Dental Care: ಹೇಗೆ ಉಜ್ಜಿದರೂ ಹಳದಿ ಹಲ್ಲು ಬಿಳಿಯಾಗೋದಿಲ್ವಾ? ಫಳಫಳ ಹೊಳೆಯುವ ದಂತಕ್ಕಾಗಿ ಹೀಗೆ ಮಾಡಿ

ನಿಮ್ಮ ಹಲ್ಲುಗಳು ಆಗಾಗ ನೋವಾಗ್ತಾ ಇದ್ಯಾ? ಅಥವಾ ಜುಮ್​ ಆಗ್ತಾ ಇದ್ಯಾ? ನೀರನ್ನು ಕುಡಿಯಲೇ ಆಗ್ತಾ ಇಲ್ವಾ? ಹಾಗಾದ್ರೆ ವಿಟಮಿನ್​ ಸಿ ಅಂಶವು ಕಡಿಮೆ ಆಗಿದೆ ಎಂದರ್ಥ.

ಇದರ ಜೊತೆಗೆ ನೀವು ಎಷ್ಟೂ ಬ್ರ್ಯಾಂಡೆಡ್​ ಟೂತ್​ಪೇಸ್ಟ್​ಗಳನ್ನು ಬಳಸಿದರೂ ಕೂಡ ಹಳದಿ ಹಲ್ಲುಗಳು ಆಗ್ತಾ ಇದ್ಯಾ? ಇದರಿಂದ ಸಾಕಷ್ಟು ಮುಜುಗರಕ್ಕೆ ಈಡಾಗ್ತಾ ಇದ್ದೀರಾ? ಇಲ್ಲಿದೆ ಸಿಂಪಲ್​ ಟಿಪ್ಸ್​

ಇಂದು ಮಾರುಕಟ್ಟೆಯಲ್ಲಿ ಬೆಲೆ ಬಾಳುವ ಹಲ್ಲಿನ ಪುಡಿಗಳು ಬೇರೆ ಬೇರೆ ಹೆಸರುಗಳಲ್ಲಿ ಮಾರಾಟವಾಗುತ್ತಿರುವುದನ್ನು ಕಾಣುತ್ತೇವೆ.  ಇವುಗಳನ್ನು ಬಳಸಿದರೂ ಹಲ್ಲುಗಳು ಬೆಳ್ಳಗಿಲ್ಲ, ಕಾಂತಿಯುತವಾಗಿಲ್ಲ ಎಂಬ ಆರೋಪ ವ್ಯಾಪಕವಾಗಿದೆ. ಹಾಗಾದರೆ ನಮ್ಮ ಪೂರ್ವಜರಂತೆ ನೈಸರ್ಗಿಕವಾಗಿ ನಮ್ಮ ಹಲ್ಲುಗಳನ್ನು ಹೊಳೆಯುವಂತೆ ಮತ್ತು ಆರೋಗ್ಯಕರವಾಗಿಡಲು ನಾವು ಏನು ಬಳಸಬೇಕು? ಇಲ್ಲಿ ತಿಳಿಯೋಣ.. ಹಲ್ಲು ಬಿಳಿಯಾಗಲು ಮನೆಮದ್ದು

ಅಡಿಗೆ ಸೋಡಾ: ನೀವು ಹಲ್ಲಿನ ಸೂಕ್ಷ್ಮಜೀವಿಗಳು ಮತ್ತು ಸೋಂಕುಗಳನ್ನು ತೆಗೆದುಹಾಕಲು ಅಡಿಗೆ ಸೋಡಾವನ್ನು ಬಳಸಬಹುದು. ಸ್ವಲ್ಪ ಉಪ್ಪು ಮತ್ತು ಅಡಿಗೆ ಸೋಡಾದೊಂದಿಗೆ ನಮ್ಮ ಹಲ್ಲುಗಳನ್ನು ಹಲ್ಲುಜ್ಜಬೇಕು. ನಂತರ ಬೆಚ್ಚಗಿನ ನೀರಿನಿಂದ ಬಾಯಿ ಮುಕ್ಕಳಿಸುವುದರಿಂದ ಹಲ್ಲಿನ ಸಮಸ್ಯೆಗಳು ಕಡಿಮೆಯಾಗುತ್ತವೆ ಮತ್ತು ಹಲ್ಲುಗಳು ಬಿಳಿಯಾಗುತ್ತವೆ.

ಲವಂಗ: ಲವಂಗದ ರಸವು ಯುಜೆನಾಲ್ ಎಂಬ ರಾಸಾಯನಿಕವನ್ನು ಹೊಂದಿದೆ, ಇದು ಹಲ್ಲುನೋವಿನ ಮೇಲೆ ಲವಂಗವನ್ನು ಹಾಕಿದಾಗ ನೋವನ್ನು ನಿವಾರಿಸುತ್ತದೆ. ಇದು ಒಸಡುಗಳು ಮತ್ತು ಹಲ್ಲುನೋವು ಊತವನ್ನು ತಡೆಯುತ್ತದೆ.

ಪೇರಲೆಯ ಎಲೆ:   ಎಲೆಗಳು ಸಾಮಾನ್ಯವಾಗಿ ವಿವಿಧ ಪೋಷಕಾಂಶಗಳನ್ನು ಹೊಂದಿರುತ್ತವೆ. ಹಲ್ಲುನೋವು ಕಡಿಮೆ ಮಾಡಲು ಪೇರಲೆ ಎಲೆಗಳು ವಿಶೇಷವಾಗಿ ಸಹಾಯಕವಾಗಿವೆ. ಸ್ವಲ್ಪ ಪ್ರಮಾಣದ ಪೇರಲ ಎಲೆಗಳನ್ನು ಅಗಿದು ನೋವಿರುವ ಜಾಗದಲ್ಲಿಟ್ಟರೆ ನೋವು ಕಡಿಮೆಯಾಗುತ್ತದೆ. ಇದು ಹಲ್ಲುಗಳನ್ನು ಬಿಳಿಯಾಗಿಡಲು ಸಹ ಸಹಕಾರಿ.

ಅಲೋವೆರಾ ಜೆಲ್: ಅಲೋವೆರಾ ಮಿನುಗುವ ಬಿಳಿ ಹಲ್ಲುಗಳಿಗೆ ತುಂಬಾ ಉಪಯುಕ್ತವಾಗಿದೆ. ಆದ್ದರಿಂದ ಅಲೋವೆರಾ ಜೆಲ್, ನಾಲ್ಕು ಚಮಚ ಗ್ಲಿಸರಿನ್, ಅಡಿಗೆ ಸೋಡಾ, ಒಂದು ಕಪ್ ನೀರು ಮತ್ತು ಒಂದು ಚಮಚ ನಿಂಬೆ ಸಾರಭೂತ ತೈಲವನ್ನು ತೆಗೆದುಕೊಂಡು ಹಲ್ಲುಗಳಿಗೆ ಉಜ್ಜಿದರೆ ಹಲ್ಲಿನ ಮೇಲೆ ಅಡಗಿರುವ ಸೂಕ್ಷ್ಮಜೀವಿಗಳನ್ನು ಕೊಲ್ಲಲು ಸಹಾಯ ಮಾಡುತ್ತದೆ. 3 ಅಥವಾ 4 ದಿನಗಳ ಕಾಲ ಇದನ್ನು ನಿರಂತರವಾಗಿ ಮಾಡುವುದರಿಂದ ಹಲ್ಲುಗಳು ಕಾಂತಿಯುತವಾಗಿರಲು ಸಹಾಯ ಮಾಡುತ್ತದೆ.