Pregnancy Tips: ಹೆರಿಗೆ ನಂತ್ರ ಹೊಟ್ಟೆಯ ಆಕಾರ ಮತ್ತೆ ಮೊದಲಿನಂತಾಗಿಸಲು ಬೆಲ್ಟ್ ಧರಿಸಬಹುದಾ? ವೈದ್ಯರು ಹೇಳುವುದೇನು?

ಗರ್ಭಾವಸ್ಥೆಯು ಪ್ರತಿ ಮಹಿಳೆಯರಿಗೂ ವಿಭಿನ್ನ ಅನುಭವವಾಗಿದೆ. ಪ್ರಸವಾನಂತರದ ಮಹಿಳೆಯರು ತಮ್ಮ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ವ್ಯಾಯಾಮವನ್ನು ಮಾಡಲು ಮೊದಲು ವೈದ್ಯಕೀಯ ಸಲಹೆಯನ್ನು ಪಡೆಯಬೇಕು. ಹೆರಿಗೆಯ ನಂತರ ಕಾಣಿಸಿಕೊಳ್ಳುವ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡುವುದು ಸಾಮಾನ್ಯ ವಿಷಯವಲ್ಲ. ಪ್ರಸವಾನಂತರದ ಮಹಿಳೆಯರು ಸಾಮಾನ್ಯವಾಗಿ ಆಯಾಸ, ದೇಹದ ನೋವು, ಮನಸ್ಥಿತಿ ಬದಲಾವಣೆಗಳು ಮತ್ತು ಪ್ರಸವಾನಂತರದ ಖಿನ್ನತೆಯ ಪರಿಣಾಮಗಳೊಂದಿಗೆ ರೋಲರ್ ಕೋಸ್ಟರ್ ರೈಡ್ ಅನ್ನು ದಿನವಿಡೀ ಅನುಭವಿಸುತ್ತಾರೆ.

ಇವುಗಳ ಜೊತೆಗೆ, ಹೊಟ್ಟೆಯು ನಿಮ್ಮನ್ನು ಇನ್ನಷ್ಟು ನರಳುವಂತೆ ಮಾಡುತ್ತದೆ. ಹೆರಿಗೆಯಾದ ಕೆಲವೇ ತಿಂಗಳುಗಳಲ್ಲಿ ಹೊಟ್ಟೆಯ ಕೊಬ್ಬನ್ನು ತಕ್ಷಣವೇ ಕರಗಿಸಿಕೊಳ್ಳುವ ನಿರೀಕ್ಷೆಯನ್ನು ನೀವು ಹೊಂದಿದ್ದರೆ, ಅದು ಒಳ್ಳೆಯದಲ್ಲ. ಏಕೆಂದರೆ ನಿಮ್ಮ ದೇಹವು ಕೆಲವು ಸಮಸ್ಯೆಗಳನ್ನು ಎದುರಿಸುತ್ತಿರುವುದನ್ನು ಗೌರವಿಸಬೇಕು ಮತ್ತು ಪ್ರಶಂಸಿಸಬೇಕು.

ಅಲ್ಲದೇ, ಇವುಗಳಿಂದ ಚೇತರಿಸಿಕೊಳ್ಳಲು ನಿಮ್ಮ ದೇಹಕ್ಕೆ ಸಾಕಷ್ಟು ಸಮಯವನ್ನು ನೀಡಬೇಕಾಗುತ್ತದೆ. ಹೊಸ ತಾಯಂದಿರು ತಮ್ಮ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಕಿಬ್ಬೊಟ್ಟೆಯ ಬೆಲ್ಟ್ಗಳನ್ನು ಬಳಸುತ್ತಾರೆ. ಆದರೆ, ಇದು ನಿಜವಾಗಿಯೂ ಕೆಲಸ ಮಾಡುತ್ತದೆಯೇ? ಇದರ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಕೆಲವು ವಿಷಯ ಇಲ್ಲಿದೆ ನೋಡಿ!

