Cashew Nuts Benefits: ಆರೋಗ್ಯ ಅಡಗಿರುವ ಗೋಡಂಬಿಯನ್ನು ಹೀಗೆ ಸಂಗ್ರಹಿಸಿಡಿ; 6 ತಿಂಗಳಾದ್ರೂ ಕೆಡಲ್ಲ!

ಸಿಹಿಯಿಂದ ಹಿಡಿದು ಕಾಸ್ಟ್ಲಿ ಗ್ರೇವಿಗಳವರೆಗೂ, ಅನೇಕ ಮಂದಿ ಆಹಾರದಲ್ಲಿ ಪರಿಮಳ ಹೆಚ್ಚಿಸಲು ಅಡುಗೆಗೆ ಗೋಡಂಬಿಯನ್ನು ಬಳಸುತ್ತಾರೆ. ಗೋಡಂಬಿಯನ್ನು ಹುರಿಯುವಾಗ ಅದರ ಪರಿಮಳಕ್ಕೆ ಅದೆಷ್ಟೋ ಮಂದಿಯ ಬಾಯಲ್ಲಿ ನೀರು ಬರುತ್ತದೆ. ಅಷ್ಟೇ ಅಲ್ಲದೇ ಗೋಡಂಬಿಯಲ್ಲಿ ಪೋಷಕಾಂಶಗಳೂ ಹೇರಳವಾಗಿವೆ. ಪೊಟ್ಯಾಸಿಯಮ್, ವಿಟಮಿನ್ ಇ, ಬಿ6 ಮತ್ತು ಫೋಲಿಕ್ ಆಮ್ಲದಂತಹ ವಿವಿಧ ಸೂಕ್ಷ್ಮ ಪೋಷಕಾಂಶಗಳು ಗೋಡಂಬಿಯಲ್ಲಿ ಅಡಗಿರುವುದರಿಂದ ಇದು ಹೃದಯದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಜೊತೆಗೆ ಗೋಡಂಬಿಯಲ್ಲಿ ಶೇಕಡಾ 75 ಕ್ಕಿಂತ ಹೆಚ್ಚು ಒಲೀಕ್ ಆಮ್ಲವಿದ್ದು, ಇದು ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ.

ಅಲ್ಲದೇ, ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದರಿಂದ ಹಿಡಿದು ತೂಕ ನಷ್ಟದವರೆಗೆ ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆಯಾಗಿ ಗೋಡಂಬಿಯನ್ನು ಬಳಸಬಹುದು. ಕೆಲವೊಮ್ಮೆ ಗೋಡಂಬಿಯನ್ನು ಹಾಗೆಯೇ ತಿನ್ನಬಹುದು. ಇನ್ನೂ ಕೆಲವೊಮ್ಮೆ ಹುರಿದು ತಿನ್ನಬಹುದು. ಗೋಡಂಬಿಯನ್ನು ಹಲವಾರು ರೀತಿಯ ಅಡುಗೆಗಳಲ್ಲಿ ಬಳಸಲಾಗುತ್ತದೆ.

ಮನೆಯಲ್ಲಿ ಹಬ್ಬ ಹರಿದಿನ ಸೇರಿದಂತೆ, ವಿಶೇಷ ಸಂದರ್ಭಗಳಲ್ಲಿ ಗೋಡಂಬಿ ಇಲ್ಲದೇ ಅದೆಷ್ಟೋ ಮಹಿಳೆಯರು ಅಡುಗೆಯೇ ಮಾಡುವುದಿಲ್ಲ. ಅಲ್ಲದೇ ವಿಶೇಷ ಸಂದರ್ಭಗಳು ಬಂದಾಗ ಕಡಿಮೆ ಬೆಲೆಗೆ ಹೆಚ್ಚಿನ ಗೋಡಂಬಿ ಕೊಳ್ಳುವ ಅಭ್ಯಾಸವನ್ನು ಕೆಲ ಮಂದಿ ಹೊಂದಿರುತ್ತಾರೆ. ಒಂದೇ ಬಾರಿಗೆ ಹೆಚ್ಚು ಗೋಡಂಬಿ ಖರೀದಿಸಿ ಮನೆಯಲ್ಲಿಟ್ಟುಕೊಂಡಾಗ ಅದು ಕೆಡದಂತೆ ನೋಡಿಕೊಳ್ಳುವುದು ತುಂಬಾ ಕಷ್ಟ. ಸಾಮಾನ್ಯವಾಗಿ, ಮನೆಯಲ್ಲಿ ಸಾಕಷ್ಟು ಗೋಡಂಬಿ ಇದ್ದರೆ, ಅವುಗಳು ಸಾಕಷ್ಟು ದಿನಗಳ ಕಾಲ ಉಳಿಯುವುದಿಲ್ಲ. ಜೊತೆಗೆ ಅದರ ರುಚಿ ಕೂಡ ಕಡಿಮೆ ಆಗುತ್ತದೆ. ಆದ್ದರಿಂದ ಈ ಪರಿಸ್ಥಿತಿ ಬರಬಾರದು ಎಂದರೆ ಈ ಟಿಪ್ಸ್ ಫಾಲೋ ಮಾಡಿ.

