Ugadi 2023: ಯುಗಾದಿ ದಿನ ಎಣ್ಣೆ ಸ್ನಾನ ಮಾಡುವುದು ಹೇಗೆ? ದೇಹದ ಯಾವೆಲ್ಲ ಭಾಗಕ್ಕೆ ತೈಲ ಹಚ್ಚಿಕೊಳ್ಳಬೇಕು?

ಹಿಂದೂ ಕ್ಯಾಲೆಂಡರ್​ ಪ್ರಕಾರ ಯುಗಾದಿ ಹಬ್ಬದ ದಿನದಿಂದ  ಹೊಸ ವರ್ಷ ಆರಂಭವಾಗುತ್ತದೆ. ಈ ಬಾರಿ ಯುಗಾದಿ ಹಬ್ಬ ಮಾರ್ಚ್​​ 22ರಂದು ಬುಧವಾರ ಆಚರಿಸಲಾಗುತ್ತದೆ. ಯುಗಾದಿಯನ್ನು ಚೈತ್ರ ಮಾಸದ ಆರಂಭದಲ್ಲೇ ಆಚರಿಸಲಾಗುತ್ತದೆ. ಈ ಹಬ್ಬವನ್ನು ದಕ್ಷಿಣ ಭಾರತದಲ್ಲಿ ಹೆಚ್ಚಾಗಿ ಆಚರಿಸಲಾಗುತ್ತದೆ. ಜೊತೆಗೆ ಉತ್ತರ ಭಾರತದಲ್ಲಿಯೂ ಕೂಡ ಆಚರಣೆ ಮಾಡಲಾಗುತ್ತದೆ. ವಿಶೇಷವೆಂದರೆ ಈ ಹಬ್ಬದ ದಿನ ಎಲ್ಲರೂ ಎಣ್ಣೆ ಸ್ನಾನ ಮಾಡುತ್ತಾರೆ. ಯುಗಾದಿ ದಿನ ಅಭ್ಯಂಜನ ಅಥವಾ ಅಭ್ಯಂಗ ಅಥವಾ ಎಣ್ಣೆ ಸ್ನಾನಕ್ಕೆ ಹೆಚ್ಚಿನ ಮಹತ್ವವಿದೆ.

ಆದರೆ ಅದೆಷ್ಟೋ ಮಂದಿಗೆ ಎಣ್ಣೆ ಸ್ನಾನ ಎಂದರೆ ಏನು? ಎಣ್ಣೆ ಸ್ನಾನ ಹೇಗೆ ಮಾಡಬೇಕು? ಎಣ್ಣೆ ಸ್ನಾನ ಮಾಡುವುದರಿಂದ ಆಗುವ ಪ್ರಯೋಜನಗಳೇನು ಎಂಬ ತಿಳಿದೇ ಇರುವುದಿಲ್ಲ. ಅಂತಹವರಿಗಾಗಿ ಒಂದಷ್ಟು ಮಾಹಿತಿ ನಿಮಗಾಗಿ ಈ ಕೆಳಗಿದೆ.

ಹಣೆ: ಹಣೆಯ ಎಡದಿಂದ ಬಲಭಾಗಕ್ಕೆ ತೋರುಬೆರಳು, ಮಧ್ಯದ ಬೆರಳು ಮತ್ತು ಉಂಗುರದ ಬೆರಳಿನಿಂದ ಎಣ್ಣೆ ಹಚ್ಚಿ. ಹಣೆಗೆ ಎಣ್ಣೆಯಿಂದ ಮಸಾಜ್‌ ಮಾಡಿಕೊಳ್ಳಿ ಇದರಿಂದ ನಿಮಗೆ ರಿಲಾಕ್ಸ್​ ಆಗುತ್ತದೆ. ಜೊತೆಗೆ ನಿಮ್ಮ ಕಣ್ಣಿನ ಎರಡೂ ರೆಪ್ಪೆಗಳಿಗೆ ಎಣ್ಣೆಯನ್ನು ಹಚ್ಚಬೇಕು. ಎಣ್ಣೆಯನ್ನು ಹಚ್ಚುವಾಗ ರೆಪ್ಪೆಯ ಮೇಲೆ ಬೆರಳುಗಳನ್ನು ಇಟ್ಟು ಮೂಗಿನ ಮೇಲಿಂದ ಕಿವಿಯ ಕಡೆಗೆ ಎಳೆಯಬೇಕು.

ಮೂಗು: ಬಲಗೈ ಹೆಬ್ಬೆರಳು ಮತ್ತು ತೋರುಬೆರಳಿನಿಂದ ಕೆಳಮುಖವಾಗಿ ಎಣ್ಣೆಯನ್ನು ಹಚ್ಚಬೇಕು. ಮೂಗಿನಿಂದ ಕೆಳಗೆ ಎಣ್ಣೆಯನ್ನು ಹಚ್ಚಿದ ನಂತರ ಎಣ್ಣೆಯ ವಾಸನೆಯನ್ನು ತೆಗೆದುಕೊಳ್ಳಿ. ಎಣ್ಣೆಯ ಸುಗಂಧವು ಶ್ವಾಸಕೋಶದ ಗಾಳಿಚೀಲಗಳನ್ನು ಪ್ರವೇಶಿಸಿ, ಅಲ್ಲಿ ಉತ್ಪತ್ತಿಯಾಗುವ ಕಪ್ಪು ಶಕ್ತಿಯ ಹೊದಿಕೆಯನ್ನು ನಾಶಮಾಡಲು ಸಹಾಯಕವಾಗಿದೆ.

