Nail Care: ಸುಂದರವಾಗಿ ಬೆಳೆಸಿದ ಉಗುರು ಪದೇ ಪದೇ ಕಟ್​ ಆಗ್ತಿದ್ರೆ ಬೇಜಾರ್ ಆಗ್ಬೇಡಿ, ಈ ಟ್ರಿಕ್ಸ್ ನಿಮಗಾಗಿ

ಅನೇಕ ಜನರು ಉಗುರುಗಳನ್ನು ಬೆಳೆಸಲು ಇಷ್ಟಪಡುತ್ತಾರೆ. ಆದರೆ ಹಲವರ ಉಗುರುಗಳು ಸ್ವಲ್ಪ ಬೆಳೆದರೆ ಸಾಕು ಬೇಗನೆ ಮುರಿದು ಹೋಗುತ್ತೆ. ಇದೇ ಒಂದು ದೊಡ್ಡ ಸಮಸ್ಯೆ. ಆದ್ದರಿಂದ, ನೀವು ಉಗುರು ಬೆಳೆಸಲು ಇಷ್ಟಪಡುತ್ತಿದ್ದರೆ ಮತ್ತು ನಿಮ್ಮ ಉಗುರುಗಳು ಆಗಾಗ ಒಡೆಯುತ್ತಿದ್ದರೆ ಅಥವಾ ಮುರಿದು ಹೋಗುತ್ತಿದ್ದರೆ ಈ ಪರಿಹಾರಗಳು ನಿಮಗೆ ಉತ್ತಮವಾಗಿವೆ.

ಈ ರೀತಿ ಉಗುರುಗಳ ಆರೈಕೆ ಮಾಡಿದರೆ ಉಗುರುಗಳು ಉದ್ದವಾಗಿದ್ದು, ಯಾವತ್ತಿಗೂ ಉಗುರುಗಳು ಒಡೆಯುವುದಿಲ್ಲ. ಆದ್ದರಿಂದ ಈ ಪರಿಹಾರಗಳ ಬಗ್ಗೆ ತಿಳಿದುಕೊಳ್ಳಿ ಮತ್ತು ಉಗುರುಗಳ ಸೌಂದರ್ಯವನ್ನು ಹೆಚ್ಚಿಸಿ ಮತ್ತು ಉಗುರುಗಳನ್ನು ಬಲಪಡಿಸಿ.

ನಿಂಬೆ ಹಣ್ಣು: ಉಗುರುಗಳನ್ನು ಬಲಪಡಿಸಲು, ಮೊದಲಿಗೆ ನಿಂಬೆ ಹಣ್ಣನ್ನು ತೆಗೆದುಕೊಂಡು ಅದನ್ನು ಅರ್ಧದಷ್ಟು ಕತ್ತರಿಸಿ. ನಂತರ ಈ ನಿಂಬೆಯನ್ನು ನಿಮ್ಮ ಉಗುರಿನ ಮೇಲೆ ಉಜ್ಜಿಕೊಳ್ಳಿ.

ಹೀಗೆ ಮಾಡುವುದರಿಂದ ನಿಮ್ಮ ಉಗುರುಗಳು ಬಹಳಷ್ಟು ಬಲಗೊಳ್ಳುತ್ತವೆ. ಜೊತೆಗೆ ಉದ್ದ ಮತ್ತು ವೇಗವಾಗಿ ಬೆಳೆಯುತ್ತವೆ. ಉಗುರುಗಳ ಮೇಲೆ ನಿಂಬೆಹಣ್ಣನ್ನು ಉಜ್ಜುವುದರಿಂದ ನಿಮ್ಮ ಉಗುರುಗಳು ಕೂಡ ಬಿಳಿಯಾಗುತ್ತವೆ.

ಮೊಟ್ಟೆಗಳನ್ನು ಬಳಸಿ: ಉಗುರುಗಳನ್ನು ಬಲಪಡಿಸಲು ನೀವು ಮೊಟ್ಟೆಗಳನ್ನು ಸಹ ಬಳಸಬಹುದು. ಇದಕ್ಕಾಗಿ ನೀವು ಮೊಟ್ಟೆಯಿಂದ ಬಿಳಿ ಭಾಗವನ್ನು ತೆಗೆದು, ಈ ಬಿಳಿ ಭಾಗವನ್ನು ನಿಮ್ಮ ಉಗುರುಗಳ ಮೇಲೆ ಉಜ್ಜಿಕೊಳ್ಳಿ.

ಹೀಗೆ ಮಾಡುವುದರಿಂದ ನಿಮ್ಮ ಉಗುರುಗಳು ಬಲಗೊಳ್ಳುತ್ತವೆ ಮತ್ತು ಸುಲಭವಾಗಿ ಮುರಿಯುವುದಿಲ್ಲ. ಮೊಟ್ಟೆಯ ಬಿಳಿಭಾಗವು ಪ್ರೋಟೀನ್‌ನ ಉತ್ತಮ ಮೂಲವಾಗಿದೆ. ಆದ್ದರಿಂದ ನಿಮ್ಮ ಉಗುರುಗಳನ್ನು ಬಲಪಡಿಸಲು ಪ್ರೋಟೀನ್ ಬಹಳಷ್ಟು ಉತ್ತಮವಾಗಿ ಕೆಲಸ ಮಾಡುತ್ತದೆ.

ಮೊಸರು: ಮೊಸರಿನ ಸಹಾಯದಿಂದ ಸಹ ನಿಮ್ಮ ಉಗುರುಗಳನ್ನು ಬಲಪಡಿಸಬಹುದು. ಮೊಸರಿನಲ್ಲಿ ಕ್ಯಾಲ್ಸಿಯಂನ ಪ್ರಮಾಣವು ಇರುವುದರಿಂದ ಇದು ನಿಮ್ಮ ಉಗುರನ್ನು ವೇಗವಾಗಿ ಬೆಳೆಯಲು ಸಹಕಾರಿಯಾಗುತ್ತದೆ.

ಕ್ಯಾಲ್ಸಿಯಂಗಳು ಉಗುರುಗಳನ್ನು ವೇಗವಾಗಿ ಬೆಳೆಯುವಂತೆ ಮಾಡುತ್ತದೆ ಮತ್ತು ಬಲಯುತವಾಗಿ ಸಹ ಮಾಡುತ್ತದೆ.