ಗೋಡಂಬಿ ಸಂಗ್ರಹಿಸುವ ಮುನ್ನ ಹುರಿಯಿರಿ: ನೀವು ಖರೀದಿಸಿದ ಗೋಡಂಬಿಯನ್ನು ನೀವು ಹಲವಾರು ದಿನಗಳವರೆಗೆ ಇಟ್ಟುಕೊಳ್ಳಲು ಬಯಸಿದರೆ, ಮೊದಲು ಅವುಗಳನ್ನು ಚೆನ್ನಾಗಿ ಹುರಿದಿಟ್ಟುಕೊಳ್ಳಿ. ಗೋಡಂಬಿಯನ್ನು ಬಾಣಲೆಗೆ ಹಾಕಿ ಉರಿಯುವಾಗ ಅದು ಕಂದು ಬಣ್ಣಕ್ಕೆ ತಿರುಗಿದಾಗ ಅವುಗಳನ್ನು ತಟ್ಟೆಗೆ ಹಾಕಿ ತಣ್ಣಗಾಗಲು ಬಿಡಿ. ನಂತರ ಅವುಗಳನ್ನು ಡಬ್ಬದಲ್ಲಿ ಸಂಗ್ರಹಿಸಿಡಿ.

ಗಾಳಿಯಾಡದ ಕಂಟೈನರ್ಗಳಲ್ಲಿ ಸಂಗ್ರಹಿಸುವುದು: ಗೋಡಂಬಿಯನ್ನು ಸಂಗ್ರಹಿಸುವಾಗ ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಪ್ರಮುಖ ಅಂಶವೆಂದರೆ ಅವುಗಳನ್ನು ಸರಿಯಾದ ಡಬ್ಬದಲ್ಲಿ ಸಂಗ್ರಹಿಸುವುದು. ಅಂಗಡಿಯಿಂದ ಗೋಡಂಬಿಯನ್ನು ಖರೀದಿಸಿದ ನಂತರ, ಅವುಗಳನ್ನು ಗಾಳಿಗೆ ಒಡ್ಡಿಕೊಳ್ಳುವುದರಿಂದ ಮತ್ತು ಬಣ್ಣ ಹಾಳಾಗುವ ಸಾಧ್ಯತೆಯಿರುವುದರಿಂದ ಗಾಳಿಯಾಡದ ಕಂಟೇನರ್ನಲ್ಲಿ ಸಂಗ್ರಹಿಸಿ.

ಜಿಪ್-ಲಾಕ್ ಬ್ಯಾಗ್ನಲ್ಲಿ ಸಂಗ್ರಹಿಸುವುದು: ಗೋಡಂಬಿಯನ್ನು ಸಂಗ್ರಹಿಸುವ ಇನ್ನೊಂದು ವಿಧಾನವೆಂದರೆ ಅವುಗಳನ್ನು ಜಿಪ್-ಲಾಕ್ ಬ್ಯಾಗ್ನಲ್ಲಿ ಇಡುವುದು. ಇದು ಬಿಗಿಯಾಗಿರುವುದರಿಂದ ತೇವಾಂಶವನ್ನು ಹೊರಗಿನಿಂದ ಪ್ರವೇಶಿಸದಂತೆ ತಡೆಯುತ್ತದೆ. ಈ ರೀತಿ ಗೋಡಂಬಿಯನ್ನು ನೀವು ಸಂಗ್ರಹಿಸುವುದರಿಂದ ತಾಜಾ ಮತ್ತು ಹೆಚ್ಚು ದಿನಗಳವರೆಗೆ ಫ್ರೆಶ್ ಆಗಿಯೇ ಇರುತ್ತದೆ.

ತಂಪಾದ ಮತ್ತು ಶುಷ್ಕ ಸ್ಥಳದಲ್ಲಿ ಶೇಖರಿಸಿಡುವುದು: ನೀವು ಖರೀದಿಸಿದ ಗೋಡಂಬಿಯನ್ನು ಸಂಗ್ರಹಿಸಬೇಕಾದರೆ, ನೇರ ಸೂರ್ಯನ ಬೆಳಕಿನಿಂದ ದೂರವಿರುವ ತಂಪಾದ ಮತ್ತು ಶುಷ್ಕ ಸ್ಥಳದಲ್ಲಿ ನೀವು ಅವುಗಳನ್ನು ಸಂಗ್ರಹಿಸಬಹುದು. ನೀವು ಗೋಡಂಬಿಯನ್ನು ಹೆಚ್ಚಿನ ಶಾಖ ಮತ್ತು ಸೂರ್ಯನ ಬೆಳಕಿರುವ ಕಡೆ ಇಟ್ಟರೆ ಅದು ಬೇಗ ಕರಗುತ್ತದೆ. ಇದರಿಂದ ಗೋಡಂಬಿ ರುಚಿ ಕೂಡ ಕಡಿಮೆ ಆಗುತ್ತದೆ.

ರೆಫ್ರಿಜರೇಟಿಂಗ್: ನೀವು ಗೋಡಂಬಿಯನ್ನು ದೊಡ್ಡ ಪ್ರಮಾಣದಲ್ಲಿ ಖರೀದಿಸಿದ್ದರೆ, ಅವುಗಳನ್ನು ಗಾಳಿಯಾಡದ ಕಂಟೇನರ್ನಲ್ಲಿ ಬಿಗಿಯಾಗಿ ರೆಫ್ರಿಜರೇಟರ್ನಲ್ಲಿ ಇರಿಸುವುದು ಒಳ್ಳೆಯದು. ಈ ರೀತಿ ಸಂಗ್ರಹಿಸಿಟ್ಟ ಗೋಡಂಬಿ ಸುಮಾರು 6 ತಿಂಗಳವರೆಗೆ ಕೆಡುವುದಿಲ್ಲ. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)