Sugarcane Milk: ರೋಡ್​ ಸೈಡ್​ ಸಿಗೋ ಕಬ್ಬಿನ ಹಾಲು ಕುಡಿತೀರಾ? ಒಮ್ಮೆ ಈ ಸ್ಟೋರಿ ಓದಿ

ಬೇಸಿಗೆ ಕಾಲ ಬಂದರೆ ಸಾಕು ಆಯಾಸ, ಬಾಯಾರಿಕೆ ಸಾಕಾಗುತ್ತದೆ. ಈ ಸಂದರ್ಭದಲ್ಲಿ ಏನಾದರು ಜ್ಯೂಸ್​ ಕುಡಿಯೋದು ಸಾಮಾನ್ಯ. ಇನ್ನೂ ಹೆಚ್ಚಿನ ಜನರು ಎಲ್ಲಾದರು ಹೋದಾಗ ದಾರಿ ಮಧ್ಯೆ ಇರುವಂತಹ ಜ್ಯೂಸ್​ ಅನ್ನು ಕುಡಿಯುತ್ತಿರುತ್ತಾರೆ.

ಟ್ರಾವೆಲ್ ಮಾಡೋವಾಗ ದಾರಿ ಮಧ್ಯೆ ಸಿಗುವ ಜ್ಯೂಸ್​ ನಮ್ಮ ದೇಹವನ್ನು ತಂಪು ಮಾಡುತ್ತದೆ. ಆದರೆ ಇದರಿಂದಲೂ ದೇಹದ ಆರೋಗ್ಯದಲ್ಲಿ ತೊಂದರೆಗಳಾಗಬಹುದು. ಇನ್ನು ಹೆಚ್ಚಿನವರು ಎಲ್ಲಾದರು ಹೋಗುವಾಗ ಕಬ್ಬನ ಹಾಲು ಕಂಡ್ರೆ ಸಾಕು ಹೋಗಿ ಕುಡಿದೇ ಬಿಡುತ್ತಾರೆ. ಆದರೆ ದಾರಿ ಮಧ್ಯೆ ಸಿಗುವ ಕಬ್ಬಿನ ಹಾಲು ಕುಡೀಯೋದು ಅನಾರೋಗ್ಯವನ್ನು ಉಂಟುಮಾಡುವ ಸಾಧ್ಯತೆಗಳಿವೆ.

ಇನ್ನು ರಸ್ತೆ ಬದಿಯಲ್ಲಿ ಇರುವ ಕಬ್ಬಿನ ಅಂಗಡಿಯಲ್ಲಿ ಒಬ್ಬ ವ್ಯಕ್ತಿ ಮಾತ್ರ ವ್ಯಾಪಾರ ಮಾಡುತ್ತಾನೆ. ಅವನೇ ಯಂತ್ರಕ್ಕೆ ಕಬ್ಬು ಹಾಕಿ ಆನ್ ಮಾಡಿ, ಹಾಲನ್ನು ಲೋಟಕ್ಕೆ ಹಾಕಿ ಗ್ರಾಹಕರಿಗೆ ನೀಡುತ್ತಾನೆ. ಹೀಗೆ ಎಲ್ಲವನ್ನೂ ಮುಟ್ಟುವ ವ್ಯಕ್ತಿ ಕೈಗೆ ಕ್ಲೀನ್​​ಗಾಗಿ ಗ್ಲೌಸ್ ಕೂಡಾ ಹಾಕಿರುವುದಿಲ್ಲ. ನಂತರ ಜ್ಯೂಸ್ ತಯಾರಿಸಿದ ಕೈಯಲ್ಲೇ ಅದನ್ನು ಸೇವನೆ ಮಾಡಲು ಸಹ ಕೊಡುತ್ತಾರೆ.

ಇನ್ನು ನಮ್ಮಿಂದ ಹಣ ಪಡೆದ ನಂತರ, ಮತ್ತೆ ಸದೇ ಕೈಯಲ್ಲೇ ಬೇರೆಯವರಿಗೆ ಜ್ಯೂಸ್ ರೆಡಿ ಮಾಡುತ್ತಾರೆ. ಈ ಎಲ್ಲ ಕೆಲಸವನ್ನು ಮಾಡುವ ಸಂದರ್ಭದಲ್ಲಿ ಹೆಚ್ಚಿನವರು ತಮ್ಮ ಕೈಯನ್ನು ತೊಳೆಯುವುದೇ ಇಲ್ಲ. ಇದರಿಂದ ರೋಗಗಳು ಹರಡುವ ಚಾನ್ಸಸ್​ ಹೆಚ್ಚಿರುತ್ತದೆ.

