Corona New Variant: ಕೊರೊನಾ ರೂಪಾಂತರ ಮತ್ತಷ್ಟು ಡೇಂಜರ್, ಕೇಸ್ ಹೆಚ್ಚಳ! ಈಗ್ಲೇ ಎಚ್ಚರಿಕೆ ವಹಿಸಿ

ಇನ್ನು ಮಹಾರಾಷ್ಟ್ರ, ಕರ್ನಾಟಕ ಮತ್ತು ಗುಜರಾತ್‌ ರಾಜ್ಯಗಳಲ್ಲಿ ಕೋವಿಡ್ ಪಾಸಿಟಿವಿಟಿ ದರದಲ್ಲಿ ಏರಿಕೆಯಾದ ವರದಿಯಾಗಿದೆ. ಮಹಾರಾಷ್ಟ್ರದಲ್ಲಿ ಎರಡು ಸಾವು, ಒಂದೇ ದಿನದಲ್ಲಿ 155 ಹೊಸ ಪ್ರಕರಣಗಳು, ಬುಧವಾರ ತೆಲಂಗಾಣದಲ್ಲಿ 100 ಕ್ಕೂ ಹೆಚ್ಚು ಪ್ರಕರಣಗಳು ವರದಿಯಾಗಿವೆ. ರಾಜಸ್ಥಾನ, ಮಧ್ಯಪ್ರದೇಶ, ತಮಿಳುನಾಡು, ಹಿಮಾಚಲ ಪ್ರದೇಶ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲೂ ಪ್ರಕರಣ ಏರಿಕೆಯಾಗಿದೆ.

ಕೊರೊನಾ XBB 1.16 ಹೊಸ ಪ್ರಕರಣಕ್ಕೆ ಕಾರಣವಾಗಲಿದೆ. ಮಹಾರಾಷ್ಟ್ರ ಮತ್ತು ಗುಜರಾತ್‌ ನಲ್ಲಿ ವೇಗವಾಗಿ ಬೆಳೆಯುತ್ತಿದೆ. ಈ ರೂಪಾಂತರವು ಈಗಾಗಲೇ ಭಾರತದಲ್ಲಿ ಪ್ರಾಬಲ್ಯ ಹೊಂದಿದೆ.

ಹೊಸ ಪ್ರಕರಣಗಳು ಹೆಚ್ಚುತ್ತಿವೆ. ಸ್ಪಷ್ಟತೆ ದೊರೆಯಬೇಕಿದೆ. XBB 1.16 ನ ರೋಗಲಕ್ಷಣಗಳನ್ನು ಇಲ್ಲಿಯವರೆಗೆ ದೃಢೀಕರಿಸಲಾಗಿಲ್ಲ. ಇದು ಕೋವಿಡ್‌ನ ಕ್ಲಾಸಿಕ್ ಲಕ್ಷಣಗಳಂತೆಯೇ ಇರುತ್ತದೆ ಎನ್ನಲಾಗಿದೆ.

ಕೊರೊನಾ XBB 1.16 ಹೊಸ ಪ್ರಕರಣದ ಲಕ್ಷಣಗಳಲ್ಲಿ ಸಾಮಾನ್ಯವಾಗಿ ತಲೆನೋವು, ಸ್ನಾಯು ನೋವು, ಸುಸ್ತು, ಗಂಟಲು ಕೆರತ, ಸೋರುವ ಮೂಗು, ಕೆಮ್ಮು, ಹೊಟ್ಟೆ ನೋವು, ಚಡಪಡಿಕೆ, ಅತಿಸಾರ ಇರುತ್ತದೆ. ಹೊಸ ರೂಪಾಂತರವು ವೇಗವಾಗಿ ಹರಡುತ್ತಿದೆ. ರೋಗನಿರೋಧಕ ಶಕ್ತಿ ಕುಗ್ಗಿಸುತ್ತದೆ.

ಈ ಉಪ-ವ್ಯತ್ಯಯದ ಬಗ್ಗೆ ಮುನ್ನೆಚ್ಚರಿಕೆ ಕ್ರಮ ತೆಗೆದುಕೊಳ್ಳಬೇಕು. ಕೊರೋನಾದಿಂದ ತಪ್ಪಿಸಿಕೊಳ್ಳುವ ಮಾರ್ಗಗಳ ಬಗ್ಗೆ ತಿಳಿದಿರಬೇಕಾಗುತ್ತದೆ. ನೀವು ಸೋಂಕಿನ ಯಾವುದೇ ಲಕ್ಷಣಗಳನ್ನು ಹೊಂದಿದ್ದರೆ ಹೊರಗೆ ಹೋಗುವುದನ್ನು ತಪ್ಪಿಸಿ. ಸೋಂಕಿನ ಲಕ್ಷಣಗಳನ್ನು ಹೊಂದಿರುವ ಜನರ ಸಂಪರ್ಕ ತಪ್ಪಿಸಿ.

ಮಾಸ್ಕ್ ಧರಿಸದೆ ಮನೆಯಿಂದ ಹೊರಗೆ ಹೋಗಬೇಡಿ. ಜನಸಂದಣಿ ಇರುವ ಸ್ಥಳಗಳಿಗೆ ಹೋಗುವುದನ್ನು ತಪ್ಪಿಸಿ. ಯಾರಿಗಾದರೂ ಕೊರೋನಾ ಲಕ್ಷಣಗಳು ಇದ್ದರೆ, ಅವರನ್ನು ಮಕ್ಕಳು ಮತ್ತು ವೃದ್ಧರಿಂದ ದೂರವಿರಿಸಿ. ಸೂಕ್ತ ಮುಂಜಾಗ್ರತೆ ಕ್ರಮ ಕೈಗೊಳ್ಳಿ.

ಕೊರೊನಾ XBB 1.16 ಹೊಸ ಪ್ರಕರಣ ಸಾಕಷ್ಟು ಗಂಭೀರವಾಗಿದೆಯೋ ಇಲ್ಲವೋ ತಿಳಿದು ಬಂದಿಲ್ಲ. ಅದಾಗ್ಯೂ ಸೂಕ್ತ ಮುಂಜಾಗ್ರತಾ ಕ್ರಮ ತೆಗೆದುಕೊಳ್ಳುವುದು ನಿಮ್ಮನ್ನು ವೈರಸ್ ದಾಳಿಯಿಂದ ರಕ್ಷಣೆ ಮಾಡುತ್ತದೆ.

ಕೊರೊನಾ XBB 1.16 ಹೊಸ ಪ್ರಕರಣದ ದಾಳಿಯಿಂದ ತಪ್ಪಿಸಿಕೊಳ್ಳಲು ಅನೇಕ ಮಾರ್ಗಗಳಿವೆ. ಮನೆಯೊಳಗೆ ಉತ್ತಮ ಗಾಳಿಯ ಪ್ರಸರಣವಾಗುವಂತೆ ನೋಡಿಕೊಳ್ಳಿ. ಕೈಗಳನ್ನು ಆಗಾಗ್ಗೆ ಸಾಬೂನಿನಿಂದ ತೊಳೆಯುತ್ತಿರಿ. ಸ್ಯಾನಿಟೈಸರ್ ಬಳಸಿ.