Summer Food: ಬೇಸಿಗೆಯಲ್ಲಿ ಚಿಲ್ ಆಗಿರಬೇಕಾ? ಹಾಗಾದ್ರೆ ನೊಲೆನ್ ಗುಡ್ ಐಸ್ ಕ್ರೀಮ್ ತಿನ್ನಿ!

ಬೇಸಿಗೆ ಕಾಲದಲ್ಲಿ ಐಸ್ ಕ್ರೀಮ್ ತಿನ್ನುವುದರಿಂದ ದೇಹ ಮತ್ತು ಮನಸ್ಸಿಗೆ ಮುದ ನೀಡುತ್ತದೆ. ಬೇಸಿಗೆ ಮಾತ್ರವಲ್ಲ ಚಳಿಗಾಲದಲ್ಲಿಯೂ ಐಸ್ ಕ್ರೀಂ ತಿನ್ನುವುದರಿಂದ ನಿಮ್ಮ ಮೂಡ್ ಉತ್ತಮವಾಗಿರುತ್ತದೆ. ಅದರಲ್ಲಿಯೂ ನೊಲೆನ್ ಗುಡ್ (ಬೆಲ್ಲ) ಐಸ್ ಕ್ರೀಮ್ ಅನ್ನು ಎಂದಾದರೂ ಟೇಸ್ಟ್ ಮಾಡಿದ್ದೀರಾ? ಈ ಐಸ್ ಕ್ರೀಮ್ ಅನ್ನು ಕೆಲವು ಪದಾರ್ಥಗಳಿಂದ ನೀವು ಮನೆಯಲ್ಲಿಯೇ ತಯಾರಿಸಬಹುದು. ಅದು ಹೇಗಪ್ಪಾ ಅಂತೀರಾ ಹಾಗಾದರೆ ಇಲ್ಲಿದೆ ನೋಡಿ ರೆಸಿಪಿ.

ನೊಲೆನ್ ಗುಡ್ ಐಸ್ ಕ್ರೀಮ್ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಹಾಲು - 250 ಗ್ರಾಂ, ಸಕ್ಕರೆ ಪುಡಿ - ರುಚಿಗೆ ತಕ್ಕಷ್ಟು, ತಾಜಾ ಕೆನೆ - 200 ಗ್ರಾಂ , ಐಸ್ ಕ್ರೀಮ್ ಪೌಡರ್/ ಕಸ್ಟರ್ಡ್ ಪುಡಿ, ನೊಲೆನ್ ಗುಡ್ - 5 ಟೇಬಲ್ ಸ್ಪೂನ್

ಯಾವುದಾದರೂ ದೊಡ್ಡ ಕಿರಾಣಿ ಅಂಗಡಿಯಲ್ಲಿ ಐಸ್ ಕ್ರೀಮ್ ಪೌಡರ್ ಸಿಗುತ್ತದೆ. ಇಲ್ಲದಿದ್ದರೆ ಇದನ್ನು ನೀವು ಆನ್ಲೈನ್ನಲ್ಲಿ ಆರ್ಡರ್ ಮಾಡಿ ಕೂಡ ಖರೀದಿಸಬಹುದು. ಇತ್ತೀಚಿನ ದಿನಗಳಲ್ಲಿ ನೊಲೆನ್ ಗುಡ್ ಮಾರುಕಟ್ಟೆಯಲ್ಲಿ ಅಷ್ಟು ಸುಲಭವಾಗಿ ಸಿಗುತ್ತಿಲ್ಲ. ಹಾಗಾಗಿ ಬೆಲ್ಲದ ಪುಡಿ ಸಿಕ್ಕರೆ ಸ್ವಲ್ಪ ನೀರಿನಲ್ಲಿ ಕುದಿಸಿ ಲಿಕ್ವಿಡ್ ಮಾಡಿಕೊಳ್ಳಬಹುದು. ಇದಲ್ಲದೇ, ನೀವು ಇ-ಕಾಮರ್ಸ್ ಮತ್ತು ಗ್ಲಾಸರಿ ವೆಬ್ಸೈಟ್ಗಳಲ್ಲಿ ಮೊಲಸ್ಸೇಸ್ (ಕಬ್ಬಿನ ಹಾಲಿನಿಂದ ತಯಾರಿಸುವ ಸಿಹಿ ಪದಾರ್ಥ) ಸುಲಭವಾಗಿ ಕಾಣಬಹುದು.

ನೊಲೆನ್ ಗುಡ್ ಐಸ್ ಕ್ರೀಮ್ ಮಾಡುವ ವಿಧಾನ: ಮೊದಲು ಒಂದು ಪಾತ್ರೆಯಲ್ಲಿ ಹಾಲನ್ನು ಕುದಿಸಿ. ಹಾಲು ಕುದಿಯುವಾಗ, ಅದಕ್ಕೆ ಸಕ್ಕರೆ ಪುಡಿಯನ್ನು ಬೆರೆಸಿ, ಮಿಕ್ಸ್ ಮಾಡಿ.

ಮತ್ತೊಂದೆಡೆ ಬೆಚ್ಚಗಿನ ನೀರಿನಲ್ಲಿ ಕಸ್ಟರ್ಡ್ ಪೌಡರ್ ಹಾಕಿ ಬಿಸಿ ಮಾಡಬೇಕು.ನಂತರ ಕರಗಿದ ಕಸ್ಟರ್ಡ್ ಪೌಡರ್ ಅಥವಾ ಐಸ್ ಕ್ರೀಮ್ ಪೌಡರ್ ಅನ್ನು ಕುದಿಯುವ ಹಾಲಿಗೆ ಮಿಶ್ರಣ ಮಾಡಿ.

ಬಳಿಕ ಹಾಲಿನ ಫ್ರೆಶ್ ಕ್ರೀಮ್ ಅನ್ನು ಮಿಶ್ರಣಕ್ಕೆ ಸೇರಿಸಿ. ಅದರೊಂದಿಗೆ ನೊಲೆನ್ ಗುಡ್ ಅನ್ನು ಹಾಕಬೇಕು. ನಂತರ ಮಿಶ್ರಣವು ಗಟ್ಟಿಯಾಗುವವರೆಗೆ ಸ್ವಲ್ಪ ಸಮಯದವರೆಗೆ ಕಡಿಮೆ ಉರಿಯಲ್ಲಿ ಕಾಯಿಸಬೇಕು.

ಮಿಶ್ರಣವು ಸಿದ್ಧವಾದಾಗ, ಸ್ಟವ್ ಆಫ್ ಮಾಡಿ ಅದನ್ನು ಸಣ್ಣ ಬಟ್ಟಲಿಗೆ ಸುರಿದು, ಸ್ವಲ್ಪ ಸಮಯ ತಣ್ಣಗಾಗಲು ಬಿಡಿ. ಮಿಶ್ರಣವು ಸ್ವಲ್ಪ ತಣ್ಣಗಾದಾಗ, ಅದನ್ನು ಫ್ರೀಜರ್ನಲ್ಲಿ ಇಟ್ಟು, 4 ಗಂಟೆಗಳ ನಂತರ ತೆಗೆಯಿರಿ. ಈಗ ಅದರ ಮೇಲೆ ಕೆಲವು ಡ್ರೈ ಫ್ರೂಟ್ಸ್ ಉದುರಿಸಿ, ಸರ್ವ್ ಮಾಡಿದರೆ ನೊಲೆನ್ ಗುಡ್ ಐಸ್ ಕ್ರೀಮ್ ಸವಿಯಲು ಸಿದ್ಧ.