Diaper Rashes Remedies: ಮಗುವಿಗೆ ಡೈಪರ್ ರಾಶಸ್​ ಆದ್ರೆ ಈ ನೈಸರ್ಗಿಕ ಮನೆಮದ್ದು ಟ್ರೈ ಮಾಡಿ!

ನವಜಾತ ಶಿಶುಗಳಲ್ಲಿ(Newborn Babies) ಹಾಗೂ ಮಕ್ಕಳಲ್ಲಿ ಡೈಪರ್ ರಾಶಸ್(Diaper Rashes)​ ಆಗುವುದು ಸಹಜ. ಮಗುವಿಗೆ ಡೈಪರ್ ರಾಶಸ್ ಆದರೆ ಚರ್ಮ ಕೆಂಪು ಬಣ್ಣಕ್ಕೆ(Red Colour) ತಿರುಗುತ್ತದೆ. ಸಣ್ಣ-ಸಣ್ಣ ಗುಳ್ಳೆಗಳಾಗುತ್ತವೆ. ಜೊತೆಗೆ ದದ್ದುಗಳು ಮೂಡಿ ಕಸಿವಿಸಿ ಉಂಟುಮಾಡುತ್ತವೆ. ಮಗು ಸರಿಯಾಗಿ ನಿದ್ದೆ(Sleep) ಮಾಡಲು ಸಹ ಆಗುವುದಿಲ್ಲ. ಇದರಿಂದ ತಾಯಿಯೂ ಚಿಂತೆ ಮಾಡುವಂತಾಗುತ್ತದೆ. ಆದರೆ ಈ ಸ್ಕಿನ್ ಅಲರ್ಜಿಗೆ(Skin Allergy) ಕೆಲವು ಮನೆ ಮದ್ದುಗಳು(Home Remedies) ಇವೆ. ಅವುಗಳನ್ನು ಫಾಲೋ ಮಾಡಿದ್ರೆ ಮಗುವಿಗೆ ಡೈಪರ್ ರಾಶಸ್ ಕಡಿಮೆಯಾಗುವುದರ ಜೊತೆಗೆ, ಆರಾಮಾಗಿ ನಿದ್ದೆ ಮಾಡುತ್ತವೆ.

ಆ್ಯಪಲ್ ಸೈಡರ್ ವಿನೆಗರ್- ಆಪಲ್ ಸೈಡರ್ ವಿನೆಗರ್ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುವ ಶಕ್ತಿಯನ್ನು ಹೊಂದಿದೆ. ಒಂದು ಕಪ್ ನೀರಿನಲ್ಲಿ ಒಂದು ಚಮಚ ಆಪಲ್ ಸೈಡರ್ ವಿನೆಗರ್​​​ ಹಾಕಿ ಡಯಾಪರ್ ಪ್ರದೇಶವನ್ನು ತೊಳೆಯಿರಿ. ಕ್ರಮೇಣ ಸ್ಕಿನ್ ಅಲರ್ಜಿ ದೂರವಾಗುತ್ತದೆ.

ಆಲಿವ್ ಎಣ್ಣೆ- ಆಲಿವ್ ಎಣ್ಣೆಯು ಉರಿಯೂತದ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದೆ. ಮಗುವಿಗೆ ಡೈಪರ್ ರಾಶಸ್ ಆಗಿರುವ ಜಾಗಕ್ಕೆ ಒಂದು ಹನಿ ಆಲಿವ್ ಎಣ್ಣೆಯನ್ನು ಹಾಕಿ ಹಚ್ಚಿದರೆ, ತ್ವಚೆಯಲ್ಲಿನ ರಾಶಸ್ ಕಡಿಮೆಯಾಗಿ ಮೃದುವಾಗುತ್ತದೆ.

ಕಾರ್ನ್​ ಪೌಡರ್- ಮಗುವಿಗೆ ಡೈಪರ್ ತೆಗೆದ ಬಳಿಕ ಆ ಪ್ರದೇಶವು ತೇವಾಂಶದಿಂದ ಕೂಡಿರುತ್ತದೆ. ಈ ತೇವಾಂಶದಿಂದಾಗಿ ಮಕ್ಕಳಲ್ಲಿ ತ್ವಚೆಯ ಅಲರ್ಜಿ ಉಂಟಾಗಬಹುದು. ಹೀಗಾಗಿ ಜೋಳದ ಪುಡಿಯನ್ನು ಆ ಜಾಗಕ್ಕೆ ಹಾಕಿದರೆ, ಅದು ತೇವಾಂಶವನ್ನು ಹೀರಿಕೊಳ್ಳುತ್ತದೆ. ಜೊತೆಗೆ ಅಲರ್ಜಿಯಲ್ಲಿ ಚರ್ಮವನ್ನು ರಕ್ಷಿಸುತ್ತದೆ.

