Herbal Tea: ತಿಂದ ಆಹಾರ ಬೇಗ ಜೀರ್ಣವಾಗಬೇಕಂದ್ರೆ ಕುಡಿಯಿರಿ ಹರ್ಬಲ್​ ಟೀ!

ಕೆಲವರು ಉತ್ತಮ ಜೀರ್ಣಕ್ರಿಯೆ ಹೊಂದಿರುತ್ತಾರೆ. ಇನ್ನು ಕೆಲವರು ಜೀರ್ಣಕ್ರಿಯೆ ಸಮಸ್ಯೆ ಹೊಂದಿರುತ್ತಾರೆ. ಕೆಲವರ ಜೀರ್ಣಕ್ರಿಯೆಯ ಮೇಲೆ ಕೆಲವು ಪರಿಸ್ಥಿತಿಗಳು ತೀವ್ರ ಕೆಟ್ಟ ಪರಿಣಾಮ ಬೀರುತ್ತದೆ. ಅದರಲ್ಲಿ ಜೀವನಶೈಲಿ ಮತ್ತು ಆಹಾರ ಪದ್ಧತಿ ಮುಖ್ಯವಾಗಿದೆ. ಅದರಲ್ಲೂ ಬೆಳಗ್ಗೆ ಚಹಾ ಸೇವನೆಯು ಪರಿಣಾಮ ಬೀರುತ್ತದೆ.

ಜನರು ಬೆಳಗ್ಗೆ ಎದ್ದ ಕೂಡಲೇ ಚಹಾ ಕುಡಿಯುತ್ತಾರೆ. ಹಾಲಿನ ಚಹಾ ಸೇವನೆ ಹೆಚ್ಚು ಕುಡಿಯುತ್ತಾರೆ. ಆದರೆ ಹೆಚ್ಚು ಹಾಲಿನ ಚಹಾ ಕುಡಿಯುವುದು ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ. ಜೊತೆಗೆ ನೀವು ಕುಡಿಯುವ ತಂಪು ಪಾನೀಯ ಮತ್ತು ಐಸ್ ಕ್ರೀಮ್ ಆರೋಗ್ಯಕ್ಕೆ ಹಾನಿ ಮಾಡುತ್ತವೆ.

ತಂಪು ಪಾನೀಯ ಕುಡಿದರೆ ಆಗ ಮಾತ್ರ ತಂಪೆನ್ನಿಸುತ್ತದೆ. ಆದರೆ ಅದು ನಿಮ್ಮ ಜೀರ್ಣಕ್ರಿಯೆಗೆ ಹಾನಿ ಮಾಡುತ್ತದೆ. ಇವುಗಳ ಬದಲು ನಿವು ಕೆಲವು ಗಿಡಮೂಲಿಕೆ ಚಹಾ ಸೇವನೆ ಮಾಡಿ. ಇದು ನಿಮ್ಮ ದೇಹವನ್ನು ತಂಪಾಗಿಸಲು ಸಹಾಯ ಮಾಡುತ್ತದೆ. ಜೊತೆಗೆ ಜೀರ್ಣಕ್ರಿಯೆಯನ್ನೂ ಸುಧಾರಿಸುತ್ತದೆ.

ದೇಹವನ್ನು ತಂಪಾಗಿರಿಸಲು ನಮಗೆ ಸಹಾಯ ಮಾಡುವ ಗಿಡಮೂಲಿಕೆ ಚಹಾಗಳು ಇಲ್ಲಿವೆ. ಲೆಮನ್ ಗ್ರಾಸ್ ಚಹಾ. ನಿಂಬೆ ಹುಲ್ಲಿನ ಚಹಾ ವಿಟಮಿನ್ ಸಿ ಸಮೃದ್ಧವಾಗಿದೆ. ಇದು ದೇಹದ ಉಷ್ಣತೆ ಕಡಿಮೆ ಮಾಡುತ್ತದೆ. ಇದು ದೇಹವನ್ನು ಆರ್ಧ್ರಕಗೊಳಿಸುತ್ತದೆ. ಆಮ್ಲಜನಕ ನೀಡುತ್ತದೆ. ದೇಹದ ಶಕ್ತಿ ಸಮತೋಲನಗೊಳಿಸುತ್ತದೆ. ಹೊಟ್ಟೆ ಸೆಳೆತ, ಜೀರ್ಣಕಾರಿ ಸಮಸ್ಯೆ ತಡೆಯುತ್ತದೆ.

