Beauty Tips: ನೀವು ಆಗಾಗ ವ್ಯಾಕ್ಸಿಂಗ್ ಮಾಡ್ತೀರಾ? ಹಾಗಾದ್ರೆ ಈ ವಿಚಾರಗಳನ್ನು ಎಂದಿಗೂ ಮರೆಯಬೇಡಿ!

ಅನೇಕ ಮಂದಿ ಬೇಡದ ಕೂದಲನ್ನು ತೆಗೆದು ಹಾಕಲು ವ್ಯಾಕ್ಸಿಂಗ್ ಸ್ಟ್ರಿಪ್ಸ್, ರೇಜರ್ಸ್, ಕ್ರೀಮ್, ಹಾಟ್ ವ್ಯಾಕ್ಸ್ ಗಳನ್ನು ಬಳಸುತ್ತಾರೆ. ಕೆಲವರು ವ್ಯಾಕ್ಸಿಂಗ್ ಅನ್ನು ಮನೆಯಲ್ಲಿಯೇ ಮಾಡಿದರೆ, ಮತ್ತೆ ಕೆಲವರು ವ್ಯಾಕ್ಸಿಂಗ್ ಮಾಡಿಸಲು ಪಾರ್ಲರ್ಗೆ ಹೋಗುತ್ತಾರೆ. ಆದರೆ ವ್ಯಾಕ್ಸಿಂಗ್ ಮಾಡುವಾಗ ನಾವು ಮಾಡುವ ಸಣ್ಣ ತಪ್ಪುಗಳು ದೊಡ್ಡ ಪರಿಣಾಮಗಳನ್ನು ಉಂಟುಮಾಡಬಹುದು ಎಂಬ ವಿಚಾರ ನಿಮಗೆ ತಿಳಿದಿದ್ಯಾ? ವ್ಯಾಕ್ಸಿಂಗ್ ಮಾಡುವಾಗ ನಾವು ಮಾಡಬಾರದ ಕೆಲವು ತಪ್ಪುಗಳು ಏನು ಎಂಬ ಪ್ರಶ್ನೆಗೆ ಇಲ್ಲಿದೆ ನೋಡಿ ಉತ್ತರ.

ವ್ಯಾಕ್ಸಿಂಗ್ ಮಾಡುವ ಮುನ್ನ ಕೂದಲನ್ನು ಟ್ರಿಮ್ ಮಾಡಬಾರದು : ವ್ಯಾಕ್ಸಿಂಗ್ ಮಾಡುವ ಮೊದಲು, ದೇಹದ ಉದ್ದನೆಯ ಕೂದಲನ್ನು ಟ್ರಿಮ್ ಮಾಡಿ ನಂತರ ವ್ಯಾಕ್ಸ್ ಮಾಡಲಾಗುತ್ತದೆ. ಇದು ತಪ್ಪಾದ ವಿಧಾನವಾಗಿದೆ.

ಬಿಸಿ ನೀರಿನಲ್ಲಿ ಸ್ನಾನ: ವ್ಯಾಕ್ಸಿಂಗ್ ಮಾಡಿದ ನಂತರ ಬಿಸಿ ನೀರಿನಲ್ಲಿ ಸ್ನಾನ ಮಾಡುವುದು ಒಳ್ಳೆಯದು. ಆದರೆ, ನೀರಿನ ಉಷ್ಣತೆಯು ತುಂಬಾ ಹೆಚ್ಚಿದ್ದರೆ, ಅದು ಚರ್ಮದ ಕೆಂಪು ಮತ್ತು ತುರಿಕೆಗೆ ಕಾರಣವಾಗಬಹುದು.

ಸುಗಂಧ ದ್ರವ್ಯಗಳ ಬಳಕೆ: ವ್ಯಾಕ್ಸಿಂಗ್ ನಂತರ ಚರ್ಮವು ಸೂಕ್ಷ್ಮವಾಗಿರುತ್ತದೆ. ಆದ್ದರಿಂದ ಆ ಸಮಯದಲ್ಲಿ ಡಿಯೋಡರೆಂಟ್ ಮತ್ತು ಸುಗಂಧ ದ್ರವ್ಯಗಳನ್ನು ಬಳಸುವುದು ತ್ವಚೆಗೆ ಒಳ್ಳೆಯದಲ್ಲ.

ಉಲ್ಟಾ ವ್ಯಾಕ್ಸಿಂಗ್ : ವ್ಯಾಕ್ಸಿಂಗ್ ಮಾಡುವಾಗ, ಕೂದಲು ಬೆಳವಣಿಗೆಯ ದಿಕ್ಕಿನಲ್ಲಿ ವ್ಯಾಕ್ಸಿಂಗ್ ಪ್ಯಾಡ್ಗಳನ್ನು ಬಳಸಬೇಕು. ಆದರೆ ವಿರುದ್ಧವಾಗಿ ಬಳಸುವುದರಿಂದ ಕೂದಲು ಸಮವಾಗಿ ತೆಗೆಯುವುದಿಲ್ಲ. ಇದು ಚರ್ಮದ ಹಾನಿಗೂ ಕಾರಣವಾಗಬಹುದು.

ಬಿಗಿಯಾದ ಬಟ್ಟೆಗಳು : ವ್ಯಾಕ್ಸಿಂಗ್ ನಂತರ ಜೀನ್ಸ್ ಪ್ಯಾಂಟ್, ಲೆಗ್ ಇನ್ ಸೇರಿದಂತೆ ಬಿಗಿಯಾದ ಬಟ್ಟೆಗಳನ್ನು ಧರಿಸುವುದನ್ನು ತಪ್ಪಿಸುವುದು ಉತ್ತಮ. ಕಾರಣವೆಂದರೆ ಬಿಗಿಯಾದ ಬಟ್ಟೆಯು ಚರ್ಮದೊಂದಿಗೆ ಉಂಟುಮಾಡುವ ಘರ್ಷಣೆಯು ಚರ್ಮದ ಹಾನಿಗೆ ಕಾರಣವಾಗಬಹುದು.

ನಿಯಮಿತ ಮಧ್ಯಂತರಗಳು: ವ್ಯಾಕ್ಸಿಂಗ್ ಮಾಡುತ್ತಿದ್ದ ನೀವು ಕೆಲವೊಮ್ಮೆ ನಿಲ್ಲಿಸಿದಾಗ, ಕೂದಲಿನ ಬೆಳವಣಿಗೆಯು ಸಾಮಾನ್ಯಕ್ಕಿಂತ ಹೆಚ್ಚಾಗಿರುತ್ತದೆ. ಆದ್ದರಿಂದ ನಿಯಮಿತ ಮಧ್ಯಂತರದಲ್ಲಿ ವ್ಯಾಕ್ಸಿಂಗ್ ಅನ್ನು ಮಾಡಿಕೊಳ್ಳುತ್ತೀರಿ.