ಬಾಯಿಯ ಸುತ್ತ: ಎಣ್ಣೆಯನ್ನು ಮೂಗಿನ ಕೆಳಗಿನಿಂದ ಗಲ್ಲದವರೆಗೆ ನಿಮ್ಮ ಬಲಭಾಗಕ್ಕೆ ಅನ್ವಯಿಸಿ. ನಂತರ ಗಲ್ಲದಿಂದ ಎಡಕ್ಕೆ ಹಿಂದಕ್ಕೆ ಮೂಗಿನ ಕೆಳಗೆ ಹಚ್ಚಿಕೊಳ್ಳಿ.

ಕೆನ್ನೆಗಳು: ಎರಡೂ ಕೆನ್ನೆಗಳ ಮಧ್ಯಭಾಗದಿಂದ ಪ್ರಾರಂಭಿಸಿ ವೃತ್ತಾಕಾರದ ಚಲನೆಯಲ್ಲಿ ಬೆರಳುಗಳ ಸಹಾಯದಿಂದ ಎಣ್ಣೆ ಹಚ್ಚಿ. ಎಣ್ಣೆಯನ್ನು ಕೆನ್ನೆಗಳಿಗೆ ಹಚ್ಚುವುದರಿಂದ ಚರ್ಮವು ಮೃದುವಾಗುತ್ತದೆ ಮತ್ತು ತ್ವಚೆಯನ್ನು ರಕ್ಷಿಸುತ್ತದೆ.

ಕಿವಿ: ಎರಡೂ ಕಿವಿಗಳಿಗೆ ಹೆಬ್ಬೆರಳುಗಳ ಮೂಲಕ ಎಣ್ಣೆಯನ್ನು ಹಚ್ಚಿಕೊಳ್ಳಿ. ಕಿವಿಯ ಒಳಭಾಗ ಮತ್ತು ಹೊರಭಾಗಗಳಲ್ಲಿ ಎಣ್ಣೆಯಿಂದ ಮಸಾಜ್ ಮಾಡಿಕೊಳ್ಳಿ.

ಕುತ್ತಿಗೆ: ಕತ್ತಿನ ಹಿಂಭಾಗದ ಮಧ್ಯಭಾಗದಿಂದ ಮತ್ತು ಕತ್ತಿನ ಮುಂಭಾಗದ ಮಧ್ಯಭಾಗದಿಂದ ವಿಶುದ್ಧ-ಚಕ್ರದವರೆಗೆ ಎಣ್ಣೆಯನ್ನು ಹಚ್ಚಿಕೊಳ್ಳಿ.

ಎದೆ ಮತ್ತು ಹೊಟ್ಟೆ: ಎದೆಯ ಮಧ್ಯದ ರೇಖೆಯಿಂದ ಹೊಕ್ಕುಳವರೆಗೆ ಎಣ್ಣೆಯನ್ನುಹಚ್ಚಿಕೊಳ್ಳಿ. ಎರಡೂ ಅಂಗೈಗಳನ್ನು ಎದೆಯ ಮೇಲಿಂದ ತಂದು ಹೊಕ್ಕುಳಿನ ತನಕ ಮಸಾಜ್ ಮಾಡಿ. ನಂತರ ಮೇಲಿನಿಂದ ಕೆಳಕ್ಕೆ ಎರಡೂ ಕೈಗಳನ್ನು ಏಕಕಾಲದಲ್ಲಿ ಉಜ್ಜಿ. ಇದರಿಂದ ದೇಹದಲ್ಲಿನ ಕುಂಡಲಿನಿ ಚಕ್ರಗಳು ಕ್ರಿಯಾಶೀಲವಾಗುತ್ತವೆ.

ಬೆನ್ನು: ಎರಡು ಕೈಗಳಿಗೆ ಎಣ್ಣೆ ಸವರಿಕೊಂಡು ಬೆನ್ನಿನ ಮೇಲ್ಭಾಗದಿಂದ ಕೆಳ ಭಾಗದವರೆಗೂ ಮಸಾಜ್ ಮಾಡಿ. ಬೆನ್ನಿನ ಮಧ್ಯಭಾಗವನ್ನು ಹೆಬ್ಬೆರಳಿನಿಂದ ಹೆಚ್ಚಾಗಿ ಉಜ್ಜಿ. ಹೀಗೆ ಮಾಡುವುದರಿಂದ ಬೆನ್ನಿನ ನೋವಿದ್ದರೆ ಕಡಿಮೆ ಆಗುತ್ತದೆ.

ಕಾಲುಗಳು, ತೋಳುಗಳು, ​ಮೊಣಕಾಲು: ಕಾಲುಗಳ ಮೇಲೆ ಎಣ್ಣೆ ಹಚ್ಚಿ, ಮೇಲಿನಿಂದ ಕೆಳಕ್ಕೆ ತೋಳುಗಳ ಮೇಲೂ ಎಣ್ಣೆ ಹಚ್ಚಿ ಮಸಾಜ್ ಮಾಡಿ. ಹೆಬ್ಬೆರಳು ಮತ್ತು ತೋರು ಬೆರಳಿನಿಂದ ಪಾದವನ್ನು ಸುತ್ತುವರಿದು ನಂತರ ವೃತ್ತಾಕಾರದಲ್ಲಿ ಎಣ್ಣೆಯನ್ನು ಹಚ್ಚಿ.

ತಲೆ: ತಲೆಯ ಮೇಲೆ ಎಣ್ಣೆಯನ್ನು ಅನ್ವಯಿಸಿ ಮತ್ತು ಬಲಗೈಯಿಂದ ಚೆನ್ನಾಗಿ ಉಜ್ಜಿಕೊಳ್ಳಿ. ಇದರಿಂದ ನಿಮ್ಮ ದೇಹದಲ್ಲಿನ ಉಷ್ಣಾಂಶವನ್ನು ನಿಯಂತ್ರಿಸಬಹುದು