Nail Art: ಮದುವೆ ದಿನಕ್ಕೆ ಇಲ್ಲಿದೆ ಸಿಂಪಲ್ ನೈಲ್ ಆರ್ಟ್​ ಐಡಿಯಾಗಳು

ಮದುಮಗಳು ಎಲ್ಲರಿಗಿಂತಲೂ ವಿಭಿನ್ನವಾಗಿ ಕಾಣಬೇಕು, ಮದುವೆಯ ದಿನ ಎಲ್ಲರ ಕಣ್ಣು ಸಹ ಆಕೆಯ ಮೇಲೆ ಇರುತ್ತದೆ. ಹಾಗಾಗಿ ಪರ್ಫೆಕ್ಟ್​ ಆಗಿ ರೆಡಿಯಾಗುವುದು ಮುಖ್ಯ. ಅದಕ್ಕೆ ಸಹಾಯ ಮಾಡೋದು ಈ ನೈಲ್ ಆರ್ಟ್​. ನಿಮ್ಮ ಉಗುರು ಚೆಂದ ಇದ್ದರೆ ನಿಮ್ಮ ಲುಕ್ ಸೂಪರ್ ಆಗಿ ಕಾಣುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಗೋಲ್ಡ್ ಆಕ್ಸೆಂಟ್ ಜೆಲ್ ನೈಲ್ಸ್: ಉಗುರಿಗೆ ಗೋಲ್ಡ್​ ಬಣ್ಣ ಹಚ್ಚುವುದು ಸುಂದರವಾಗಿ ಕಾಣುತ್ತದೆ ಅದರ ಜೊತೆಗೆ ರಾಯಲ್ಲುಕ್ ಸಹ ನೀಡುತ್ತದೆ ಎನ್ನಬಹುದು. ಕೇವಲ ಒಂದು ಜೆಲ್ ನೈಲ್ ಪಾಲಿಶ್​ ಹಚ್ಚಿ ಅದರ ಮೇಲೆ ಗೋಲ್ಡನ್ ಬಣ್ಣದ ಹರಳುಗಳನ್ನು ಅಥವಾ ಸ್ಟಿಕರ್ ಹಚ್ಚಿದರೆ ಸೂಪರ್ ಆಗಿ ಕಾಣುತ್ತದೆ.

ಸ್ಟಡ್ ನೇಲ್ ಆರ್ಟ್: ನಿಮಗೆ ಇಷ್ಟವಾಗುವ ಬಣ್ಣದ ನೈಲ್ ಪಾಲಿಶ್​ ಹಚ್ಚಿ, ಅದರ ಮೇಲೆ ವಿವಿಧ ಡಿಸೈನ್​ಗಳ ಹರಳನ್ನು ಅಂಟಿಸಬಹುದು. ಕೇವಲ ಅರ್ಧ ಉಗುರಿಗೆ ನೈಲ್ ಪಾಲಿಶ್​ ಹಚ್ಚಿ ಉಳಿದ ಕಡೆ ಈ ಹರಳು ಹಚ್ಚುವುದು ಸಹ ಸುಂದರವಾಗಿ ಕಾಣುತ್ತದೆ.

ಗ್ಲಿಟರ್ ನೇಲ್ ಆರ್ಟ್: ಈ ಗ್ಲಿಟರ್ ನಿಮ್ಮ ಉಗುರಿನ ಅಂದವನ್ನು ಹೆಚ್ಚಿಸುತ್ತದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ನೈಲ್ ಪಾಲಿಶ್​ ಹಚ್ಚಿ, ಅದರ ಮೇಲೆ ಗ್ಲಿಟರ್ ಹಾಕುವುದು ಒಳ್ಳೆಯದು.

ಫ್ರೆಂಚ್ ಮೆನ್ಯೂಕ್ಯೂರ್: ಫ್ರೆಂಚ್ ಮೆನ್ಯೂಕ್ಯೂರ್ ಸಹ ನಿಮಗೆ ಸಿಂಪಲ್ ಆಗಿ ಸುಂದರ ಲುಕ್ ನೀಡುತ್ತದೆ. ಇದನ್ನು ನೀವು ಮನೆಯಲ್ಲಿ ಮಾಡಲಾಗದಿದ್ದರೆ, ಪಾರ್ಲರ್ ಹೋಗಿ ಮಾಡಿಸಿಕೊಳ್ಳಬಹುದು.

ಮಾರ್ಬಲ್ ನೈಲ್ಸ್: ಮಾರ್ಬಲ್ ಶೈಲಿಯೂ ಬಹಳ ವಿಭಿನ್ನವಾಗಿರುತ್ತದೆ. ಇದನ್ನು ನೀವು 2 ರಿಂದ 3 ನೈಲ್ ಪಾಲಿಶ್ ಬಳಸಿ ಮಾಡಬಹುದು. ರಿಸೆಪ್ಷನ್ ಸಮಯದಲ್ಲಿ ಈ ಆರ್ಟ್​ ಬಹಳ ಸುಂದರವಾಗಿ ಕಾಣುತ್ತದೆ.

ವೆರೈಟಿ ಡಿಸೈನ್: ನೀವು ನಿಮ್ಮ ಉಗುರಿನ ಬೇರೆ ನಿಮಗೆ ಬೇಕಾದ ಚಿತ್ರವನ್ನು ಬಿಡಿಸಬಹುದು, ಹೂವುಗಳು, ಹಾರ್ಟ್​ ಹೀಗೆ. ಒಂದೊಂದು ಉಗುರಿಗೆ ಒಂದೊಂದು ಬಣ್ಣವನ್ನು ಸಹ ಹಚ್ಚಬಹುದು.

ನಕಲಿ ಉಗುರುಗಳು: ಮಾರುಕಟ್ಟೆಯಲ್ಲಿ ನಿಮಗೆ ನಕಲಿ ಉಗುರುಗಳು ಲಭ್ಯವಿದೆ, ಅದನ್ನು ಸಹ ನೀವು ಬಳಸಬಹುದು.ನಿಮ್ಮ ಬಟ್ಟೆಗೆ ಸರಿ ಹೊಂದುವ ನಕಲಿ ಉಗುರುಗಳು ನಿಮಗೆ ಸಿಗುತ್ತದೆ.