Prostate Cancer: ಇತ್ತೀಚೆಗೆ ಪುರುಷರಲ್ಲಿ ಹೆಚ್ಚಾಗಿದೆಯಂತೆ ವೃಷಣ ಕ್ಯಾನ್ಸರ್! ಕಾರಣವೇನು ಗೊತ್ತಾ?

ವೃಷಣ ಕ್ಯಾನ್ಸರ್ ವಿಶ್ವದಾದ್ಯಂತ ಪುರುಷರ ಸಾವಿಗೆ 6 ನೇ ಪ್ರಮುಖ ಕಾರಣವಾಗಿದೆ. ಪುರುಷರಲ್ಲಿ ಇದು ಎರಡನೇ ಅತ್ಯಂತ ಸಾಮಾನ್ಯ ರೀತಿಯ ಕ್ಯಾನ್ಸರ್ ಎಂದು ಗುರುತಿಸಿಕೊಂಡಿದೆ. ಜೀವನದ ಗುಣಮಟ್ಟ ದಿನದಿಂದ ದಿನಕ್ಕೆ ಹದಗೆಡುತ್ತಿರುವಂತೆ, ವೃಷಣ ಕ್ಯಾನ್ಸರ್ ಪೀಡಿತರ ಸಂಖ್ಯೆ ಸಹ ಹೆಚ್ಚಾಗುವ ಮುನ್ಸೂಚನೆ ಇದೆ.

ವೃಷಣ ಕ್ಯಾನ್ಸರ್ ಸಾಮಾನ್ಯವಾಗಿ ವಯಸ್ಸಿಗೆ ಸಂಬಂಧಿಸಿದ ಕಾಯಿಲೆಯಾಗಿದೆ. 60 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರು ಹೆಚ್ಚು ಈ ಕಾಯಿಲೆಗೆ ಒಳಗಾಗುತ್ತಾರೆ. ವೃಷಣ ಕ್ಯಾನ್ಸರ್ ಅನ್ನು ಮೊದಲೇ ಪತ್ತೆ ಹಚ್ಚಿದರೆ ಸಂಪೂರ್ಣವಾಗಿ ಗುಣಪಡಿಸಬಹುದು. ಆದರೆ ನಂತರದ ಹಂತದಲ್ಲಿ ಪತ್ತೆಯಾದರೆ ಜೀವನವಿಡೀ ಔಷಧಿಯ ಅಗತ್ಯವಿರುತ್ತದೆ.

ವೃಷಣ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಯಾವುದೇ ವಿಶೇಷ ಲಕ್ಷಣಗಳಿಲ್ಲದ ಕಾರಣ, 45 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರನ್ನು ನಿರಂತರವಾಗಿ ಆಗಾಗ ಪರೀಕ್ಷಿಸುತ್ತಿರಬೇಕೆಂದು ವೈದ್ಯರು ಶಿಫಾರಸ್ಸು ಮಾಡುತ್ತಾರೆ. ಇನ್ನು ಕುಟುಂಬದಲ್ಲಿ ಯಾರಿಗಾದರೂ ಹಿಂದೆ ಬಂದಿದ್ದರೆ ಅಂತಹವರು 40 ವರ್ಷ ಆದ ತಕ್ಷಣವೇ ಚೆಕ್ ಮಾಡಿಸಿಕೊಳ್ಳಬೇಕು ಎಂದು ವೈದ್ಯರು ಸಲಹೆ ನೀಡಿದ್ದಾರೆ.

ಪರೀಕ್ಷಾ ವಿಧಾನಗಳು: ವೃಷಣ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಟ್ರಾನ್ಸ್ ರೆಕ್ಟಲ್ ಅಲ್ಟ್ರಾಸೌಂಡ್ ಪರೀಕ್ಷೆ ಅಥವಾ ಟ್ರಸ್ ಬಯಾಪ್ಸಿಯಂತಹ ಪರೀಕ್ಷಾ ವಿಧಾನಗಳನ್ನು ಬಳಸಲಾಗುತ್ತದೆ. ಇನ್ನು ಕ್ಯಾನ್ಸರ್​ ಇದೆ ಎಂದು ಟೆಸ್ಟ್​ ರಿಪೋರ್ಟ್​ನಲ್ಲಿ ಗೊತ್ತಾದ್ರೆ, ನಂತರ ಅದರ ದರ್ಜೆಯನ್ನು ನೋಡಲಾಗುತ್ತದೆ. ಅದರ ನಂತರ ಇದಕ್ಕೆ ಮುಂದಿನ ಕ್ರಮವನ್ನು ಕೈಗೊಳ್ಳಲಾಗುತ್ತದೆ.

