Fishfry recipe: ಕೇರಳ ಶೈಲಿಯ ಫಿಶ್ ಫ್ರೈ ಮಾಡುವುದು ಹೇಗೆ? ನಿಮಗಾಗಿ ಈ ಸ್ಪೆಷಲ್ ರೆಸಿಪಿ

ಫಿಶ್ ಫ್ರೈ ಅನ್ನು ಸಾಮಾನ್ಯವಾಗಿ ಬಾಣಲೆ ಅಥವಾ ದೋಸೆ ತವಾದ ಮೇಲೆ ಮಸಾಲೆಗಳೊಂದಿಗೆ ಹುರಿಯಲಾಗುತ್ತದೆ. ಇಂದು ನಾವು ನಿಮಗೆ ಕೇರಳ ಶೈಲಿಯಲ್ಲಿ ಪೊಟ್ಟಿ ಮೀನು ಎಂದು ಕರೆಯಲ್ಪಡುವ ಬಾಳೆ ಎಲೆಯ ಮೂಲಕ ಸಿದ್ಧಪಡಿಸುವ ಫಿಶ್ ಫ್ರೈ ಅನ್ನು ಹೇಗೆ ಮಾಡುವುದು ಎಂಬುವುದನ್ನು ತಿಳಿಸುತ್ತಿದ್ದೇವೆ.

ಕೇರಳ ಶೈಲಿಯ ಫಿಶ್ ಫ್ರೈ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಮೀನು - ಅರ್ಧ ಕೆಜಿ, ಈರುಳ್ಳಿ - 10, ಚಿಲ್ಲಿ ಪೌಡರ್ - ಒಂದು ಚಮಚ, ಗರಂ ಮಸಾಲಾ ಪುಡಿ - 2 ಚಮಚ, ಬೆಳ್ಳುಳ್ಳಿ - 4, ಶುಂಠಿ - ಸ್ವಲ್ಪ, ಪುದೀನ, ಕೊತ್ತಂಬರಿ ಸೊಪ್ಪು - ಸ್ವಲ್ಷ, ಕರಿಬೇವಿನ ಸೊಪ್ಪು - 2 ಗೊಂಚಲು, ಟೊಮೆಟೊ - 2, ಹಸಿರು ಮೆಣಸಿನಕಾಯಿ - 2, ಉಪ್ಪು - ಅಗತ್ಯಕ್ಕೆ ತಕ್ಕಷ್ಟು, ಎಣ್ಣೆ - 2 ಚಮಚ.

ಮೊದಲು ಮೀನನ್ನು ಚೆನ್ನಾಗಿ ತೊಳೆದು ಸ್ವಚ್ಛಗೊಳಿಸಿ. ಮತ್ತೊಂದೆಡೆ ಉಪ್ಪು, ಮೆಣಸು ಮತ್ತು ಗರಂ ಮಸಾಲಾ ಪುಡಿ ಸೇರಿಸಿ ಚೆನ್ನಾಗಿ ರುಬ್ಬಿಕೊಂಡು ಪಕ್ಕಕ್ಕೆ ಇಡಿ. ಈರುಳ್ಳಿ, ಟೊಮೆಟೋ, ಹಸಿರು ಮೆಣಸಿಕಾಯಿ ಮತ್ತು ಕೊತ್ತಂಬರಿ ಸೊಪ್ಪನ್ನು ನುಣ್ಣಗೆ ಕತ್ತರಿಸಿಟ್ಟುಕೊಳ್ಳಿ.