ಹೆರಿಗೆಯ ನಂತರ ಬೆಲ್ಟ್ ಬಳಸುವುದರಿಂದ ಯಾವುದೇ ಹಾನಿ ಇಲ್ಲ ಎಂದು ಜರ್ಮನಿಯ OBGYN ಡಾ. ಅಮಿನಾ ಖಾಲಿದ್ ಹೇಳುತ್ತಾರೆ. ಇದರ ಬಳಕೆಯು ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂಬುದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. ಆದರೆ ಹೊಟ್ಟೆ ಕೊಬ್ಬನ್ನು ಕಳೆದುಕೊಳ್ಳಲು ಆರೋಗ್ಯಕರ ಆಹಾರ ಮತ್ತು ಸ್ನಾಯುಗಳನ್ನು ಬಲಪಡಿಸುವ ವ್ಯಾಯಾಮ ಅತ್ಯಗತ್ಯ ಎಂದು ತಿಳಿಸಿದ್ದಾರೆ. ಹಾಗಾದ್ರೆ ಹೆಂಗಸರು ಪ್ರಸವಾನಂತರದ ಬೆಲ್ಟ್ ಅನ್ನು ಏಕೆ ಬಳಸಬೇಕು? ಈ ಬಗ್ಗೆ ತಜ್ಞರು ಏನು ಹೇಳಿದ್ದಾರೆ ಎಂಬುವುದರ ಕಂಪ್ಲೀಟ್ ಮಾಹಿತಿ ಇಲ್ಲಿದೆ ನೋಡಿ.

ಭಂಗಿಯನ್ನು ಬಲಪಡಿಸುತ್ತದೆ : ಬೆಲ್ಟ್ಗಳು ಕಿಬ್ಬೊಟ್ಟೆಯ ಪ್ರದೇಶವನ್ನು ಎಳೆಯುತ್ತವೆ ಮತ್ತು ಹಿಡಿದಿಟ್ಟುಕೊಳ್ಳುತ್ತವೆ. ಜೊತೆಗೆ ಅಗತ್ಯ ಬೆಂಬಲವನ್ನು ಒದಗಿಸುತ್ತವೆ. ಇದರಿಂದ ಮಗುವಿಗೆ ಜನ್ಮ ನೀಡಿದ ತಾಯಂದಿರು ಹಗುರಾಗುತ್ತಾರೆ. ಇದು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಹೋಗುವುದನ್ನು ಸ್ವಲ್ಪ ಸುಲಭಗೊಳಿಸುತ್ತದೆ.

ಬೆನ್ನು ನೋವನ್ನು ನಿವಾರಿಸುತ್ತದೆ: ಹೆರಿಗೆಯ ನಂತರ ಸುಸ್ತು ಮತ್ತು ನೋವು ಕಾಣಿಸಿಕೊಳ್ಳುವುದು ಸಹಜ. ಆದರೆ, ಬೆಲ್ಟ್ನ ಬಳಕೆಯು ಬೆನ್ನು ನೋವನ್ನು ತಡೆಯಲು ಸಹಾಯ ಮಾಡುತ್ತದೆ.

ಸಿಸೇರಿಯನ್ ಹೆರಿಗೆಗೆ ಒಳಗಾಗುವ ಮಹಿಳೆಯರಿಗೆ ಸಹಾಯಕ: ಸಿಸೇರಿಯನ್ ಹೆರಿಗೆಗೆ ಒಳಗಾಗುವ ತಾಯಂದಿರಿಗೆ ಬೆಲ್ಟ್ ಎರಡು ರೀತಿಯಲ್ಲಿ ಸಹಾಯಕವಾಗಿದೆ. ಮೊದಲನೇಯದು ಚಲನೆಗಳ ನಿಯಂತ್ರಣ. ಹೌದು, ಇದು ಸಡಿಲವಾದ ಕಿಬ್ಬೊಟ್ಟೆಯ ಸ್ನಾಯುಗಳ ಚಲನೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ನೀವು ಚಲಿಸುವಾಗ ಇದು ಕಡಿಮೆ ನೋವನ್ನು ಉಂಟುಮಾಡುತ್ತದೆ. ಮತ್ತೊಂದು ಪ್ರಯೋಜನವೆಂದರೆ ಅದು ಹೊಲಿಗೆಗಳನ್ನು ಬೇರ್ಪಡಿಸದಂತೆ ತಡೆಯುತ್ತದೆ.