Breast Cancer: 5 ಹಂತಗಳಲ್ಲಿ ಕಾಣಿಸಿಕೊಳ್ಳುವ ಸ್ತನ ಕ್ಯಾನ್ಸರ್​

ಸ್ತನದ ಜೀವಕೋಶದಲ್ಲಿ ಬೆಳೆಯುವ ಕ್ಯಾನ್ಸರ್ ಅನ್ನು ಸ್ತನ ಕ್ಯಾನ್ಸರ್ ಎಂದು ಕರೆಯಲಾಗುತ್ತದೆ. ಪುರುಷರಲ್ಲೂ ಸ್ತನ ಕ್ಯಾನರ್ ಕಂಡುಬರುತ್ತದೆ. ಆದರೆ ಪುರುಷರಿಗಿಂತ ಮಹಿಳೆಯರಲ್ಲಿ ಈ ರೋಗ ಕಂಡುಬರುವುದು ಹೆಚ್ಚು.

ಡಬ್ಲ್ಯೂಹೆಚ್ಒ ಪ್ರಕಾರ ಪ್ರತಿವರ್ಷ 2.1 ಮಿಲಿಯನ್ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಎಂಬ ಮಾರಕ ರೋಗವು ಕಂಡುಬರುತ್ತದೆ. ಆರಂಭದಲ್ಲಿ ಸ್ತನ ಕ್ಯಾನ್ಸರ್ ಬಗೆಗಿನ ಲಕ್ಷಣಗಳು ತಿಳಿದುಬಂದರೆ. ಸರಿಯಾದ ಚಿಕಿತ್ಸೆ ಪಡೆಯುವ ಮೂಲಕ ಗುಣಮುಖರಾಗಬಹುದು.

ವೈದ್ಯರು ಸ್ತನ ಕ್ಯಾನ್ಸರ್ ಅನ್ನು 5 ಹಂತಗಳಲ್ಲಿ ವಿಂಗಡಿಸಿದ್ದಾರೆ. ಅಂದರೆ ಸ್ತನದಲ್ಲಿ ಬೆಳೆದಿರುವ ಗಡ್ಡೆ ಎಷ್ಟು ಬೆಳೆದಿದೆ ಮತ್ತು ಎಷ್ಟು ಭಾಗಕ್ಕೆ ಪಸರಿಸಿದೆ ಎಂಬುದರ ಆಧಾರದಲ್ಲಿ ಚಿಕಿತ್ಸೆ ನೀಡಲಾಗುತ್ತದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ…

ಹಂತ 0: ಸ್ತನ ಕ್ಯಾನ್ಸರ್ ಅನ್ನು ಪ್ರಾರಂಭದಲ್ಲಿ ಕಂಡುಹಿಡಿಯುವುದು ಕಷ್ಟ. ಮನುಷ್ಯನ  ಸ್ತನದಲ್ಲಿ ಗೊತ್ತಿಲ್ಲದೆ  ಕ್ಯಾನ್ಸರ್ ಹುಟ್ಟಿಕೊಳ್ಳುತ್ತದೆ. ಇದನ್ನು ಡಕ್ಟಲ್ ಕಾರ್ಸಿನೋಮಿನ್ ಸಿತು (ಡಿಸಿಐಎಸ್) ಎಂದು ಕರೆಯುತ್ತಾರೆ..

ಹಂತ1: ಸ್ತನ ಕ್ಯಾನ್ಸರ್ ಗಡ್ಡೆಯಾಗಿ ಬೆಳೆಯುತ್ತದೆ. ಪ್ರಾರಂಭದಲ್ಲಿ 2 ಸೆಂ.ಮೀಟರ್​​ಗಿಂತಲೂ ಅಗಲವಾಗಿ ಬೆಳೆಯುತ್ತದೆ. ದುಗ್ಧರಸ ಗ್ರಂಥಿಗಳಲ್ಲಿ ಕೂಡ ಕ್ಯಾನ್ಸರ್ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.

ಹಂತ2: ಗಡ್ಡೆ ಸುಮಾರು 2 ಸೆ. ಮೀಟರ್​ಗೆ ದೊಡ್ಡದಾಗಿ ಬೆಳೆಯಲು ಪ್ರಾರಂಭಿಸುತ್ತದೆ. ನಂತರ ಹತ್ತಿರದ ದುಗ್ಧರಸ ಗ್ರಂಥಿಗಳ ಮೇಲೆ ಪರಿಣಾಮ ಬೀರುತ್ತದೆ. ಕೆಲವು ಸಮಯದಲ್ಲಿ ಗೆಡ್ಡೆ ಬೆಳೆಯದೇ ಹಾಗೆಯೇ ಉಳಿದುಕೊಳ್ಳುವ ಸಾಧ್ಯತೆಯಿದೆ.

ಹಂತ 3: ನಂತರ ಹಂತ ಹಂತವಾಗಿ ಗಡ್ಡೆಯ ಗಾತ್ರದಲ್ಲಿ ಬದಲಾವಣೆಯಾಗಬಹುದು. 5 ಸೆ. ಮೀಟರ್​ಗೂ ಹೆಚ್ಚು ದೊಡ್ಡದಾಗಿ ಬೆಳೆಯಬಹುದು. ಆಕ್ಸಿಲರಿ ದುಗ್ಧರಸ ಗ್ರಂಥಿಗಳ ಮೇಲೆ ಹರಡುತ್ತ ಪರಿಣಾಮ ಬೀರುತ್ತಾ ಬರುತ್ತದೆ.

ಹಂತ 4: ಸ್ತನ ಕ್ಯಾನ್ಸರ್ ಹರಡುತ್ತಾ ಹೋದಂತೆ ಯಕೃತ್, ಶ್ವಾಸಕೋಶ ಅಥವಾ ಮೆದುಳಿನ ಮೇಲೆ ಪರಿಣಾಂಮ ಬೀಳುತ್ತದೆ. ಮೂಳೆಗಳಿಗೂ ಹಾನಿಯಾಗುವ ಸಾಧ್ಯತೆಯಿದೆ.

ಮಹಿಳೆಯರು ಆರಂಭದಲ್ಲೇ ಸ್ತನ ಕ್ಯಾನ್ಸರ್ ಬಗ್ಗೆ ಪತ್ತೆಹಚ್ಚಬೇಕಾದರೆ ಮ್ಯಾಮೊಗ್ರಫಿ ಪರೀಕ್ಷೆಗೆ ಒಳಪಡುವುದು ಉತ್ತಮ. ಆ ಮೂಲಕ ಸ್ತನ ಕ್ಯಾನ್ಸರ್​ ಇದೆಯಾ ಎಂದು ಪತ್ತೆ ಹಚ್ಚಬಹುದಾಗಿದೆ.