Brinjal: ಈ ರೋಗ ಹೊಂದಿರುವವರು ಬದನೆಕಾಯಿ ತಿನ್ನಬೇಡಿ; ಇದರಿಂದ ಪ್ರಯೋಜನಕ್ಕಿಂತ ಹಾನಿಯೇ ಜಾಸ್ತಿ!

ಬಿಳಿಬದನೆ ಕ್ಯಾಲ್ಸಿಯಂ, ಕಬ್ಬಿಣ, ಮೆಗ್ನೀಸಿಯಮ್ ಮತ್ತು ಇತರ ಅಂಶಗಳಿಂದ ಸಮೃದ್ಧವಾಗಿದೆ. ಬಿಳಿಬದನೆ ಕಾಯಿ ಕ್ಯಾನ್ಸರ್ ವಿರುದ್ಧ ಹೋರಾಡುವ ಸಾಮಾರ್ಥ್ಯವನ್ನು ಸಹ ಹೊಂದಿದೆ. ಬದನೆಕಾಯಿಯನ್ನು ಸೇವಿಸುವುದರಿಂದ ಮೂಳೆಗಳು ಬಲಗೊಳ್ಳುತ್ತವೆ. ದೃಷ್ಟಿ ದೋಷ ಸುಧಾರಿಸಲು ಬಿಳಿಬದನೆ ಕಾಯಿ ಸಾಕಷ್ಟು ಉಪಕಾರಿಯಾಗಿದೆ.

ಬದನೆ ಕಾಯಿ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗುತ್ತದೆ. ಆದರೂ ಬದನೆಕಾಯಿಯಲ್ಲಿ ಕೆಲವು ಅನಾನುಕೂಲಗಳು ಇವೆ. ಏಕೆಂದರೆ ಬಿಳಿಬದನೆ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಅಷ್ಟಕ್ಕೂ ಬದನೆಕಾಯಿಯನ್ನು ಎಂತಹವರು ತಿನ್ನಬಾರದು ಎಂದು ನೋಡೋಣ..

ಬಿಳಿಬದನೆ ಸೇವಿಸುವುದರಿಂದ ಅನೇಕ ಮಂದಿಗೆ ಅಲರ್ಜಿ ಸಮಸ್ಯೆ ಕಾಡುತ್ತದೆ. ಹಾಗಾಗಿ ಅವರು ಬದನೆಕಾಯಿಯನ್ನು ತಿನ್ನಬಾರದು. ಏಕೆಂದರೆ ಅಲರ್ಜಿಯ ಸಮಯದಲ್ಲಿ ಬದನೆಕಾಯಿ ಉಸಿರಾಟದ ತೊಂದರೆ, ಊತ, ತುರಿಕೆ ಮುಂತಾದ ತೊಂದರೆಗಳನ್ನು ಉಂಟುಮಾಡಬಹುದು.

ಮೂತ್ರಪಿಂಡದಲ್ಲಿ ಕಲ್ಲು ಇರುವವರು ವೈದ್ಯರ ಸಲಹೆ ಪಡೆದ ನಂತರವಷ್ಟೇ ಬದನೆಕಾಯಿಯನ್ನು ಸೇವಿಸಬೇಕು. ಏಕೆಂದರೆ ಬದನೆಕಾಯಿಯಲ್ಲಿ ಕ್ಯಾಲ್ಸಿಯಂ ಪ್ರಮಾಣ ಹೆಚ್ಚಾಗಿರುತ್ತದೆ. ಇದರಿಂದ ತೊಂದರೆ ಉಂಟಾಗಬಹುದು. ಆದರೆ, ಈ ಬಗ್ಗೆ ಇನ್ನೂ ಹೆಚ್ಚಿನ ಸಂಶೋಧನೆ ನಡೆದಿಲ್ಲ. ಹಾಗಾಗಿ ವೈದ್ಯರ ಸಲಹೆ ಮೇರೆಗೆ ಮಾತ್ರ ಬದನೆಕಾಯಿಯನ್ನು ಸೇವಿಸಿ.

ಕಬ್ಬಿಣಾಂಶದ ಕೊರತೆಯಿರುವ ಜನರಿಗೆ ಬಿಳಿಬದನೆ ಕೆಲವೊಮ್ಮೆ ಹಾನಿಕಾರಕವಾಗಿದೆ. ಬಿಳಿಬದನೆ ಸಿಪ್ಪೆಯಲ್ಲಿ ಆಂಥೋಸಯಾನಿನ್ ಎಂಬ ನಾಸುನಿನ್ ಎಂಬ ರಾಸಾಯನಿಕವಿದೆ. ಇದು ಕಬ್ಬಿಣಾಂಶವನ್ನು ಕಡಿಮೆ ಮಾಡುತ್ತದೆ. ಇದು ದೇಹದಲ್ಲಿ ಕಬ್ಬಿಣಾಂಶದ ಕೊರತೆಗೆ ಕಾರಣವಾಗಬಹುದು.

ಹೊಟ್ಟೆಯ ತೊಂದರೆ ಇರುವವರು ಅಥವಾ ಗ್ಯಾಸ್-ಆಸಿಡಿಟಿ ಸಮಸ್ಯೆ ಇರುವವರು ಬದನೆಕಾಯಿ ತಿಂದರೆ ಅವು ಕೆಲವೊಮ್ಮೆ ಅಡ್ಡ ಪರಿಣಾಮ ಬೀರಬಹುದು. ಅಂತಹ ಪರಿಸ್ಥಿತಿಯಲ್ಲಿ ಹೊಟ್ಟೆಯ ಅಸ್ವಸ್ಥತೆ ಹೆಚ್ಚಾಗಬಹುದು.

ಕಣ್ಣಿನ ಸಮಸ್ಯೆ ಇರುವವರು ಅಥವಾ ಕಣ್ಣು ಉರಿ ಇರುವವರು ಬಿಳಿಬದನೆ ತಿನ್ನಬಾರದು. ಇದು ಅವರ ಕಣ್ಣುಗಳಲ್ಲಿ ಹೆಚ್ಚಿನ ನೋವು ಮತ್ತು ಉರಿಯೂತಕ್ಕೆ ಕಾರಣವಾಗಬಹುದು.