Most Amazing Bosses: ಒಳ್ಳೆಯ ಬಾಸ್ ಎನಿಸಿಕೊಳ್ಳಬೇಕೆಂದರೆ ಈ 5 ಗುಣಗಳನ್ನು ಹೊಂದಿರಬೇಕು..

ಎಲ್ಲರೂ ಒಳ್ಳೆಯ ಬಾಸ್ ಆಗಲು ಸಾಧ್ಯವಿಲ್ಲ.. ಎಲ್ಲರ ಪ್ರೀತಿಗೆ ಪಾತ್ರರಾಗಲು, ಎಲ್ಲರಲ್ಲಿ ಒಬ್ಬರಾಗಲು ಪ್ರಯತ್ನಿಸುವುದರಿಂದ ಏನನ್ನೂ ಕಳೆದುಕೊಳ್ಳುವುದಿಲ್ಲ. ಈ ಚಿಕ್ಕ ಸೂಕ್ಷ್ಮ ಕೌಶಲ್ಯಗಳನ್ನು ಮನಸ್ಸಿನಲ್ಲಿಟ್ಟುಕೊಂಡು, ನಿಮ್ಮ ಉದ್ಯೋಗಿಗಳೊಂದಿಗೆ ಬೆರೆತರೆ ಅವರೂ ನಿಮ್ಮನ್ನು ಗೌರವಿಸುತ್ತಾರೆ.

ಬಾಸ್ ಆಗಿ ನೀವೇ ಕೆಲಸ ಮಾಡದೇ ಇರುವುದು ಉದ್ಯೋಗಿಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಅವರು ಕೆಲಸ ಮಾಡಲು ಅಥವಾ ತಮ್ಮ 100% ನೀಡಲು ಹಿಂದೇಟು ಹಾಕುತ್ತಾರೆ. ಕಾರ್ಯಕ್ಷಮತೆಯ ವಿಷಯಕ್ಕೆ ಬಂದಾಗ ಒಬ್ಬ ಶ್ರೇಷ್ಠ ಬಾಸ್ ಸಾಮಾನ್ಯವಾಗಿ ಕೆಲಸಕಾರರಿಗೆ ಸರಿಸಮನಾಗಿ ಕೆಲಸ ಮಾಡುತ್ತಾನೆ.

ಒಳ್ಳೆಯ ಬಾಸ್ ಯಾವಾಗಲೂ ಜವಾಬ್ದಾರಿಗಳನ್ನು ತೆಗೆದುಕೊಳ್ಳುತ್ತಾರೆ. ನಿಮ್ಮ ಕೆಲಸಕ್ಕೆ ಅಡ್ಡಿಯಾಗದಂತೆ ನೋಡಿಕೊಳ್ಳುತ್ತಾರೆ. ಕೆಲಸಗಾರರಿಗೆ ತೊಂದರೆ ಆಗುವ ವಿಷಯಗಳನ್ನು ಬದಲಾಯಿಸುತ್ತಾರೆ.

ನಾಯಕತ್ವದ ಜೊತೆಗೆ ಆಶಾವಾದಿ ಧೋರಣೆ ಇರಬೇಕು. ಯೋಜನೆಯ ಬಗ್ಗೆ ಬಾಸ್ ಗೇ ವಿಶ್ವಾಸವಿಲ್ಲದಿದ್ದರೆ, ಅದು ಒಟ್ಟಾರೆಯಾಗಿ ನಿಮ್ಮ ತಂಡದಲ್ಲಿ ಕಾಣುತ್ತದೆ. ಒಳ್ಳೆಯ ಮೇಲಧಿಕಾರಿಗಳು ಯಾವಾಗಲೂ ನಗು ಮುಖವನ್ನು ಹೊಂದಿರುತ್ತಾರೆ. ತಂಡವು ಕೈಗೊಂಡ ಕೆಲಸದ ಬಗ್ಗೆ ತುಂಬಾ ಆಶಾವಾದಿಯಾಗಿರುತ್ತಾರೆ.

ಉತ್ತಮ ನಾಯಕ ಯಾವಾಗಲೂ ಅಗತ್ಯವಿದ್ದಲ್ಲಿ ಅವರ ತಂಡಕ್ಕೆ ಕಲಿಸುತ್ತಾರೆ. ಕೆಲಸವನ್ನು ಸ್ವತಃ ಮಾಡುವ ಮೂಲಕ ಒಂದು ಉದಾಹರಣೆಯನ್ನು ಸೆಟ್ ಮಾಡುತ್ತಾರೆ. ಜ್ಞಾನವನ್ನು ತಮ್ಮಲ್ಲಿಯೇ ಇಟ್ಟುಕೊಳ್ಳದೆ ಹಂಚಿಕೊಳ್ಳುತ್ತಾರೆ.

ಪ್ರತಿಯೊಬ್ಬ ಮನುಷ್ಯನು ವಿಭಿನ್ನ. ಪ್ರತಿಯೊಬ್ಬ ಉದ್ಯೋಗಿಗೆ ತನ್ನದೇ ಆದ ಸಾಮರ್ಥ್ಯವಿದೆ. ಬಾಸ್ ಅವನ/ಅವಳ ವ್ಯಕ್ತಿತ್ವವನ್ನು ಗಮನಿಸಿ ಗೌರವದಿಂದ ಕಾಣಬೇಕು. ಅಷ್ಟೇ ಅಲ್ಲ ಮಾನವೀಯತೆಯನ್ನು ಗೌರವಿಸುವುದು ಕೂಡ ಬಹಳ ಮುಖ್ಯ. ಉದ್ಯೋಗಿಗಳೂ ಸಾಧಾರಣ ಮನುಷ್ಯರೇ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ.