Weight loss Tips: ಸೀಬೆ ಹಣ್ಣು ಮಾತ್ರವಲ್ಲ, ಇದರ ಎಲೆಗಳೂ ತೂಕ ಕಳೆದುಕೊಳ್ಳಲು ಬಲು ಸಹಕಾರಿ

ಪೇರಳೆ ಹಣ್ಣು ಮೂಲತಃ ಮಧ್ಯ ಅಮೇರಿಕಾ, ದಕ್ಷಿಣ ಅಮೇರಿಕಾ, ಕೆರಿಬಿಯನ್ ಮತ್ತು ಮೆಕ್ಸಿಕೊದ ಸಸ್ಯವಾಗಿದೆ. ಈ ಹಣ್ಣು ಅಂಡಾಕಾರ ಮತ್ತು ಹಳದಿ-ಹಸಿರು ಬಣ್ಣದಲ್ಲಿರುತ್ತದೆ. ಅದರ ಒಳಭಾಗ ಅಂದರೆ ತಿರುಳು ಕೆಂಪು ಮತ್ತು ಬಿಳಿ ಬಣ್ಣದಲ್ಲಿರುತ್ತದೆ. ಅದರ ಎಲೆಗಳು ಉದ್ದವಾಗಿರುತ್ತದೆ. ಈ ಹಣ್ಣು ಪ್ರಪಂಚದಾದ್ಯಂತ ಫೇಮಸ್ ಆಗಿದೆ. ಇದರ ಎಲೆಗಳು ಪೋಷಕಾಂಶಗಳು ಮತ್ತು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿವೆ. ಪೇರಳೆ ಎಲೆಗಳನ್ನು ಅನೇಕ ರೋಗಗಳಿಗೆ ಔಷಧಿಯಾಗಿ ಬಳಸಲಾಗುತ್ತದೆ.

ಪೇರಳೆ ಎಲೆಗಳು ತೂಕವನ್ನು ಕಡಿಮೆ ಮಾಡುತ್ತಾ?: ತೂಕವನ್ನು ಕಡಿಮೆ ಮಾಡಲು ಪೇರಳೆ ಎಲೆಗಳನ್ನು ಸೇವಿಸಬಹುದು. ಅಷ್ಟಕ್ಕೂ ಇದಕ್ಕೆ ಯಾವುದಾದರೂ ವೈಜ್ಞಾನಿಕ ಆಧಾರವಿದ್ಯಾ? ಪೇರಳೆ ಎಲೆಗಳು ತೂಕ ಇಳಿಸಲು ಸಹಾಯ ಮಾಡುತ್ತಾ ಎಂದು ನೀವು ಕೇಳಬಹುದು. ಈ ಪ್ರಶ್ನೆಗೆ ಇಲ್ಲಿದೆ ನೋಡಿ ಉತ್ತರ.

ಸಂಶೋಧನೆ ಏನು ಹೇಳುತ್ತದೆ?: ಪೇರಲ ಎಲೆಯ ಚಹಾ ಕುಡಿಯುವುದರಿಂದ ತೂಕ ಇಳಸಿಕೊಳ್ಳಬಹುದು. ಪೇರಳೆ ಎಲೆಗಳು ರಕ್ತದಲ್ಲಿನ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಸಂಶೋಧನೆ ತಿಳಿಸಿದೆ.

ತೂಕ ಇಳಿಸುತ್ತೆ ಅನ್ನೋದು ಎಷ್ಟು ನಿಜ?: ಕ್ಯಾಟೆಚಿನ್, ಕ್ವೆರ್ಸೆಟಿನ್ ಮತ್ತು ಗ್ಯಾಲಿಕ್ ಆಸಿಡ್ ಸೇರಿದಂತೆ ಪೇರಳೆ ಎಲೆಗಳಲ್ಲಿರುವ ಉತ್ಕರ್ಷಣ ನಿರೋಧಕಗಳು ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಹೋರಾಡುವ ಮೂಲಕ ತೂಕ ನಷ್ಟವನ್ನು ಉತ್ತೇಜಿಸುತ್ತವೆ. ಆದರೆ ಇದು ತೂಕ ಹೆಚ್ಚಾಗುವುದಕ್ಕೆ ಸಂಬಂಧಿಸಿವೆ ಎಂದು ಕೆಲವರು ಹೇಳುತ್ತಾರೆ.

ಆದರೆ, ಪೇರಳೆ ಎಲೆಯ ಚಹಾವು ಈ ಸಂಯುಕ್ತಗಳನ್ನು ಬಹಳ ಕಡಿಮೆ ಪ್ರಮಾಣದಲ್ಲಿ ಒದಗಿಸುತ್ತದೆ. ಅಲ್ಲದೇ, ಈ ಎಲೆಗಳಲ್ಲಿರುವ ಉತ್ಕರ್ಷಣ ನಿರೋಧಕಗಳ ಸೇವನೆಯ ಮೂಲಕ ತೂಕ ನಷ್ಟವನ್ನು ಯಾವುದೇ ಸಂಶೋಧನೆ ದೃಢಪಡಿಸುವುದಿಲ್ಲ.

ಹರ್ಬಲ್ ಚಹಾವು ಪ್ರಯೋಜನಕಾರಿಯಾಗಬಲ್ಲದು: ತೂಕ ನಷ್ಟಕ್ಕೆ ಪೇರಳೆ ಎಲೆಗಳು ಸಹಾಯಕವಾಗಿದೆ ಎಂದು ಹೇಳಲಾಗುತ್ತದೆ ಆದರೆ, ನೀವು ಸಕ್ಕರೆ ಪಾನೀಯಗಳ ಬದಲಿಗೆ ಗಿಡಮೂಲಿಕೆ ಚಹಾವನ್ನು ಸೇವಿಸಿದಾಗ ನೀವು ತೂಕವನ್ನು ಕಳೆದುಕೊಳ್ಳಬಹುದು. ಹಾಗಾಗಿ ಪೇರಳೆ ಎಲೆಗಳ ಚಹಾವು ನಿಮಗೆ ಪರೋಕ್ಷವಾಗಿ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ, ಆದರೆ ಅದನ್ನು ಪರಿಣಾಮಕಾರಿ ಪರಿಹಾರವೆಂದು ಪರಿಗಣಿಸಬೇಡಿ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)