Watermelon: ಹೆಚ್ಚಾಗುತ್ತಿದೆ ಕಲ್ಲಂಗಡಿ ಹಣ್ಣಿಗೆ ಬೇಡಿಕೆ, ಕಾರಣ ಇದಂತೆ ನೋಡಿ

ಮಹಾರಾಷ್ಟ್ರದಲ್ಲಿ ಅಕಾಲಿಕ ಮಳೆಯಿಂದಾಗಿ ಹಣ್ಣು, ತರಕಾರಿಗಳ ಸ್ಥಿತಿ ಬಹಳಷ್ಟು ಹದಗೆಡುತ್ತಿದೆ. ಆದರೆ ರಾಜಸ್ಥಾನದಲ್ಲಿ ಮಹಾರಾಷ್ಟ್ರದ ಕಲ್ಲಂಗಡಿ (ಕಾಳಿಂಗಡ್) ಹಣ್ಣಿನ ಬಗ್ಗೆ ಚರ್ಚೆ ನಡೆಯುತ್ತಿದೆ. ಹಾಗಿದ್ರೆ ಇದರ ಹಿಂದಿನ ನಿಜವಾದ ಕಾರಣವನ್ನು ಈ ಲೇಖನದಲ್ಲಿ ಕಂಡುಹಿಡಿಯೋಣ.

ಕಲ್ಲಂಗಡಿ ಹಣ್ಣು ಮಾರಾಟಗಾರ ಹಕೀಮುದ್ದೀನ್ ಎಂಬವರು 15 ವರ್ಷಗಳಿಂದ ಹಣ್ಣಿನ ಮಾರುಕಟ್ಟೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರ ಪ್ರಕಾರ, ಉತ್ತರ ಮಹಾರಾಷ್ಟ್ರದಲ್ಲಿ ಕಲ್ಲಂಗಡಿ ಹಣ್ಣು ಉತ್ತಮವಾಗಿದೆ. ಇವು ತುಂಬಾ ರುಚಿಯಾಗಿರುವುದು ಮಾತ್ರವಲ್ಲದೆ ಬೇಗ ಕೆಡುವುದಿಲ್ಲ.

ಈ ಹಣ್ಣು ಬಹಳ ರುಚಿಯಾಗಿರುತ್ತದೆ ಮತ್ತು ಇದನ್ನು ಬಹಳಷ್ಟು ದಿನಗಳ ಕಾಲ ಇಟ್ಟುಕೊಳ್ಳುವ ಅವಕಾಶವಿರುವುದರಿಂದ ಇದಕ್ಕೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಿದೆ.

ಈ ಕಲ್ಲಂಗಡಿಗಳನ್ನು ಹಣ್ಣಿನ ಅಂಗಡಿಗಳಲ್ಲಿ 15 ದಿನಗಳವರೆಗೆ ಸಂಗ್ರಹಿಸಿಡಲಾಗುತ್ತದೆ. ಆದರೂ ಕೆಡದೆ, ನೀರು, ರುಚಿ ಕಳೆದುಕೊಳ್ಳುವುದಿಲ್ಲ. ಇದುವೇ  ಈ ಹಣ್ಣಿನ ವಿಶೇಷತೆ.

ರಾಜಸ್ಥಾನದ ಕೆಲವು ಭಾಗಗಳಲ್ಲಿ ಕಲ್ಲಂಗಡಿಗಳನ್ನು ಬೆಳೆಯಲಾಗುತ್ತದೆ. ಆದರೆ ಅವು ಹೆಚ್ಚು ಬೆಳವಣಿಗೆಯನ್ನು ಕಾಣುವುದಿಲ್ಲ. ರಾಜಸ್ಥಾನದಲ್ಲಿ ನೀರಿನ ಅಭಾವ ಹೆಚ್ಚಿದೆ. ಹಾಗಾಗಿ ಅಲ್ಲಿ ಕಲ್ಲಂಗಡಿಗೆ ಬೇಡಿಕೆ ಹೆಚ್ಚಿದೆ. ಇನ್ನು ಇಲ್ಲಿಗೆ ಕಲ್ಲಂಗಡಿಗಳನ್ನು ಉತ್ತರದಿಂದ ತರಲಾಗುತ್ತದೆ. ಇದೇ  ಕಾರಣಕ್ಕೆ ರಾಜಸ್ಥಾನದಲ್ಲಿ ಭಾರೀ ಬೇಡಿಕೆಯಿದೆ.

ಕಲ್ಲಂಗಡಿಗಳಲ್ಲಿ ಸುಮಾರು 70 ವಿಧಗಳಿವೆ ಎಂದು ಹಕೀಮುದ್ದೀನ್ ಹೇಳಿದರು. ಉತ್ತಮ ರೀತಿಯ ಕಲ್ಲಂಗಡಿಗಳನ್ನು ಬಾಹುಬಲಿ ಎಂದು ಕರೆಯಲಾಗುತ್ತದೆ. ಇದರ ಗಾತ್ರವು 5 ಕೆಜಿಯಿಂದ 11 ಕೆಜಿ ವರೆಗೆ ಇರುತ್ತದೆ. ಕಲ್ಲಂಗಡಿಗಳು ಪ್ರಸ್ತುತ ರಾಜಸ್ಥಾನದಲ್ಲಿ ಕೆ.ಜಿ.ಗೆ 25 ರಿಂದ 30 ರೂಪಾಯಿಯನ್ನು ಹೊಂದಿದೆ.

ಇನ್ನು ರಂಜಾನ್ ಹಬ್ಬವು ಮಾರ್ಚ್ ಕೊನೆಯ ವಾರದಲ್ಲಿ ಬರುತ್ತದೆ. ಆಗ ಕಲ್ಲಂಗಡಿಗೆ ಬೇಡಿಕೆ ಮತ್ತಷ್ಟು ಹೆಚ್ಚುತ್ತದೆ. ಈ ಸಮಯದಲ್ಲಿ ಕೆಜಿಗೆ 40 ರೂಪಾಯಿಯ ಹಾಗೆ ಮಾರಅಟ ಮಾಡಲಾಗುತ್ತಿದೆ. ಹೀಗಾಗಿ ಜನರು ಕಲ್ಲಂಗಡಿ ಹಣ್ಣನ್ನು ದೊಡ್ಡ ಪ್ರಮಾಣದಲ್ಲಿ ಖರೀದಿಸುತ್ತಿದ್ದಾರೆ.

ಇದು ಕಲ್ಲಂಗಡಿ ಹಣ್ಣಿನ ವಿಶೇಷತೆಯಾಗಿದೆ. ಇದೇ ಕಾರಣಕ್ಕೆ ಈ ಹಣ್ಣಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಿದೆ.