Hug Day 2023: ಭಾರತದಲ್ಲೂ ಪಬ್ಲಿಕ್ ಪ್ಲೇಸ್‌ನಲ್ಲಿ ಅಪ್ಪಿಕೊಂಡು, ಮುತ್ತು ಕೊಡಬಹುದಾ? ಇಲ್ಲಿದೆ ಇಂಟ್ರೆಸ್ಟಿಂಗ್ ಮಾಹಿತಿ

ಇಂದು ಹಗ್ ಡೇ. ಹೃದಯದಿಂದ ಜನರನ್ನು ಅಪ್ಪಿಕೊಳ್ಳುವ ದಿನ. ನಿಮ್ಮ ಪ್ರೇಮಿಯ ಎದೆಯ ಮೇಲೆ ಮುಖವನ್ನು ಒರೆಗಿಸಿಕೊಂಡು, ತಬ್ಬಿಕೊಂಡು ಸ್ವಲ್ಪ ಸಮಯ ಕಳೆಯಿರಿ. ಆದರೆ ಈ ದೇಶದಲ್ಲಿ ಪಬ್ಲಿಕ್ ಪ್ಲೇಸ್ನಲ್ಲಿ ಪುರುಷರು ಮತ್ತು ಮಹಿಳೆಯರು ಪರಸ್ಪರ ಅಪ್ಪಿಕೊಂಡರೆ ಏನಾಗುತ್ತೆ ಗೊತ್ತಾ? ಜನರಿಂದ ತೆಗಳಿಕೆಯ ಮಾತುಗಳು ಕೇಳಿ ಬರುತ್ತದೆ.

ಆದರೆ ಹಗ್ ಮಾಡುವುದನ್ನು ಕಾನೂನುಬದ್ಧವಾಗಿ ನಿಷೇಧಿಸಲಾಗಿಲ್ಲ. ಸಾರ್ವಜನಿಕವಾಗಿ ವಯಸ್ಕರ ನಡುವೆ ಚುಂಬಿಸುವುದು ಅಥವಾ ಅಪ್ಪಿಕೊಳ್ಳುವುದು ಕಾನೂನುಬದ್ಧವಾಗಿದೆ ಎಂದು ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿಗಳು ಪದೇ ಪದೇ ಹೇಳಿದ್ದಾರೆ. ಭಾರತೀಯ ಸಂವಿಧಾನದ 19 (1) (ಎ) ಪ್ರಕಾರ ತಬ್ಬಿಕೊಳ್ಳುವುದು ಮತ್ತು ಚುಂಬಿಸುವುದು ವಾಕ್ ಮತ್ತು ಅಭಿವ್ಯಕ್ತಿ ಸ್ವಾತಂತ್ರ್ಯದ ಭಾಗವಾಗಿದೆ ಎಂದು ಕಾನೂನು ತಜ್ಞರು ಹೇಳುತ್ತಾರೆ.

ಆದರೆ ಪ್ರೀತಿಯನ್ನು ಸಾರ್ವಜನಿಕವಾಗಿ ಪ್ರದರ್ಶಿಸುವುದು ಕಾನೂನುಬದ್ಧವಾಗಿಲ್ಲ. ಅಂದರೆ ಸಾರ್ವಜನಿಕವಾಗಿ ತಬ್ಬಿಕೊಳ್ಳುವುದು, ದೈಹಿಕ ಅನ್ಯೋನ್ಯತೆ ಬೆಳೆಸುವುದು ಕಾನೂನಿನ ದೃಷ್ಟಿಯಲ್ಲಿ ನೋಡುಗರಿಗೆ ಅಶ್ಲೀಲವಾಗಿ ಕಾಣಿಸಬಹುದು. ಇದು ಭಾರತೀಯ ದಂಡ ಸಂಹಿತೆ ಸೆಕ್ಷನ್ 294ರ ಅಡಿಯಲ್ಲಿ ಶಿಕ್ಷಾರ್ಹ ಅಪರಾಧವಾಗಿದೆ.

