Summer Drinks: ಬಿಸಿಲಿಗೆ ಹೀಗೆ ಹಲವು ರೀತಿ ಮಸಾಲಾ ಮಜ್ಜಿಗೆ ಮಾಡಿ ಕುಡಿದು ತಂಪಾಗಿರಿ

ಬಿಸಿನಿನ ತಾಪಕ್ಕೆ ಬಾಯಾರಿಕೆ ಹೆಚ್ಚುತ್ತಲೇ ಇರುತ್ತೆ. ಆದರೆ ಈ ಬಾಯಾರಿಕೆ ನಿಲ್ಲಿಸಲು ಸೂಕ್ತ ಪಾನೀಯ ಎಂದರೆ ಅದು ಮಜ್ಜಿಗೆ ಮಾತ್ರ. ಹಾಗಾದ್ರೆ ಯಾವ ರೀತಿ ಮಜ್ಜಿಗೆ ಮಾಡಬಹುದು ಎಂಬ ರೆಸಿಪಿ ಇಲ್ಲಿದೆ ನೋಡಿ

ನಿಮಗೆ ತುಂಬಾ ದಾಹ ಆಗಿದೆ ಎಂದಾಗ ನೀವು ಉಪ್ಪು ಹಾಗೂ ನೀರು ಮಜ್ಜಿಗೆ ಕುಡಿಯುವುದು ಸೂಕ್ತ. ಅದು ಜೀವಕ್ಕೆ ತಂಪನ್ನು ನೀಡುತ್ತದೆ. ನಿಮಗೆ ರುಚಿಯೇ ಮುಖ್ಯ ಎಂದಾದರೆ ಈ ಕೆಳಗೆ ತಿಳಿಸಿದ ರೀತಿ ಮಸಾಲೆ ಬೆರೆಸಿ.

ಒಂದು ಗ್ಲಾಸ್​ ತಂಪು ಮಜ್ಜಿಗೆಗೆ ನೀವು ಉಪ್ಪು ಹಾಗೂ ಕೊತ್ತಂಬರಿ ಸೊಪ್ಪು ಹಾಕಿ. ಅದನ್ನು ಚೆನ್ನಾಗಿ ಬೆರೆಸಿ. ಇನ್ನೂ ಖಡಕ್ ರುಚಿ ಬೇಕಾದರೆ ಹಸಿ ಮೆಣಸು ಮತ್ತು ಕೊತ್ತಂಬರಿಯನ್ನು ರುಬ್ಬಿ ಮಜ್ಜಿಗೆಗೆ ಬೆರೆಸಿ.

ಮಡಿಕೆಯಲ್ಲಿ ಯಾವುದನ್ನೇ ಇಟ್ಟರೂ ಅದು ತಂಪಾಗಿರುತ್ತೆ. ನೀವು ಪ್ರೀಜ್​ನಲ್ಲಿ ಇಟ್ಟು ಮಜ್ಜಿಗೆ ಬಳಸುವುದಕ್ಕಿಂತ ಈ ರೀತಿ ಮಡಿಕೆಯಲ್ಲಿಟ್ಟು ಸೇವಿಸುವುದು ತುಂಬಾ ಉತ್ತಮ.

ಇನ್ನು ನಿಮಗೆ ಕೊತ್ತಂಬರಿ ರುಚಿಸುವುದಿಲ್ಲ ಎಂದಾದರೆ ಜೀರಿಗೆಯನ್ನು ಚೆನ್ನಾಗಿ ಕುಟ್ಟಿ ಪುಡಿಮಾಡಿ. ಅದನ್ನು ಮಜ್ಜಿಗೆಗೆ ಸೇರಿಸಿ. ಸ್ವಲ್ಪ ಉಪ್ಪು ಬೆರೆಸಿ ಅದನ್ನು ಕುಡಿದರೆ ತುಂಬಾ ರುಚಿಯಾಗಿರುತ್ತೆ.

ಒಗ್ಗರಣೆ ಮಜ್ಜಿಗೆ: ಇದು ತುಂಬಾ ರುಚಿಯಾದ ಮಜ್ಜಿಗೆ. ನೀವು ಎಣ್ಣೆ ಅಥವಾ ಬೆಣ್ಣೆ ಬಳಸಿ ಹಸಿ ಮೆಣಸು ಮತ್ತು ಕರಿಬೇವಿನ ಸೊಪ್ಪು, ಸಾಸಿವೆ, ಜೀರಿಗೆ ಹಾಕಿ ಸ್ವಲ್ಪ ಉಪ್ಪು ಬೆರೆಸಿ ಕುಡಿಯಿರಿ.

ಮಜ್ಜಿಗೆಗೆ ಲಿಂಬು ಸೇರಿಸಿ ಕುಡಿದರೂ ತುಂಬಾ ರುಚಿಯಾಗಿರುತ್ತದೆ. ನೀವು ಈ ಎಲ್ಲಾ ರೀತಿಯ ಮಜ್ಜಿಗೆ ಮಾಡಿ ಈ ಬೇಸಿಗೆಯ ಬಾಯಾರಿಕೆ ತಣಿಸಿಕೊಳ್ಳಿ.