ಬಾಣಲೆಯನ್ನು ಒಲೆಯಲ್ಲಿ ಇಟ್ಟು 2 ಚಮಚ ಎಣ್ಣೆ ಹಾಕಿ. ನಂತರ ಕತ್ತರಿಸಿದ ಈರುಳ್ಳಿ ಹಾಕಿ ಫ್ರೈ ಮಾಡಿ. ಈರುಳ್ಳಿ ಚೆನ್ನಾಗಿ ಹುರಿದ ನಂತರ ಟೊಮೆಟೋ ಮತ್ತು ಹಸಿಮೆಣಸಿನಕಾಯಿಯನ್ನು ಹಾಕಿ ಫ್ರೈ ಮಾಡಿ. ಸ್ವಲ್ಪ ಹೊತ್ತು ಹುರಿದ ನಂತರ ಸಣ್ಣಗೆ ಹೆಚ್ಚಿದ ಪುದೀನಾ, ಕತ್ತರಿಸಿದ ಕೊತ್ತಂಬರಿ ಸೊಪ್ಪು, ಶುಂಠಿ ಮತ್ತು ಬೆಳ್ಳುಳ್ಳಿ ಹಾಕಿ ಫ್ರೈ ಮಾಡಿ. ನಂತರ ದೋಸೆ ತವ್ವಾದಲ್ಲಿ ಮಸಾಲೆ ಮೀನನ್ನು ಸೇರಿಸಿ ಮತ್ತು ಎರಡೂ ಬದಿಗಳಲ್ಲಿ ಲಘುವಾಗಿ ಬೇಯಿಸಿ.

ಅದರ ನಂತರ ಬಾಳೆ ಎಲೆಯನ್ನು ತೆಗೆದುಕೊಂಡು ಅದನ್ನು ಚೆನ್ನಾಗಿ ತೊಳೆದು, ಬಟ್ಟೆಯಲ್ಲಿ ಒರೆಸಿ, ಬಾಳೆ ಎಲೆಯನ್ನು ಒಣಗಿಸಿ. ನಂತರ ಅದನ್ನು ಕತ್ತರಿಸಿ ಅದರ ಮೇಲೆ ಮಸಾಲೆ ಹಾಕಿ. ( Do you know how to make Kerala style fish fry Recipe for you )

ಬಾಳೆ ಎಲೆಯ ಮಾಸಲೆ ಮೇಲೆ ಮೀನನ್ನು ಮಧ್ಯದಲ್ಲಿ ಹಾಕಿ, ಮತ್ತೆ ಮೀನಿನ ಮೇಲೆ ಮಸಾಲವನ್ನು ಚೆನ್ನಾಗಿ ಮಿಕ್ಸ್ ಮಾಡಿ. ಮೀನಿಗೆ ಮಸಾಲೆ ಹಿಡಿಯುವವರೆಗೂ ಈ ರೀತಿ ಮಾಡಿ. ಇಲ್ಲದಿದ್ದರೆ ಮೀನನ್ನು ತಿನ್ನುವಾಗ ಮಸಾಲೆ ಇರುವುದಿಲ್ಲ. ಸವಿಯುವಾಗ ಕೂಡ ನಿಮಗೆ ಸಪ್ಪೆ ಅನಿಸಬಹುದು. 

ನಂತರ ಮಸಾಲೆ ಮೇಲೆ ಹಾಕಿದ ಮೀನನ್ನು ಎಲೆಯ ಮೇಲೆ ಹಾಕಿ, ನಂತರ ಅದನ್ನು ಗಾಳಿಯಾಡದಂತೆ ಮಡಚಿ ಚೆನ್ನಾಗಿ ಪ್ಯಾಕ್ ಮಾಡಿ. ದೋಸೆ ತವ್ವವನ್ನು ಒಲೆಯ ಮೇಲೆ ಇಟ್ಟು ಎಣ್ಣೆ ಹಾಕಿ ಅದು ಬಿಸಿಯಾದಾಗ ಸಿದ್ಧಪಡಿಸಿದ ಬಾಳೆ ಎಲೆಯ ಮೀನನ್ನು ಹಾಕಿ ಎರಡೂ ಬದಿ ಬೇಯಿಸಿ. 

ಇದೀಗ ಕೇರಳ ಶೈಲಿಯ ಫಿಶ್ ಫ್ರೈ ಸವಿಯಲು ಸಿದ್ಧವಾಗಿದೆ. . (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆಯನ್ನು ಆಧರಿಸಿದೆ, ಅಂತರ್ಜಾಲದಲ್ಲಿ ಮಾತ್ರ ಲಭ್ಯವಿರುವ ಮಾಹಿತಿ. ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)