎಂಬುದನ್ನು ತಿಳಿದೇ ಇರುವುದಿಲ್ಲ.

ಸೊಳ್ಳೆ ಕಡಿತವು ಸಾಮಾನ್ಯವಾಗಿ ಗಂಭೀರ ಕಾಯಿಲೆಗಳಿಗೆ ಕಾರಣವಾಗುತ್ತದೆ. ಇದು ದೇಹದ ರೋಗನಿರೋಧಕ ಶಕ್ತಿಯನ್ನು ನಾಶಪಡಿಸುತ್ತದೆ. ಇನ್ನು ಇದೇ ರೀತಿ ದೇಹದಲ್ಲಿ ತುರಿಕೆ ಆರಂಭವಾದಾಗ ಅದರಿಂದ ಇತರ ಚರ್ಮದ ಕಾಯಿಲೆಗಳು ಬರಬಹುದು.

ಅದಕ್ಕಾಗಿಯೇ ಯಾವುದೇ ಋತುವಿನಲ್ಲಿ ಸೊಳ್ಳೆಗಳು ಹೆಚ್ಚು ಇರುವ ಪ್ರದೇಶಗಳಲ್ಲಿ ವಾಸಿಸುವವರು ಅವುಗಳಿಂದ ರಕ್ಷಣೆ ಪಡೆಯಲು ಸೂಕ್ತವಾದ ಪರ್ಯಾಯ ಮಾರ್ಗಗಳನ್ನು ಕಂಡುಕೊಳ್ಳಬೇಕು. ಇಲ್ಲವಾದರೆ ವೈರಲ್ ಜ್ವರಗಳ ಜೊತೆಗೆ ಮಲೇರಿಯಾ, ಟೈಫಾಯಿಡ್ ನಂತಹ ಕಾಯಿಲೆಗಳು ಬರಬಹುದು.

ವಿಶೇಷವಾಗಿ ಮಳೆಗಾಲದಲ್ಲಿ ಮನೆಯ ಸುತ್ತಲಿನ ಪ್ರದೇಶದಲ್ಲಿ ನೀರು ನಿಲ್ಲದಂತೆ ನೋಡಿಕೊಳ್ಳಬೇಕು. ಏಕೆಂದರೆ ಇಂತಹ ಸ್ಥಳಗಳಲ್ಲಿ ಹೆಚ್ಚು ಸೊಳ್ಳೆ ಹುಟ್ಟಿಕೊಳ್ಳುತ್ತವೆ. ಇದರಿಂದ ಆ ಪ್ರದೇಶದ ಜನರ ಆರೋಗ್ಯದ ಮೇಲೂ ಪರಿಣಾಮ ಬೀರಬಹುದು.