Almond Milk: ಫಳಫಳನೆ ಹೊಳೆಯುವ ತ್ವಚೆಗಾಗಿ ಬಾದಾಮಿ ಹಾಲು ಕುಡಿಯಿರಿ!

ಇತ್ತೀಚಿನ ದಿನಗಳಲ್ಲಿ ಹಸುವಿನ ಹಾಲು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಇದರ ಸೇವನೆ ಹೆಚ್ಚಿದೆ. ಯಾಕಂದ್ರೆ ಹಸುವಿನ ಹಾಲಿನಲ್ಲಿ ಸಾಕಷ್ಟು ಕ್ಯಾಲ್ಸಿಯಂ ಇದೆ. ಆದರೆ ಸಸ್ಯಾಹಾರಿ ಆಹಾರ ಸೇವಿಸುವವರು, ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವವರು ಹಸುವಿನ ಹಾಲು ಸೇವಿಸುವುದಿಲ್ಲ. ಅಂತಹವರು ತೆಂಗಿನ ಹಾಲು ಮತ್ತು ಬಾದಾಮಿ ಹಾಲು ಕುಡಿಯುತ್ತಾರೆ.

ಬಾದಾಮಿ ಹಾಲು ಸಾಕಷ್ಟು ಆರೋಗ್ಯ ಪ್ರಯೋಜನ ನೀಡುತ್ತದೆ. ಇದು ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಬಾದಾಮಿ ಹಾಲು ಸೇವನೆಯು ಅಧಿಕ ರಕ್ತದೊತ್ತಡ ತಡೆದು ಹೃದಯ ಕಾಯಿಲೆಯಿಂದ ರಕ್ಷಿಸುತ್ತದೆ. ಇದು ಕೊಲೆಸ್ಟ್ರಾಲ್ ಅಥವಾ ಸ್ಯಾಚುರೇಟೆಡ್ ಕೊಬ್ಬು ಹೊಂದಿಲ್ಲ. ಹಾಲು ಕುಡಿಯಲು ಇಷ್ಟಪಡದ ಜನರಿಗೆ ಉತ್ತಮ ಪರ್ಯಾಯ. ಆರೋಗ್ಯಕರ ಕೊಬ್ಬು ಹೊಂದಿದೆ.

ಮೂಳೆಗಳನ್ನು ಆರೋಗ್ಯವಾಗಿಡಲು ಬಾದಾಮಿ ಹಾಲಿನ ಸೇವನೆ ಸಹಕಾರಿ. ಇದರಲ್ಲಿ ಕ್ಯಾಲ್ಸಿಯಂ ಇದೆ. ಬಾದಾಮಿ ಹಾಲು ಕುಡಿಯುವುದರಿಂದ ಸಂಧಿವಾತ ಮತ್ತು ಆಸ್ಟಿಯೊಪೊರೋಸಿಸ್ ಅಪಾಯ ಕಡಿಮೆ ಮಾಡುತ್ತದೆ. ಬಾದಾಮಿ ಹಾಲನ್ನು ವಿವಿಧ ಸ್ಮೂಥಿಗಳು ಮತ್ತು ಚಹಾದಲ್ಲಿ ಸೇವಿಸಬಹುದು.

ಬಾದಾಮಿ ಹಾಲಿನ ಸೇವನೆ ಚರ್ಮದ ಆರೋಗ್ಯ ಸುಧಾರಿಸುತ್ತದೆ. ಬಾದಾಮಿ ಹಾಲು ವಿಟಮಿನ್ ಇ ಯ ನೈಸರ್ಗಿಕ ಮೂಲ. ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. ಇದು ಉತ್ಕರ್ಷಣ ನಿರೋಧಕ ಗುಣ ಹೊಂದಿದೆ. ಉರಿಯೂತ ಕಡಿಮೆ ಮಾಡುತ್ತದೆ. ಬಾದಾಮಿ ಹಾಲು ಚರ್ಮವನ್ನು ಹಾನಿಕಾರಕ ಯುವಿ ಕಿರಣಗಳಿಂದ ರಕ್ಷಿಸುತ್ತದೆ.

