Child Care: ಹೆಲ್ತ್ ಡ್ರಿಂಕ್ಸ್ ಬಿಟ್ಹಾಕಿ, ಮಕ್ಕಳು ಎತ್ತರ ಬೆಳೆಯಬೇಕಂದ್ರೆ ಈ ಎರಡು ಜ್ಯೂಸ್ ಕುಡಿಸಿ ಸಾಕು!

ಮಕ್ಕಳ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆ ಹೆಚ್ಚಿಸುವುದು ಪೋಷಕರ ಮುಖ್ಯ ಕಾಳಜಿಗಳಲ್ಲಿ ಒಂದಾಗಿದೆ. ನಮ್ಮ ಮಕ್ಕಳ ಬೆಳವಣಿಗೆ ಸರಿಯಾಗಿ ಆಗುತ್ತಿದ್ಯಾ? ಈ ಆತಂಕವು ಪ್ರತಿಯೊಬ್ಬ ಪೋಷಕರಲ್ಲಿ ಮನೆ ಮಾಡಿದೆ.

ಮಕ್ಕಳು ಸರಿಯಾಗಿ ಎತ್ತರ ಬೆಳೆಯದಿದ್ದರೆ ಪೋಷಕರು ಆತಂಕಕ್ಕೊಳಗಾಗುವುದನ್ನು ನಾವು ಆಗಾಗ ನೋಡಿರುತ್ತೇವೆ. ಈ ಕಾರಣದಿಂದ ಮಾರುಕಟ್ಟೆಯಲ್ಲಿ ದೊರೆಯುವ ಹಲವಾರು ಪಾನೀಯಗಳನ್ನು ಖರೀದಿಸುವುದರತ್ತ ಒಲವು ತೋರುತ್ತಿದ್ದಾರೆ.

ಮಕ್ಕಳ ಎತ್ತರ ಅಥವಾ ತೂಕವು ಹೆಚ್ಚಾಗಿ ಆನುವಂಶಿಕವಾಗಿರುತ್ತದೆ. ಆದರೆ ಕೆಲವು ವೇಳೆ ಇದು ಜೀವಸತ್ವಗಳು ಅಥವಾ ಖನಿಜಗಳ ಕೊರತೆಯಿಂದಾಗಿ ಸಂಭವಿಸುತ್ತದೆ. ಕೆಲವು ವೈದ್ಯರ ಪ್ರಕಾರ, ಸರಿಯಾದ ಆಹಾರ ಸೇವನೆಯು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.

ಆದರೆ ಈ ಎರಡು ತರಕಾರಿ ಜ್ಯೂಸ್ಗಳನ್ನು ಕುಡಿದರೆ, ಮ್ಯಾಜಿಕ್ ರೀತಿಯಲ್ಲಿ ಕೆಲಸ ಮಾಡುತ್ತವೆ ಎಂದು ಕೇಳಿದರೆ ನಿಮಗೆ ಆಶ್ಚರ್ಯವಾಗಬಹುದು.

ಮನೋವಿಜ್ಞಾನಿಗಳ ಪ್ರಕಾರ, ಎತ್ತರಕ್ಕೆ ಬೆಳೆಯದಿರುವುದು ಮಕ್ಕಳ ಆತ್ಮವಿಶ್ವಾಸವನ್ನು ಕಡಿಮೆ ಮಾಡುತ್ತದೆ. ಈ ಸಮಸ್ಯೆಯನ್ನು ಮನೆಯಲ್ಲಿಯೇ ಈ ಟಿಪ್ಸ್ಗಳನ್ನು ಫಾಲೋ ಮಾಡುವ ಮೂಲಕ ಪರಿಹರಿಸಿಕೊಳ್ಳಬಹುದು.

ಮಕ್ಕಳಿಗೆ ನಿಯಮಿತವಾಗಿ ಪಾಲಕ್ ಜ್ಯೂಸ್ ಅನ್ನು ನೀಡುವುದರಿಂದ ಅವರ ತೂಕ ಹೆಚ್ಚಾಗುವುದಲ್ಲದೇ, ಅವರಲ್ಲಿ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ ಮತ್ತು ದೃಷ್ಟಿ ಸಮಸ್ಯೆಯನ್ನು ಸುಧಾರಿಸುತ್ತದೆ. ಇದಲ್ಲದೇ ಪಾಲಕ್ ಸೊಪ್ಪಿನ ಜ್ಯೂಸ್ ಮಕ್ಕಳ ಎತ್ತರವನ್ನು ಹೆಚ್ಚಿಸುವಲ್ಲಿಯೂ ತುಂಬಾ ಪ್ರಯೋಜನಕಾರಿಯಾಗಿದೆ.