ಸಾಮಾನ್ಯ ಲಕ್ಷಣಗಳು: ವೃಷಣ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಯಾವುದೇ ನಿರ್ದಿಷ್ಟ ಲಕ್ಷಣಗಳಿಲ್ಲ. ಈ ರೋಗಲಕ್ಷಣಗಳು ಸಾಮಾನ್ಯ ದೈಹಿಕ ಕಾಯಿಲೆಗಳಿಗೆ ಹೋಲುತ್ತವೆ. ಆದರೆ, ಅದರ ಅರಿವಿದ್ದರೆ ತಕ್ಷಣ ತಿಳಿಯಬಹುದು. ಅವುಗಳೆಂದರೆ, ಮೂತ್ರ ವಿಸರ್ಜನೆಯ ತೊಂದರೆ, ಆಗಾಗ ಮೂತ್ರ ವಿಸರ್ಜನೆಯ ಅಗತ್ಯತೆ, ವಿಶೇಷವಾಗಿ ರಾತ್ರಿಯಲ್ಲಿ, ಮೂತ್ರ ಅಥವಾ ವೀರ್ಯದಲ್ಲಿ ರಕ್ತ, ಮೂತ್ರ ವಿಸರ್ಜನೆ ಸಮಯದಲ್ಲಿ ತೀವ್ರವಾದ ನೋವು, ಶ್ರೋಣಿ ಕುಹರದ ನೋವು, ಬೆನ್ನು ನೋವು ಮತ್ತು ತೊಡೆಯ ನೋವು. ಈ ರೀತಿಯ ಲಕ್ಷಣಗಳು ವೃಷಣ ಕ್ಯಾನ್ಸರ್​ಗೆ ಕಾರಣವಾಗಬಹುದು.

ಚಿಕಿತ್ಸಾ ಆಯ್ಕೆಗಳು: ವೃಷಣ ಕ್ಯಾನ್ಸರ್ ಅನ್ನು ಗ್ಲೀಸನ್ ಸ್ಕೋರ್ ಮತ್ತು ಪಿಎಸ್ಎ ಮಟ್ಟಗಳಿಗೆ ಅನುಗುಣವಾಗಿ ನಿರೂಪಿಸಲಾಗಿದೆ ಮತ್ತು ವರ್ಗೀಕರಿಸಲಾಗಿದೆ. ಇನ್ನು ಚೆಕಪ್​ ರಿಪೋರ್ಟ್​ನ ತೀವ್ರತೆಗೆ ಅನುಗುಣವಾಗಿ, ವೈದ್ಯರು ಔಷಧಿ, ಶಸ್ತ್ರಚಿಕಿತ್ಸೆ, ರೇಡಿಯೇಷನ್​ ಅಥವಾ ಹಾರ್ಮೋನ್ ಬದಲಿ ಚಿಕಿತ್ಸೆಯನ್ನು ಸೂಚಿಸಬಹುದು.

ಕಾರಣ ಮತ್ತು ಪರಿಣಾಮಗಳು: ವಯಸ್ಸು, ಅನುವಂಶಿಕ ಕಾರಣಗಳು, ಕಳಪೆ ಆಹಾರ ಪದ್ಧತಿ, ಬೊಜ್ಜು, ಧೂಮಪಾನ, ಮದ್ಯಪಾನ, ಲೈಂಗಿಕವಾಗಿ ಹರಡುವ ಸೋಂಕುಗಳು ಈ ಕಾಯಿಲೆಗೆ ಕಾರಣಗಳಾಗಿವೆ. ವೃಷಣ ಕ್ಯಾನ್ಸರ್ ಇರುವವರಲ್ಲಿ ಮತ್ತು ಅದಕ್ಕೆ ಚಿಕಿತ್ಸೆ ಪಡೆದವರಲ್ಲಿಯೂ ಸಹ ವೀರ್ಯ ಉತ್ಪಾದನೆ ಮೇಲೆ ಪರಿಣಾಮ ಬೀರಬಹುದು.