ಯಂತ್ರ ತೊಳೆಯುವುದಿಲ್ಲ: ಕಬ್ಬಿನ ಹಾಲನ್ನು ಮಾಡುವ ಯಂತ್ರಗಳನ್ನು ಆಗಾಗ ಸ್ವಚ್ಛ ಮಾಡುವುದಿಲ್ಲ. ಇದಲ್ಲದೆ ಕಬ್ಬಿನ ಜ್ಯೂಸ್‌ಗೆ ಬಳಸುವ ನಿಂಬೆಹಣ್ಣು, ಶುಂಠಿ ಅಥವಾ ಪುದೀನಾವನ್ನು ಸಹ ತೊಳೆಯದೆ ನೇರವಾಗಿ ಜ್ಯೂಸ್​ ಮಾಡೋವಾಗ ಬಳಸುತ್ತಾರೆ. ಇದರಿಂದ ದೇಹದ ಆರೋಗ್ಯದಲ್ಲಿ ಏರಿಳಿತಗಳಾಗಬಹುದು.

ಇನ್ನು ಕೆಂಪಾದ ಕಬ್ಬಿನಿಂದ ಮಾಡಿದ ಕಬ್ಬಿನ ರಸವನ್ನು ಸೇವಿಸುವುದು ಆರೋಗ್ಯಕ್ಕೆ ಉತ್ತಮವಲ್ಲ ಎನ್ನುತ್ತಾರೆ ತಜ್ಞರು. ಈ ರೀತಿಯ ಕಬ್ಬಿನ ಹಾಲನ್ನು ಸೇವನೆ ಮಾಡುವುದರಿಂದ ನಿಮಗೆ ಅತಿ ಸಾರ ಮತ್ತು ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳು ಬರಬಹುದು. ಇನ್ನು ಅದರಲ್ಲಿ ಬಳಸುವಂತಹ ಐಸ್​ನ ಗುಣಮಟ್ಟ ಸಹ ಆರೋಗ್ಯದ ತೊಂದರೆ ಕಾರಣವಾಗ್ಬಹುದು. ಇದರಿಂದ ಗಂಟಲು ನೋವು, ಕೆಮ್ಮು, ಶೀತ ಉಂಟಾಗಬಹುದು.

ಗ್ಯಾಸ್ಟ್ರೋಎಂಟರಾಲಜಿಸ್ಟ್‌ಗಳು ಮತ್ತು ಇತರ ತಜ್ಞರು ರಸ್ತೆಬದಿಯ ಕಬ್ಬು ಮತ್ತು ಇತರ ಜ್ಯೂಸ್‌ಗಳನ್ನು ಕುಡಿಯದಂತೆ ಎಚ್ಚರಿಕೆ ನೀಡುತ್ತಾರೆ. ಇಂಥಾ ಅಶುಚಿಯಾದ ಆಹಾರ ಮತ್ತು ಪಾನೀಯಗಳಿಂದ ಹೆಪಟೈಟಿಸ್ A, E ಮತ್ತು ಇತರ ಜಠರಕರುಳಿನ ತೊಂದರೆಗಳು ಉಂಟಾಗಬಹುದು ಎಂದು ಹೇಳುತ್ತಾರೆ.

ಕಲುಷಿತ ನೀರು ಅಥವಾ ಮಂಜುಗಡ್ಡೆಯಿಂದ ತಯಾರಿಸಿದ ಕಬ್ಬು ಮತ್ತು ಹಣ್ಣಿನ ರಸಗಳು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಬೇಸಿಗೆ ಆರಂಭವಾಗುತ್ತಿದ್ದಂತೆ ಹಣ್ಣುಗಳನ್ನು ರಸವನ್ನು ಕುಡಿಯಬೇಕು ಕುಡಿಯುವುದು ಸರಿಯಲ್ಲ ಎನ್ನುತ್ತಾರೆ ತಜ್ಞರು.