Cancer Disease: ಕ್ಯಾನ್ಸರ್ ನಿಯಂತ್ರಣಕ್ಕೆ ನಿಮ್ಮ ಆಹಾರದಲ್ಲಿ ಈ ಪದಾರ್ಥ ಸೇರಿಸಿ!

ಕ್ರೂಸಿಫೆರಸ್ ತರಕಾರಿ ತಿನ್ನಿ: ಕೋಸುಗಡ್ಡೆ, ಎಲೆಕೋಸು, ಹೂಕೋಸು ಮತ್ತು ಕೊಲಾರ್ಡ್ ಗ್ರೀನ್ಸ್ ಗಳಂತಹ ಕ್ರೂಸಿಫೆರಸ್ ತರಕಾರಿ ತಿನ್ನಿ. ಇದು ಕ್ಯಾನ್ಸರ್ ತಡೆಗೆ ಸಹಕಾರಿ ಅಂತಾರೆ ತಜ್ಞರು. ಕ್ರೂಸಿಫೆರಸ್ ತರಕಾರಿಗಳು ವಿಟಮಿನ್ ಸಿ, ಇ ಮತ್ತು ಕೆ ಹಾಗೂ ಫೈಬರ್‌ ಅಂಶ ಹೊಂದಿವೆ. ಕ್ರೂಸಿಫೆರಸ್ ತರಕಾರಿಗಳು ಪ್ರಾಸ್ಟೇಟ್, ಕೊಲೊರೆಕ್ಟಲ್, ಶ್ವಾಸಕೋಶ ಮತ್ತು ಸ್ತನ ಕ್ಯಾನ್ಸರ್ ಕಡಿಮೆ ಮಾಡುತ್ತದೆ.

ಆರೋಗ್ಯಕರ ಆಹಾರ ಮುಖ್ಯ. ಕ್ಯಾರೆಟ್ ತಿನ್ನುವುದರಿಂದ ಕೆಲವು ರೀತಿಯ ಕ್ಯಾನ್ಸರ್ ಅಪಾಯ ಕಡಿಮೆ ಮಾಡಲು ಸಹಕಾರಿ. ಹೊಟ್ಟೆಯ ಕ್ಯಾನ್ಸರ್ ಅಪಾಯ, ಪ್ರಾಸ್ಟೇಟ್ ಕ್ಯಾನ್ಸರ್, ಶ್ವಾಸಕೋಶ ಕ್ಯಾನ್ಸರ್ ಕಡಿಮೆ ಮಾಡುತ್ತದೆ. ವಾರಕ್ಕೆ ನಾಲ್ಕು ದಿನವಾದರೂ ಕ್ಯಾರೆಟ್ ತಿನ್ನಿ. ಇದು ಮಹಾಮಾರಿ ತಡೆಗೆ ಸಹಕಾರಿ.

ಬೆರ್ರಿ ಹಣ್ಣುಗಳ ನ್ನು ತಿನ್ನಿ. ಬೆರ್ರಿಗಳಲ್ಲಿ ಆಂಥೋಸಯಾನಿನ್‌, ಆಂಟಿಆಕ್ಸಿಡೆಂಟ್ ಗುಣಲಕ್ಷಣ ಇರುವ ಸಸ್ಯ ವರ್ಣದ್ರವ್ಯ ಮತ್ತು ಕ್ಯಾನ್ಸರ್ ಅಪಾಯ ಕಡಿಮೆಗೊಳಿಸುವ ಅಂಶಗಳಿವೆ. ಕೊಲೊರೆಕ್ಟಲ್ ಕ್ಯಾನ್ಸರ್ ಕೋಶಗಳ ಬೆಳವಣಿಗೆ ಕಡಿಮೆ ಮಾಡುತ್ತದೆ. ಒಣಗಿದ ಕಪ್ಪು ರಾಸ್ ಬೆರ್ರಿಸ್ ಸಹ ಪ್ರಯೋಜನಕಾರಿ.