ಈ ಜ್ಯೂಸ್ ಮಾಡುವುದು ಹೇಗೆ? ಪಾಲಕ್ ಜ್ಯೂಸ್ ತಯಾರಿಸಲು, ಮೊದಲು ಪಾಲಕ್ ಸೊಪ್ಪನ್ನು ತೊಳೆದು ಕತ್ತರಿಸಿ. ನಂತರ ಮಕ್ಕಳ ಆಯ್ಕೆಯ ಯಾವುದೇ ಹಣ್ಣನ್ನು ಕತ್ತರಿಸಿ ಮಿಕ್ಸಿಯಲ್ಲಿ ಮಿಶ್ರಣ ಮಾಡಿ. ಈಗ ಈ ಪಾಲಕ್ ಪ್ಯೂರಿಯನ್ನು ಸೋಸಿಕೊಳ್ಳಿ ಮತ್ತು ಸ್ವಲ್ಪ ನಿಂಬೆ ರಸ ಮತ್ತು ಉಪ್ಪಿನೊಂದಿಗೆ ಬೆರೆಸಿ. ನಿಮ್ಮ ಮಕ್ಕಳಿಗೆ ಅದನ್ನು ಕುಡಿಯಲು ಕೊಡಿ. ನೀವು ಇದನ್ನು ಬೆಳಗಿನ ತಿಂಡಿಯಾಗಿಯೂ ಸೇವಿಸಬಹುದು.

ಆವಕಾಡೊಗಳು ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿರುತ್ತವೆ. ಮತ್ತು ಇದು ಪೋಷಕಾಂಶಗಳು ಮತ್ತು ಫೈಬರ್ನಲ್ಲಿ ಸಮೃದ್ಧವಾಗಿದೆ. ಆವಕಾಡೊ ತಿನ್ನುವುದು ಮಕ್ಕಳ ತೂಕ ಮತ್ತು ಎತ್ತರವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ಜೀರ್ಣಕಾರಿ ಸಮಸ್ಯೆಗಳನ್ನು ದೂರ ಮಾಡುತ್ತದೆ. ಆವಕಾಡೊಗಳು ಮಕ್ಕಳ ಕಣ್ಣುಗಳನ್ನು ಆರೋಗ್ಯವಾಗಿಡಲು ಸಹ ಸಹಾಯ ಮಾಡುತ್ತದೆ.

ಆವಕಾಡೊ ಜ್ಯೂಸ್ ತಯಾರಿಸಲು, ಮೊದಲು ಆವಕಾಡೊವನ್ನು ತೊಳೆದು ಸಿಪ್ಪೆ ತೆಗೆದು ಬ್ಲೆಂಡರ್ನಲ್ಲಿ ಹಾಕಿ. ಈಗ ಸ್ವಲ್ಪ ನೀರಿನೊಂದಿಗೆ ಮಿಶ್ರಣ ಮಾಡಿ. ಇದಕ್ಕೆ ನಿಂಬೆ ರಸ ಮತ್ತು ಜೇನುತುಪ್ಪ ಸೇರಿಸಿ.

ಇಷ್ಟವಾದರೆ ನೀವು ಕೊನೆಯಲ್ಲಿ ಕೆಲವು ಪುದೀನ ಎಲೆಗಳನ್ನು ಇದಕ್ಕೆ ಸೇರಿಸಬಹುದು. ಹೀಗೆ ಕೊಟ್ಟರೆ ಮಕ್ಕಳು ಆವಕಾಡೊ ಜ್ಯೂಸ್ ಬೇಡ ಎನ್ನುವುದಿಲ್ಲ ಮತ್ತು ನಿಮ್ಮ ಮಕ್ಕಳು ಹೇಗೆ ಎತ್ತರಕ್ಕೆ ಬೆಳೆಯುತ್ತಾರೆ ಎಂಬುದನ್ನು ನಿಮ್ಮ ಕಣ್ಣುಗಳ ಮುಂದೆ ನೋಡಿ.