Children's Sleep: ಮಕ್ಕಳ ನಿದ್ರೆ ಮಾದರಿ ಮತ್ತು ನಿಯಮ ಅಳವಡಿಕೆ ಯಾಕೆ ಮುಖ್ಯ? ಈ ಸುದ್ದಿ ಮಿಸ್ ಮಾಡಲೇಬೇಡಿ!

ಇತ್ತೀಚಿನ ದಿನಗಳಲ್ಲಿ ಜನರು ಮೊಬೈಲ್, ಟಿವಿ, ಕಂಪ್ಯೂಟರ್ ಗೇಮ್ಸ್, ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ನೋಡುವುದು ಸೇರಿದಂತೆ ಹಲವು ಸಂಗತಿಗಳಿಂದ ರಾತ್ರಿ ಸರಿಯಾಗಿ ನಿದ್ದೆ ಮಾಡುವುದಿಲ್ಲ. ತುಂಬಾ ಜನರ ನಿದ್ದೆ ಮಾದರಿ ಹಾಳಾಗಿದೆ.

ಈಗ ದೊಡ್ಡವರು ಮಾತ್ರವಲ್ಲದೇ ಮಕ್ಕಳೂ ಸಹ ನಿದ್ರೆ ಮಾದರಿಯಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ. ನಿದ್ದೆಯು ಸರಿಯಾಗಿ ಮಾಡದೇ ಇರುವಂತಾಗಿದೆ. ಮಕ್ಕಳು ಸಹ ಮೊಬೈಲ್ ಮತ್ತು ಗೇಮಿಂಗ್ ಗೆ ಅಂಟಿಕೊಂಡಿದ್ದಾರೆ. ಹೀಗಾಗಿ ನಿದ್ದೆ ಮಾದರಿಯಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ.

ಮಕ್ಕಳ ನಿದ್ದೆ ಮಾದರಿಯಲ್ಲಿ ಉಂಟಾಗುವ ಏರು-ಪೇರು ಅವರ ಬೆಳವಣಿಗೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗಾಗಿ ಪೋಷಕರು ತಮ್ಮ ಮಕ್ಕಳ ನಿದ್ದೆಯ ಬಗ್ಗೆ ಸಾಕಷ್ಟು ಗಮನಹರಿಸಬೇಕು. ದಿನವೂ ಮಗು ಸರಿಯಾದ ಸಮಯಕ್ಕೆ ಮಲಗಿ, ಬೆಳಗ್ಗೆ ಬೇಗ ಏಳುವ ವಿಧಾನ ಫಾಲೋ ಮಾಡುವಂತೆ ನೋಡಿಕೊಳ್ಳಿ.

ಮಕ್ಕಳ ನಿದ್ದೆ ಮಾದರಿಯನ್ನು ಚೆನ್ನಾಗಿಡುವಂತೆ ಮತ್ತು ದಿನಚರಿ ಸುಧಾರಿಸುವಂತೆ ತಜ್ಞರು ಸಲಹೆ ನೀಡುತ್ತಾರೆ. ತಮ್ಮ ಮಕ್ಕಳಿಗೆ ಮಲಗುವ ಸಮಯದ ನಿಯಮ ಜಾರಿ ಮಾಡುವುದು ಉತ್ತಮ. ಇದು ಗಮನ ಕೆಂದ್ರೀಕರಿಸಲು, ಬೆಳವಣಿಗೆ ಉತ್ತೇಜಿಸಲು, ಉತ್ತಮ ಹೃದಯದ ಕಾರ್ಯ ನಿರ್ವಹಣೆ, ಒಟ್ಟಾರೆ ದೈಹಿಕ ಆರೋಗ್ಯ ಸುಧಾರಿಸುತ್ತದೆ.

ಮಕ್ಕಳು ಸಾಕಷ್ಟು ನಿದ್ದೆ ಮಾಡಲು ಮತ್ತು ಎಂಟು ಗಂಟೆಗಳ ಕಾಲ ನಿದ್ದೆ ಮಾಡುವಂತೆ ನೋಡಿಕೊಳ್ಳುವುದು ತುಂಬಾ ಮುಖ್ಯ. ಮಕ್ಕಳು ನಿದ್ರಾಹೀನತೆ ಮತ್ತು ನಿದ್ದೆ ಮಾದರಿಯಲ್ಲಿ ತೊಂದರೆ ಅನುಭವಿಸುವುದು ಹಲವು ಆರೋಗ್ಯ ಕೆಟ್ಟ ಪರಿಣಾಮ ಉಂಟು ಮಾಡುತ್ತದೆ. ಇದು ಮಕ್ಕಳಲ್ಲಿ ಕಳಪೆ ಸಾಮಾಜಿಕ ಸಂವಹನ, ಕಿರಿಕಿರಿ ಮತ್ತು ತೀವ್ರ ನಿದ್ರಾಹೀನತೆಯು ಖಿನ್ನತೆ ಸಮಸ್ಯೆ ಉಂಟು ಮಾಡುತ್ತದೆ.

18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ನಿದ್ದೆ ಮಾದರಿಯ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವುದು ಮುಖ್ಯವಾಗಿದೆ. ಜನರು ಮಲಗುವ ಸಮಯದ ನಿಯಮಗಳನ್ನು ಪಾಲಿಸಬೇಕು. ಆರೋಗ್ಯಕರ ನಿದ್ರೆಯು ನಾವು ಎಚ್ಚರವಾಗಿರುವಾಗ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸಲು ಅನುವು ಮಾಡಿಕೊಡುತ್ತದೆ.

ಒಂದು ವರದಿಯ ಪ್ರಕಾರ, ಮಲಗುವ ಸಮಯದ ನಿಯಮಗಳನ್ನು ಜಾರಿಗೆ ಮಾಡಬೇಕು. ಇದು ಮಕ್ಕಳ ನಿದ್ದೆ ಮಾದರಿ ಸುಧಾರಿಸಲು ಅತ್ಯುತ್ತಮ ಮಾರ್ಗವಾಗಿದೆ. ಮಕ್ಕಳು ಸರಿಯಾದ ಸಮಯಕ್ಕೆ ಮಲಗಿ ಸರಿಯಾದ ಸಮಯಕ್ಕೆ ಏಳುವುದು ಅವರ ಒಟ್ಟಾರೆ ಆರೋಗ್ಯ ಸುಧಾರಣೆಗೆ ಸಹಾಯ ಮಾಡುತ್ತದೆ.

ಮಗು ನಿರ್ದಿಷ್ಟ ಸಮಯದಲ್ಲಿ ಮಲಗಲು ಪ್ರೋತ್ಸಾಹಿಸಿ. ಒಂದು ವರದಿ ಪ್ರಕಾರ 3 ರಿಂದ 5 ವರ್ಷ ವಯಸ್ಸಿನ ಮಕ್ಕಳು 10 ರಿಂದ 13 ಗಂಟೆ ನಿದ್ದೆ ಮಾಡಬೇಕು. 6 ರಿಂದ 13 ವರ್ಷ ವಯಸ್ಸಿನ ಮಕ್ಕಳು ಕನಿಷ್ಠ 9 ರಿಂದ 11 ಗಂಟೆ, 14 ರಿಂದ 17 ವರ್ಷ ವಯಸ್ಸಿನವರು 8 ರಿಂದ 10 ಗಂಟೆ, 18 ವರ್ಷಕ್ಕಿಂತ ಮೇಲ್ಪಟ್ಟ ಯುವ ವಯಸ್ಕರರು 7 ರಿಂದ 9 ಗಂಟೆ ನಿದ್ರಿಸಬೇಕು.