Diet Tips: ಹೆಚ್ಚು Boiled Egg ತಿನ್ನೋದು ಭಾರೀ ಡೇಂಜರ್ ! ದಿನಕ್ಕೆ ಎಷ್ಟು ಮೊಟ್ಟೆ ತಿನ್ನಬೇಕು ಅಂತ ವಿವರಿಸಿದ್ದಾರೆ ವೈದ್ಯರು

ತೂಕ ಹೆಚ್ಚಾಗಿರೋದು ಅನೇಕರ ಸಮಸ್ಯೆ. ಅದ್ರಲ್ಲೂ ಕೊರೊನಾ ಬಂದಮೇಲಂತೂ ಮನೆಯಲ್ಲೇ ಕುಳಿತಲ್ಲೇ ಕೆಲಸ ಮಾಡೋದು ಹೆಚ್ಚಾಗಿರೋದ್ರಿಂದ ಈ ಸಮಸ್ಯೆ ಹೆಚ್ಚೇ. ಹಾಗಾಗಿ ತೂಕ ಇಳಿಸಿಕೊಳ್ಳೋಕೆ ಏನೆಲ್ಲಾ ವಿಧಾನಗಳಿವೆ ಎನ್ನುವ ಬಗ್ಗೆ ಜನ ತಿಳಿದುಕೊಳ್ಳುತ್ತಲೇ ಇರುತ್ತಾರೆ.

ಮೊಟ್ಟೆಯಲ್ಲಿ ಪ್ರೋಟೀನ್ ಅಂಶ ಹೆಚ್ಚಿರುತ್ತದೆ. ಹಾಗಾಗಿ ಜನ ಡಯೆಟ್ ಮಾಡಲು ನಿರ್ಧರಿಸಿದಾಗ ಮೊದಲು ಬೇಯಿಸಿದ ಮೊಟ್ಟೆಯನ್ನೇ ಆರಿಸಿಕೊಳ್ತಾರೆ. ಉತ್ತಮ ಪೌಷ್ಟಿಕಾಂಶಗಳನ್ನು ಮೊಟ್ಟೆ ಹೊಂದಿದೆ. ಮಾಂಸಖಂಡಗಳನ್ನು ಬಿಗಿ ಮಾಡಲು ಅಗತ್ಯವಾದ ಪ್ರೋಟೀನ್ ಮೊಟ್ಟೆಯಲ್ಲಿದೆ.

Boiled Egg Diet ಅಥವಾ ಬೇಯಿಸಿದ ಮೊಟ್ಟೆಯ ಡಯೆಟ್ ಇತ್ತೀಚೆಗೆ ಭಾರೀ ಹೆಸರು ಮಾಡ್ತಿದೆ. ಚೆನ್ನಾಗಿ ಬೇಯಿಸಿದ ಮೊಟ್ಟೆಯ ಜೊತೆಗೆ ಕಾರ್ಬೊಹೈಡ್ರೇಟ್ ಇರುವ ಕೆಲ ತರಕಾರಿಗಳು, ಹಣ್ಣುಗಳು ಎಲ್ಲವನ್ನೂ ಸೇರಿಸಿದ ಡಯೆಟ್ ಇದು.

ಇತ್ತೀಚೆಗೆ Boiled Egg ಎಷ್ಟು ಬಳಸಬೇಕು ಎನ್ನುವ ಬಗ್ಗೆ ಅಮೇರಿಕಾದ ವಿಶ್ವವಿದ್ಯಾಲಯವೊಂದರಲ್ಲಿ ಸಂಶೋಧನೆ ನಡೆಯಿತು. ಅದರಂತೆ ಬೆಳಗ್ಗೆ ತಿಂಡಿಯ ಸಂದರ್ಭದಲ್ಲಿ ಎರಡು ಬೇಯಿಸಿದ ಮೊಟ್ಟೆ ಮತ್ತು ಹಣ್ಣು, ಮಧ್ಯಾಹ್ನ ಬೇಕೆನಿಸಿದರೆ ಒಂದು ಮೊಟ್ಟೆ ಮತ್ತು ರಾತ್ರಿ ಕೇವಲ ತರಕಾರಿ ತಿನ್ನಬೇಕು ಎನ್ನಲಾಗಿದೆ. ಮೊಟ್ಟೆಯ ಜೊತೆಗೆ ಮೀನು ಮತ್ತು lean meat ಪದಾರ್ಥಗಳನ್ನೂ ಬಳಸಬಹುದು ಎನ್ನಲಾಗಿದೆ.

ಕಾರ್ಬೊಹೈಡ್ರೇಟ್ ಕಡಿಮೆ ತಿನ್ನೋದ್ರಿಂದ ದೇಹದ ತೂಕ ಇಳಿಕೆಗೆ ಸಹಾಯವಾಗಬಹುದು. ಆದ್ರೆ ಇದು ದೀರ್ಘಕಾಲದಲ್ಲಿ ಖಂಡಿತಾ ಸಹಕಾರಿಯಲ್ಲ. ಹಾಗಾಗಿ ಮೊಟ್ಟೆ ದೇಹ ತೂಕ ಇಳಿಸಲು ಆರಂಭದಲ್ಲಿ ಸಹಾಯ ಮಾಡಬಹುದೇ ಹೊರತು ನಿರಂತರವಾಗಿ ಅಲ್ಲ ಎಂದಿದ್ದಾರೆ ತಜ್ಞರು.

ಇನ್ನೊಬ್ಬ Dietician ಗ್ಯಾರಿ ಹೇಳುವ ಪ್ರಕಾರ ದಿನಕ್ಕೆ 3 ಮೊಟ್ಟೆ ತಿನ್ನುವುದು ಪರವಾಗಿಲ್ಲ. ಆದರೆ ಅದಕ್ಕಿಂತ ಹೆಚ್ಚು ಅಥವಾ ಬರೀ ಮೊಟ್ಟೆಯನ್ನೇ ಮುಖ್ಯ ಆಹಾರವಾಗಿ ತಿನ್ನುವುದು ಖಂಡಿತಾ ಒಳ್ಳೆಯದಲ್ಲ.

ಮತ್ತೊಂದು ಸಂಶೋಧನೆ ಪ್ರಕಾರ ಪ್ರತಿದಿನ ಮೊಟ್ಟೆ ತನ್ನುವವರಿಗೆ ಶೇಕಡಾ 20ರಷ್ಟು ಹೃದಯ ಸಂಬಂಧಿ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಾಗಿ ಇರುತ್ತದಂತೆ. ಹಾಗಾಗಿ ದಿನಕ್ಕಿಷ್ಟು ಎಂದು ಮೊಟ್ಟೆ ತಿಂದರೆ ಅದರಲ್ಲಿರೋ ಕೊಲೆಸ್ಟರಾಲ್ ಮತ್ತಿತರ ಅಂಶಗಳು ಲಿವರ್ ಗೆ ಹೊಡೆತ ನೀಡುತ್ತವೆ. ಆದ್ದರಿಂದ ವಾರಕ್ಕೆ 2ರಿಂದ 3 ಮೊಟ್ಟೆ ಮಾತ್ರ ತಿನ್ನುವುದು ಒಳ್ಳೆಯದು ಎನ್ನುತ್ತಾರೆ ತಜ್ಞರು.