ಸರಳವಾಗಿ ಹೇಳುವುದಾದರೆ, ಸಾರ್ವಜನಿಕವಾಗಿ ಅಪ್ಪಿಕೊಳ್ಳುವುದು ಭಾರತೀಯ ಕಾನೂನಿಗೆ ವಿರುದ್ಧವಲ್ಲ. ಅಂದರೆ ಭಾರತದಲ್ಲಿ ಸಾರ್ವಜನಿಕ ಅಪ್ಪುಗೆಯನ್ನು ನಿಷೇಧಿಸುವ ಯಾವುದೇ ನಿರ್ದಿಷ್ಟ ಕಾನೂನು ಇಲ್ಲ. ಇದು ವಾತ್ಸಲ್ಯ ಮತ್ತು ಪ್ರೀತಿಯ ಸಾಮಾನ್ಯ ಮತ್ತು ಸ್ವೀಕಾರಾರ್ಹ ರೂಪವಾಗಿದೆ. ಆದರೆ ಬೇರೆ, ಬೇರೆ ಪ್ರದೇಶಗಳ ಸಂಸ್ಕೃತಿಯೇ ಬೇರೆ. ಆದ್ದರಿಂದ ಅಪ್ಪಿಕೊಳ್ಳುವ ಮೊದಲು ಆ ಪ್ರದೇಶದ ಪದ್ಧತಿಗಳು ಮತ್ತು ನಿಯಮಗಳ ಬಗ್ಗೆ ತಿಳಿದಿರಬೇಕು.

ಈ ದೇಶದಲ್ಲಿ ಅಶ್ಲೀಲತೆ ಮತ್ತು ಅಶ್ಲೀಲತೆಯ ಬಗ್ಗೆ ಕಾನೂನುಗಳಿವೆ ಎಂಬುದನ್ನು ಸಹ ನೆನಪಿನಲ್ಲಿಟ್ಟುಕೊಳ್ಳಬೇಕು. ಇದು ಸಾರ್ವಜನಿಕ ಸ್ಥಳಗಳಲ್ಲಿ ಅಶ್ಲೀಲವೆಂದು ಪರಿಗಣಿಸಲಾದ ಕೆಲವು ನಡವಳಿಕೆಗಳನ್ನು ನಿಷೇಧಿಸುತ್ತದೆ. ಒಂದು ವೇಳೆ ಈ ರೀತಿ ವರ್ತಿಸಿದರೆ ಕಾನೂನು ಕ್ರಮ ತೆಗೆದುಕೊಳ್ಳಬಹುದು. ಈ ವೇಳೆ ವ್ಯಕ್ತಿಯ ವರ್ತನೆ ಕಿರುಕುಳವಾಗಿಯೂ ಕಾಣಬಹುದು. ಹಾಗಾಗಿ ಲೈಂಗಿಕ ಕಿರುಕುಳ ಕಾಯ್ದೆಯಡಿ ಕ್ರಮ ಕೈಗೊಳ್ಳಬಹುದು.

ಕಪಲ್ಸ್ ಕೈ ಹಿಡಿಯಬಹುದೇ: ಈ ದೇಶದಲ್ಲಿ ಚುಂಬನ ಮತ್ತು ಮುದ್ದಾಡುವುದನ್ನು ಲೈಂಗಿಕತೆಯ ಭಾಗವೆಂದು ಪರಿಗಣಿಸಲಾಗುತ್ತದೆ. ಅವುಗಳನ್ನು ಸಾರ್ವಜನಿಕವಾಗಿ ಮಾಡದಿರುವುದು ಉತ್ತಮ. ಹಳ್ಳಿಗಳಲ್ಲಾಗಲಿ, ಸಣ್ಣ ಪಟ್ಟಣಗಳಲ್ಲಾಗಲಿ ಕೈ, ಕೈ ಹಿಡಿದು ನಡೆದರೂ ಜನ ಕಣ್ಣುಮುಚ್ಚುತ್ತಾರೆ. ಆದರೆ ದೊಡ್ಡ ನಗರಗಳಲ್ಲಿ ಇವುಗಳನ್ನು ನೋಡಲು ಯಾರೂ ಹೋಗುವುದಿಲ್ಲ.