ಕೊಬ್ಬರಿ/ತೆಂಗಿನ ಎಣ್ಣೆ- ತೆಂಗಿನೆಣ್ಣೆಯು ಶಿಲೀಂಧ್ರನಾಶಕ ಗುಣಗಳನ್ನು ಹೊಂದಿದೆ. ಇದು ಚರ್ಮದ ತೇವಾಂಶವನ್ನು ಹಿಡಿದಿಟ್ಟುಕೊಳ್ಳುತ್ತದೆ. ಹೀಗಾಗಿ ಕೊಬ್ಬರಿ ಎಣ್ಣೆಯನ್ನು ಡೈಪರ್ ರಾಶಸ್​ ಇರುವ ಜಾಗಕ್ಕೆ ಹಚ್ಚುವುದರಿಂದ ಚರ್ಮದ ಸೋಂಕನ್ನು ತಡೆಯುತ್ತದೆ.

ತಾಯಿಯ ಎದೆಹಾಲು- ಇದು ಅತ್ಯುತ್ತಮ ಮನೆ ಮದ್ದು. ಶಿಶುಗಳಲ್ಲಿನ ಡೈಪರ್​ ರಾಶಸ್​​ ಅನ್ನು ನಿವಾರಿಸುವ ಶಕ್ತಿ ತಾಯಿಯ ಎದೆಹಾಲಿಗಿದೆ ಎಂದು ಅನೇಕ ಅಧ್ಯಯನಗಳು ದೃಢಪಡಿಸಿವೆ. ಇದು ಯಾವುದೇ ಅಡ್ಡ ಪರಿಣಾಮಗಳನ್ನು ಉಂಟು ಮಾಡುವುದಿಲ್ಲ. ರಾಶಸ್​ ಆಗಿರುವ ಜಾಗಕ್ಕೆ ಸ್ವಲ್ಪ ಎದೆಹಾಲನ್ನು ಹಚ್ಚಿದರೆ ಸೋಂಕು ನಿವಾರಣೆಯಾಗುತ್ತದೆ.

ಜೇನುತುಪ್ಪ- ಜೇನುತುಪ್ಪವು ಅತ್ಯುತ್ತಮವಾದ ನಂಜುನಿರೋಧಕವಾಗಿದೆ. ಇದು ಅತ್ಯುತ್ತಮ ಔಷಧವೂ ಹೌದು. ರಾಶಸ್​ ಪೀಡಿತ ಪ್ರದೇಶದ ಮೇಲೆ ಜೇನುತುಪ್ಪವನ್ನು ಅಪ್ಲೈ ಮಾಡುವುದರಿಂದ ಅಲರ್ಜಿ ಕಡಿಮೆಯಾಗುತ್ತದೆ.

ಪೆಟ್ರೋಲಿಯಂ ಜೆಲ್ಲಿ: ಇದು ಚರ್ಮಕ್ಕೆ ಅತ್ಯುತ್ತಮವಾದ ಮಾಯಿಶ್ಚರೈಸರ್ ಆಗಿದೆ. ಇದು ರೋಗಾಣುಗಳ ಬೆಳವಣಿಗೆಯನ್ನು ತಡೆಯುತ್ತದೆ. ಅಡ್ಡ ಪರಿಣಾಮಗಳನ್ನು ಸಂಪೂರ್ಣವಾಗಿ ನಿವಾರಿಸುತ್ತದೆ. ಡೈಪರ್ ಹಾಕುವ ಮೊದಲು ಪೆಟ್ರೋಲಿಯಂ ಜೆಲ್ಲಿಯನ್ನು ಹಚ್ಚಿ. ಇದರಿಂದ ಯಾವುದೇ ರಾಶಸ್ ಉಂಟಾಗುವುದಿಲ್ಲ. ( ಹಕ್ಕು ನಿರಾಕರಣೆ : ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಕನ್ನಡ ಇದನ್ನು ಪರಿಶೀಲಿಸಿಲ್ಲ ಮತ್ತು ಯಾವುದೇ ಪುರಾವೆಗಳಿಲ್ಲ.)