Valentines Day 2023: ಈ ಬಾರಿಯ ವ್ಯಾಲೆಂಟೈನ್ಸ್​ ದಿನವನ್ನು ನಿಮ್ಮ ಸಂಗಾತಿಯೊಂದಿಗೆ ಈ 5 ಸ್ಥಳಗಳಲ್ಲಿಆಚರಿಸಿ

ಗುಂಡಿಕೋಟಾ: ಆಂಧ್ರಪ್ರದೇಶದ ಕಡಪಾ ಜಿಲ್ಲೆಯ ಪೆನ್ನಾ ನದಿಯ ಬಲದಂಡೆಯಲ್ಲಿರುವ ಒಂದು ಸಣ್ಣ ಹಳ್ಳಿ, ಗಂಡಿಕೋಟವನ್ನು ಭಾರತದ ಗ್ರ್ಯಾಂಡ್ ಕ್ಯಾನ್ಯಾನ್​ ಎಂದೂ ಕರೆಯಲಾಗುತ್ತದೆ. ನದಿಯ ದಡದಲ್ಲಿ ಇಲ್ಲಿ ಸಮಯವನ್ನು ಕಳೆಯುವ ಮೂಲಕ ನಿಮ್ಮ ಸಂಗಾತಿಯೊಂದಿಗೆ ಶಾಂತಿಯುತವಾಗಿ ಮಾತನಾಡಬಹುದಾಗಿದೆ.

ಚಿಕ್ಕಮಗಳೂರು: ಚಿಕ್ಕಮಗಳೂರು ಕರ್ನಾಟಕದ ಪಶ್ಚಿಮ ಘಟ್ಟಗಳಲ್ಲಿರುವ ಗಿರಿಧಾಮವಾಗಿದೆ. ಈ ಸ್ಥಳಗಳು ಪ್ರಕೃತಿ ಪ್ರಿಯರಿಗೆ ಬಹಳ ಆಸಕ್ತಿದಾಯಕವಾಗಿವೆ. ಇಲ್ಲಿ ನೀವು ಅನೇಕ ಕಾಫಿ ತೋಟಗಳನ್ನು ನೋಡಬಹುದು. ಇಲ್ಲಿ ನೀವು ನಿಮ್ಮ ಸಂಗಾತಿಯೊಂದಿಗೆ ಶಾಂತಿಯುತ ವಾತಾವರಣದಲ್ಲಿ ವಿಶ್ರಾಂತಿ ಪಡೆಯಬಹುದು.

ಗೋಕರ್ಣ: ಗೋಕರ್ಣ ಕರ್ನಾಟಕದ ಅರಬ್ಬೀ ಸಮುದ್ರದ ಮೇಲಿರುವ ನಗರ. ಈ ಸ್ಥಳ  ಕಡಲತೀರಗಳು ಮತ್ತು ಸುಂದರವಾದ ದೃಶ್ಯಾವಳಿಗಳಿಗೆ ಬಹಳಷ್ಟು ಹೆಸರುವಾಸಿಯಾಗಿದೆ. ಇಲ್ಲಿ ನೀವು ನಿಮ್ಮ ಸಂಗಾತಿಯೊಂದಿಗೆ ಕಡಲತೀರಗಳಲ್ಲಿ ಕುಳಿತು ವಿಶ್ರಾಂತಿ ಪಡೆಯಬಹುದು ಅಥವಾ ದ್ವೀಪಗಳಿಗೆ ಸುಂದರವಾದ ದೋಣಿ ವಿಹಾರವನ್ನು ಸಹ ಮಾಡಬಹುದಾಗಿದೆ.

ಹಂಪಿ: ಹಂಪಿವಿಶ್ವ ಪರಂಪರೆಯ ಒಂದು ಪ್ರವಾಸಿ ತಾಣವಾಗಿದ್ದು, ಇದು ಕರ್ನಾಟಕ ರಾಜ್ಯದ ದಕ್ಷಿಣ ಭಾಗದಲ್ಲಿದೆ. ಇಲ್ಲಿ ಪ್ರೇಮಿಗಳು ವಿಠ್ಠಲ್ ದೇವಾಲಯದ ಸುತ್ತಲಿನ ಪ್ರದೇಶದಲ್ಲಿರುವ ಸೌಂದರ್ಯ, ಐತಿಹಾಸಿಕ ಕಟ್ಟಡಗಳು ಮತ್ತು ಏಕಶಿಲೆಯ ಶಿಲ್ಪಗಳನ್ನು ಆಕರ್ಷಕವಾಗಿ ಕಾಣಬಹುದಾಗಿದೆ.

ಅತಿರಪ್ಪಿಲ್ಲಿ ಜಲಪಾತ: "ಭಾರತದ ನಯಾಗರಾ" ಎಂದು ಕರೆಯಲ್ಪಡುವ ಕೇರಳದ ಅತಿರಪ್ಪಿಲ್ಲಿ ಜಲಪಾತವು ದಕ್ಷಿಣ ಭಾರತದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಒಂದಾಗಿದೆ. ಸುಮಾರು 80 ಅಡಿ ಎತ್ತರದಿಂದ ನೆಲದ ಮೇಲೆ ಬೀಳುವ ನೀರು ನೋಡುಗರನ್ನು ಇಲ್ಲಿ ಮಂತ್ರಮುಗ್ಧಗೊಳಿಸುತ್ತದೆ. ಆದ್ದರಿಂದ ಪ್ರವಾಸ ಹೋಗುವ ಪ್ಲ್ಯಾನ್​ನಲ್ಲಿದ್ದವರಿಗೆ ಈ ಸ್ಥಳ ಉತ್ತಮವಾಗಿದೆ.

ಈ 5 ಸ್ಥಳಗಳು ದಕ್ಷಿಣ ಭಾರತದಲ್ಲಿ ವ್ಯಾಲೆಂಟೈನ್ಸ್​ ದಿನದಂದು ತನ್ನ ಸಂಗಾತಿಯೊಂದಿಗೆ ಪ್ರಯಾಣ ಬೆಳೆಸುವವರಿಗೆ ಉತ್ತಮ ಆಯ್ಕೆಯಾಗಿದೆ. ಇದು ಉತ್ತಮ ಶಾಂತಿಯುತವಾದ ಪರಿಸರವನ್ನು ಹೊಂದಿದ್ದು, ಜನರನ್ನು ಆಕರ್ಷಿಸುತ್ತದೆ.

ಎಷ್ಟೋ ಜನರು ತನ್ನ ಸಂಗಾತಿಯೊಂದಿಗೆ ದೂರದ ಸ್ಥಳಗಳಿಗೆ ಹೋಗಬೇಕು, ಸುತ್ತಾಡಬೇಕು ಎಂದು ಅಂದುಕೊಂಡಿರುತ್ತಾರೆ. ಆದರೆ ಕೆಲವರಿಗೆ ಗೊಂದಲಗಳು ಸಹ ಆಗುತ್ತವೆ. ಆದರೆ ದಕ್ಷಿಣ ಭಾರತದಲ್ಲಿರುವಂತಹ ಈ 5 ಪ್ರವಾಸಿ ತಾಣಗಳು ಪ್ರೇಮಿಗಳಿಗೆ ಉತ್ತಮವಾದ ಸ್ಥಳವಾಗಿದೆ.