Relationship Tips: ಚುಂಬನದಲ್ಲಿ ಎಷ್ಟೆಲ್ಲಾ ವಿಧಗಳಿದೆ, ಅದರ ಅರ್ಥಗಳೇನು ಗೊತ್ತಾ?

ಕೆನ್ನೆಯ ಮೇಲೆ ನೀಡುವ ಚುಂಬನ: ಚುಂಬನವು ಇಬ್ಬರು ವ್ಯಕ್ತಿಗಳ ನಡುವೆ ಇರುವ ಪ್ರೀತಿ ಮತ್ತು ಅನ್ಯೋನ್ಯತೆಯನ್ನು ಸೂಚಿಸುತ್ತದೆ. ಪ್ರೇಮಿ ತನ್ನ ಸಂಗಾತಿಯ ಕೆನ್ನೆಯ ಮೇಲೆ ನೀಡುವ ಚುಂಬನ ’ನಾನು ನಿನ್ನನ್ನು ಅಪಾರವಾಗಿ ಪ್ರೀತಿಸುತ್ತೇನೆ’ ಎಂಬ ಅರ್ಥವನ್ನು ತಿಳಿಸುತ್ತದೆ.

ಹಣೆಯ ಮೇಲಿನ ಚುಂಬನ: ಹಣೆಯ ಮೇಲೆ ನೀಡುವ ಚುಂಬನದ ಅರ್ಥ ನಾನು ನಿನ್ನ ರಕ್ಷಣೆಯ ಜವಾಬ್ದಾರಿ ಹೊತ್ತಿದ್ದೇನೆ, ನನ್ನ ರಕ್ಷಣೆಯಲ್ಲಿ ನೀನು ಸುರಕ್ಷಿತವಾಗಿರುವೆ ಎಂದು ಭರವಸೆ ನೀಡುವುದಾಗಿದೆ.

ಹಸ್ತಗಳ ಹಿಂಭಾಗ ನೀಡುವ ಚುಂಬನ: ಓರ್ವ ವ್ಯಕ್ತಿ ಸಂಗಾತಿಯಾಗಿ ತಾವು ಯಾರನ್ನು ಪಡೆಯಲು ಬಯಸುತ್ತಾರೋ ಅವರಿಗೆ ಹಸ್ತಗಳ ಹಿಂಭಾಗ ಚುಂಬನ ನೀಡುವ ಮೂಲಕ ಪ್ರೀತಿಯನ್ನು ವ್ಯಕ್ತಪಡಿಸುತ್ತಾರೆ.

ಫ್ರೆಂಚ್ ಕಿಸ್: ಚುಂಬನಗಳಲ್ಲಿಯೇ ಅತಿ ಅಪ್ಯಾಯಮಾನವಾದ ಬಗೆ ಎಂದರೆ ತುಟಿಗಳಿಗೆ ತುಟಿ ತಾಕಿಸಿ ನೀಡುವ ಚುಂಬನ. ಈ ರೀತಿಯ ಚುಂಬನವನ್ನು ಗಾಢವಾದ ಪ್ರೀತಿಯನ್ನು ಹೊಂದಿರುವವರು ಮಾತ್ರ ನೀಡಲು ಸಾಧ್ಯ. ಕೇವಲ ತುಟಿಗಳ ಹೊರತಾಗಿ ನಾಲಿಗೆಗಳೂ ಪರಸ್ಪರ ಸ್ಪರ್ಶಿಸಿ ಪ್ರೀತಿಯ ಉತ್ಕಟ ಭಾವನೆಯನ್ನು ಪ್ರಕಟಿಸುವುದು ಈ ಚುಂಬನದ ಮಹತ್ವವಾಗಿದೆ. ಇಬ್ಬರ ನಡುವೆ ಈ ಚುಂಬನ ಅತ್ಯಂತ ಭಾವನಾತ್ಮಕ ಸಂದೇಶವನ್ನು ನೀಡುವ ಜೊತೆಗೇ ಇನ್ನಷ್ಟು ಬೇಕು ಎಂಬಷ್ಟು ಮಾದಕವೂ ಆಗಿರುತ್ತದೆ.

ಹೊರಕಿವಿಗೆ ನೀಡುವ ಚುಂಬನ: ಸಾಮಾನ್ಯವಾಗಿ ಖಾಸಗಿ ಕ್ಷಣ ಕಳೆಯುವ ವೇಳೆ ದಂಪತಿ ಈ ರೀತಿ ಚುಂಬನವನ್ನು ನೀಡುತ್ತಾರೆ. ನಿಮ್ಮ ಸಂಗಾತಿ ನಿಮ್ಮ ಕಿವಿಗಳನ್ನು ನವಿರಾಗಿ ನೇವರಿಸುವ ಹಾಗೂ ಚುಂಬಿಸುವುದನ್ನು ನಿಮ್ಮಿಬ್ಬರ ನಡುವಣ ಕಾಮಭಾವನೆಯನ್ನು ಪ್ರಚೋದಿಸುವ ಕ್ರಿಯೆ ಆಗಿದೆ.

ಕುತ್ತಿಗೆ ಮೇಲಿನ ಚುಂಬನ: ಕುತ್ತಿಗೆಯ ಮೇಲೆ ನೀಡಲಾಗುವ ಚುಂಬನವೂ ಹೆಚ್ಚಾಗಿ ಲೈಂಗಿಕ ಪ್ರಚೋದನೆಗಳು ಮತ್ತು ಮುನ್ನಲಿವನ್ನು ಉದ್ದೀಪಿಸುವ ಕ್ರಿಯೆಗೆ ಸಂಬಂಧಿಸಿದೆ. ಕೆನ್ನೆಗೆ ಚುಂಬನ ಪಡೆಯುವಾಗ ತಲೆಯನ್ನು ಹಿಂದಕ್ಕೆ ವಾಲಿಸಬೇಕಾಗುತ್ತದೆ ಹಾಗೂ ಈ ಮೂಲಕ ಎದೆ ಇನ್ನಷ್ಟು ಹತ್ತಿರ ಬರುವುದರಿಂದ ಲೈಂಗಿಕ ಬಯಕೆಗಳು ಇನ್ನಷ್ಟು ಭುಗಿಲೇಳುತ್ತವೆ.

ಮೂಗಿನ ಮೇಲೆ ನೀಡುವ ಚುಂಬನ: ತನ್ನ ಸಂಗಾತಿಯನ್ನು ತಾನು ಅತ್ಯಂತ ಆಳವಾಗಿ ಪ್ರೀತಿಸುತ್ತೇನೆ ಎಂದು ಸೂಚಿಸುವ ವಿಧಾನವೇ ಮೂಗಿನ ಮೇಲಿನ ಚುಂಬನ.