ಬಾದಾಮಿ ಹಾಲಿನ ಸೇವನೆ ರಕ್ತದ ಸಕ್ಕರೆ ಮಟ್ಟ ನಿಯಂತ್ರಿಸುತ್ತದೆ. ಮಧುಮೇಹಿಗಳಿಗೆ ಬಾದಾಮಿ ಹಾಲು ಸರಿಯಾದ ಪ್ರಮಾಣದಲ್ಲಿ ಕಾರ್ಬೋಹೈಡ್ರೇಟ್ ಅಂಶ ನೀಡುತ್ತದೆ. ದೇಹವು ಶಕ್ತಿಯಾಗಿ ಪರಿವರ್ತಿಸಲು ಅಗತ್ಯವಿರುವ ಉತ್ತಮ ಸಕ್ಕರೆಯಾಗಿ ಪರಿವರ್ತಿಸಲು ಸಹಕಾರಿ.

ಬಾದಾಮಿ ಹಾಲಿನ ಸೇವನೆ ವಿಟಮಿನ್ ಇ ಒದಗಿಸುತ್ತದೆ. ವಿಟಮಿನ್ ಇ ಶಕ್ತಿಯುತ ಉತ್ಕರ್ಷಣ ನಿರೋಧಕವಾಗಿದೆ. ದೇಹದ ಉರಿಯೂತ ಮತ್ತು ಒತ್ತಡದ ವಿರುದ್ಧ ಹೋರಾಡುತ್ತದೆ. ಇದು ಕೋಶಗಳನ್ನು ಹಾನಿಯಿಂದ ತಪ್ಪಿಸುತ್ತದೆ. ಸ್ವತಂತ್ರ ರಾಡಿಕಲ್ ಒತ್ತಡ, ಉರಿಯೂತ ಮತ್ತು ರೋಗದ ಬೆಳವಣಿಗೆ ತಡೆಯುತ್ತದೆ.

ಬಾದಾಮಿ ಹಾಲಿನ ಸೇವನೆಯು ಲ್ಯಾಕ್ಟೋಸ್ ಮುಕ್ತವಾಗಿದೆ. ಲ್ಯಾಕ್ಟೋಸ್ ಅಸಹಿಷ್ಣುತೆ ಹೊಂದಿರುವ ಜನರಿಗೆ ಉತ್ತಮ ಆಯ್ಕೆ. ಡೈರಿ ಹಾಲಿನಲ್ಲಿ ಕಂಡು ಬರುವ ಸಕ್ಕರೆಯೇ ಲ್ಯಾಕ್ಟೋಸ್ ಆಗಿದೆ. ಇದನ್ನು ಜನರು ಸುಲಭವಾಗಿ ಜೀರ್ಣಿಸಿಕೊಳ್ಳಲು ಸಾಧ್ಯವಾಗಲ್ಲ. ಹಾಗಾಗಿ ಅಂತವರಿಗೆ ಬಾದಾಮಿ ಹಾಲು ಉತ್ತಮ ಆಯ್ಕೆ.

ಬಾದಾಮಿ ಹಾಲು ತಯಾರಿಸಲು ಬಾದಾಮಿ ಮತ್ತು ನೀರು. ಬಾದಾಮಿಯನ್ನು ರಾತ್ರಿ ನೆನೆಸಿಡಿ. ಬ್ಲೆಂಡರ್ ಗೆ ಎರಡು ಕಪ್ ನೀರು ಮತ್ತು ನೆನೆಸಿದ ಬಾದಾಮಿ ಸೇರಿಸಿ ಚೆನ್ನಾಗಿ ರುಬ್ಬಿರಿ. ನಂತರ ಹಾಲನ್ನು ಸೋಸಿ. ಗ್ಲಾಸ್ ಗೆ ಸರ್ವ್ ಮಾಡಿ.