ಸಮತೋಲಿತ ಆಹಾರ ತಿನ್ನಿ. ಜೊತೆಗೆ ನೀವು ಕನಿಷ್ಠ ಸಂಸ್ಕರಿಸಿದ ಆಹಾರ ತಿನ್ನಿ ಇದು ಕ್ಯಾನ್ಸರ್ ತಡೆಗೆ ಸಹಕಾರಿ. ಆರೋಗ್ಯಕರ ಕಾರ್ಬೋಹೈಡ್ರೇಟ್ಸ್ , ಆರೋಗ್ಯಕರ ಕೊಬ್ಬು, ಪ್ರೋಟೀನ್ಗಳು, ಖನಿಜಗಳು ಮತ್ತು ವಿಟಮಿನ್ಸ್ ಸಮತೋಲಿತ ಆಹಾರ ತಿನ್ನುವುರಿಂದ ಅಪಾಯಕಾರಿ ಕಾಯಿಲೆಯಿಂದ ದೂರವಿಡುತ್ತದೆ.

ವರ್ಣರಂಜಿತ ಹಣ್ಣು ಮತ್ತು ತರಕಾರಿ ತಿನ್ನಿ. ಹಣ್ಣುಗಳು, ಹಸಿರು ಎಲೆಗಳ ತರಕಾರಿಗಳು, ಕ್ರೂಸಿಫೆರಸ್ ತಿನ್ನುವುದರಿಂದ ದೇಹಕ್ಕೆ ಅಗತ್ಯವಾದ ಪೋಷಣೆ ಮತ್ತು ಉತ್ಕರ್ಷಣ ನಿರೋಧಕ ಒದಗಿಸುತ್ತದೆ. ಆಹಾರ ಕೋಶಗಳ ಹಾನಿಯಿಂದ ರಕ್ಷಿಸುತ್ತದೆ.

ಸಂಪೂರ್ಣ ಧಾನ್ಯಗಳು ಮತ್ತು ದ್ವಿದಳ ಧಾನ್ಯಗಳ ತಿನ್ನಿ. ಬ್ರೌನ್ ರೈಸ್ ಮತ್ತು ಗೋಧಿ ಧಾನ್ಯಗ ಳನ್ನು ತಿನ್ನಿ. ಇದರಲ್ಲಿರುವ ಫೈಬರ್ ಅಂಶವು ಚಿಕಿತ್ಸೆಗೆ ಪೋಷಣೆ ಒದಗಿಸುತ್ತದೆ. ಬೀನ್ಸ್, ಬೇಳೆ ಕಾಳು ಹಾಗೂ ಕಡಲೆ ತಿನ್ನಿ. ಇವುಗಳು ಪ್ರೊಟೀನ್ ಮತ್ತು ಫೈಟೊಕೆಮಿಕಲ್ಸ್ ಕೂಡ ಒದಗಿಸುತ್ತವೆ.

ಒಣ ಬೀಜಗಳ ತಿನ್ನಿ. ಬೀಜ ಮತ್ತು ಮೀನು ತಿನ್ನಿ. ಇದು ಜೀವಕೋಶಗಳನ್ನು ಆರೋಗ್ಯವಾಗಿರಿಸಿ, ಅಪಾಯಕಾರಿ ಕ್ಯಾನ್ಸರ್ ದೂರವಿಡುತ್ತವೆ. ಬಾದಾಮಿ, ವಾಲ್ನಟ್ಸ್, ಲಿನ್ಸೆಡ್ ಬೀಜ, ಮತ್ತು ಸಾಲ್ಮನ್ ಕೊಬ್ಬಿನ ಮೀನು ತಿನ್ನಿ.

ದಾಲ್ಚಿನ್ನಿ ತಿನ್ನಿ. ದಾಲ್ಚಿನ್ನಿ ರಕ್ತದ ಸಕ್ಕರೆ ಕಡಿಮೆ ಮಾಡುತ್ತದೆ. ಬೆಲ್ಲಿ ಫ್ಯಾಟ್ ಕರಗಿಸಲು ಸಹಕಾರಿ. ಉರಿಯೂತ ಸಮಸ್ಯೆ ನಿವಾರಣೆ ಮಾಡುತ್ತದೆ. ದಾಲ್ಚಿನ್ನಿ ಕ್ಯಾನ್ಸರ್ ಕೋಶಗಳ ಹರಡುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ದಾಲ್ಚಿನ್ನಿ ಸಾರಭೂತ ತೈಲವು ತಲೆ ಮತ್ತು ಕುತ್ತಿಗೆಯ ಕ್ಯಾನ್ಸರ್ ಕೋಶಗಳ ಬೆಳವಣಿಗೆ ತಡೆಯುತ್ತದೆ.