ಸೋಂಪು ಚಹಾ. ಇದು ದೇಹದ ಉಷ್ಣತೆ ಕಡಿಮೆ ಮಾಡುತ್ತದೆ. ಕೂಲಿಂಗ್ ಎಫೆಕ್ಟ್ ಹೆಚ್ಚಿರುವ ಕಾರಣ ಬೇಸಿಗೆಯಲ್ಲಿ ಉಪಯುಕ್ತವಾಗಿದೆ. ಇದರಲ್ಲಿ ವಿಟಮಿನ್ ಸಿ ಇದೆ. ದೇಹದಲ್ಲಿ ಉರಿಯೂತ ಕಡಿಮೆ ಮಾಡುತ್ತದೆ. ಚಯಾಪಚಯ ಸಕ್ರಿಯಗೊಳಿಸುತ್ತದೆ. ಜೀರ್ಣಾಂಗ ವ್ಯವಸ್ಥೆಗೂ ಸಹಕಾರಿ.

ಪುದೀನಾ ಚಹಾ. ಪುದೀನವು ಮೆಂಥಾಲ್ ಅನ್ನು ಹೊಂದಿದೆ. ಇದು ಬಾಯಿ ಆರೋಗ್ಯ ಕಾಪಾಡುತ್ತದೆ. ಪುದೀನಾ ಜೀರ್ಣಾಂಗ ವ್ಯವಸ್ಥೆಯ ಅಸ್ವಸ್ಥತೆ, ಅತಿಸಾರ, ಮಲಬದ್ಧತೆ ಮುಂತಾದ ಜಠರಗರುಳಿನ ರೋಗ ಲಕ್ಷಣ ಕಡಿಮೆ ಮಾಡುತ್ತದೆ. ವಾಂತಿ ಕಡಿಮೆ ಮಾಡುತ್ತದೆ. ಆಹಾರದಲ್ಲಿ ಸೇರಿಸಿದಾಗ ಇದರ ಕೂಲಿಂಗ್ ಪರಿಣಾಮ ದೇಹಕ್ಕೆ ಆರೋಗ್ಯ ನೀಡುತ್ತದೆ.

ದಾಸವಾಳ ಚಹಾ. ದಾಸವಾಳದಲ್ಲಿ ಆಂಥೋಸಯಾನಿನ್ ಆಂಟಿಆಕ್ಸಿಡೆಂಟ್ ಮತ್ತು ವಿಟಮಿನ್ ಸಿ ಇದೆ. ಇದರ ರುಚಿ ಮಸಾಲೆಯುಕ್ತವಾಗಿದೆ. ಜೀರ್ಣಾಂಗ ವ್ಯವಸ್ಥೆಗೆ ಸಹಕಾರಿ. ದೇಹವನ್ನು ನಿರ್ವಿಷಗೊಳಿಸುತ್ತದೆ. ದೇಹದ ಉಷ್ಣತೆ ನಿವಾರಿಸುತ್ತದೆ. ಮೂತ್ರವರ್ಧಕವಾಗಿದೆ. ಹೆಚ್ಚುವರಿ ಶಾಖ ತಡೆಯುತ್ತದೆ. ರಕ್ತದ ಲಿಪಿಡ್‌, ಯಕೃತ್ತನ್ನು ಆರೋಗ್ಯಕರವಾಗಿಸುತ್ತದೆ.

ರೋಸ್ ಮತ್ತು ಹರ್ಬಲ್ ಚಹಾ. ಗುಲಾಬಿ ದಳಗಳು ದೇಹಕ್ಕೆ ತಂಪಾಗಿಸುವ ಪರಿಣಾಮ ಹೊಂದಿವೆ. ಇದು ದೇಹಕ್ಕೆ ಆರೋಗ್ಯವರ್ಧಕವಾಗಿದೆ. ಹರ್ಬಲ್ ಚಹಾ ಊಟದ ನಂತರ ಒಂದು ಗಂಟೆ ಹಾಗೂ ಸಂಜೆ ಕುಡಿದರೆ, ಜೇನುತುಪ್ಪದ ಜೊತೆ ಸೇವಿಸುವುದು ಹಲವು ಆರೋಗ್ಯ ಪ್ರಯೋಜನ ತಂದು ಕೊಡುತ್ತದೆ.