Uric Acid Foods: ದೇಹದಲ್ಲಿ ಗೌಟ್ ಸಮಸ್ಯೆಯಿದ್ದರೆ ಈ ಆಹಾರ ತಿನ್ನೋ ಮುಂಚೆ ಯೋಚಿಸಿ!

ದೇಹದಲ್ಲಿ ನೋವು, ಕಾಲುಗಳಲ್ಲಿ ಊತ ಮತ್ತು ತೀವ್ರವಾದ ನೋವು ಇದ್ದರೆ ಅದನ್ನು ಯಾವತ್ತಿಗೂ ಕಡೆಗಣಿಸಬೇಡಿ. ಇದು ಹೆಚ್ಚಿನ ಯೂರಿಕ್ ಆಮ್ಲದ ಕೆಲವು ಲಕ್ಷಣವೂ ಆಗಿರುವ ಸಾಧ್ಯತೆ ಹೆಚ್ಚು. ಈ ನೋವು ಸಂಧಿವಾತದಂತೆ ಕಂಡು ಬರುತ್ತದೆ. ಆದರೆ ಯೂರಿಕ್ ಆಮ್ಲದ ಹೆಚ್ಚಳದಿಂದ ನೋವು ತುಂಬಾ ಹೆಚ್ಚಾಗುತ್ತದೆ. ಅದನ್ನು ಸಹಿಸಲು ಕಷ್ಟವಾಗುತ್ತದೆ.

ಯೂರಿಕ್ ಆಮ್ಲವು ದೇಹದಲ್ಲಿನ ಪ್ಯೂರಿನ್ ವಿಭಜನೆಯಿಂದ ಉತ್ಪತ್ತಿಯಾಗುವ ತ್ಯಾಜ್ಯ ಉತ್ಪನ್ನ. ನೀವು ಸೇವಿಸುವ ಆಹಾರದಿಂದ ಪ್ಯೂರಿನ್‌ಗಳು ದೇಹಕ್ಕೆ ಸೇರುತ್ತವೆ. ಯೂರಿಕ್ ಆಮ್ಲವು ರಕ್ತದಲ್ಲಿ ಸಂಗ್ರಹ ಆಗುತ್ತದೆ. ಈ ಕೊಳಕು ವಸ್ತುವು ಮೂತ್ರದ ಮೂಲಕ ಹೊರ ಬರುತ್ತದೆ. ಆದರೆ ಕೀಲುಗಳಲ್ಲಿ ಇದು ಸಂಗ್ರಹವಾಗಿ ಸಣ್ಣ ಕಲ್ಲುಗಳ ರೂಪವನ್ನು ಪಡೆಯುತ್ತದೆ. ರಕ್ತದಲ್ಲಿ ಯೂರಿಕ್ ಆಮ್ಲ ಹೆಚ್ಚಿದರೆ ಇದು ಗೌಟ್ ಸಮಸ್ಯೆ ಹೆಚ್ಚಿಸುತ್ತದೆ. ಕಿಡ್ನಿಯಲ್ಲಿ ಕಲ್ಲು ಆಗುತ್ತದೆ.

ಯೂರಿಕ್ ಆಮ್ಲವು ಬಿಯರ್ ಅಥವಾ ಸಕ್ಕರೆ ಪಾನೀಯದಿಂದ ಹೆಚ್ಚಾಗುವುದಿಲ್ಲ. ಆದರೆ ನೀವು ಸೇವಿಸುವ ಕೆಲವು ಆರೋಗ್ಯಕರ ಆಹಾರಗಳು ಸಹ ಗೌಟ್ ಹೆಚ್ಚಿಸುತ್ತವೆ. ಆಶ್ಚರ್ಯವೆನ್ನಿಸಿದರೂ ಇದು ನಿಜ ಅಂತಾರೆ ತಜ್ಞರು. ಯೂರಿಕ್ ಆಸಿಡ್ ಮಟ್ಟ ಹೆಚ್ಚಿಸಲು ಯಾವ ಆರೋಗ್ಯಕರ ಆಹಾರಗಳು ಕಾರಣವಾಗಿವೆ ಎಂಬುದನ್ನು ಇಲ್ಲಿ ನೋಡೋಣ.

ಹಣ್ಣಿನ ರಸ. ಫ್ರಕ್ಟೋಸ್ ಮತ್ತು ಸಕ್ಕರೆಯ ಪಾನೀಯಗಳು ಯೂರಿಕ್ ಆಮ್ಲವನ್ನು ತ್ವರಿತವಾಗಿ ಹೆಚ್ಚಿಸುತ್ತವೆ. ಗೌಟ್ ಕಾಯಿಲೆಯ ತೀವ್ರತೆ ಹೆಚ್ಚಿಸಬಹುದು. ಹಣ್ಣಿನ ರಸದಲ್ಲಿ ಪ್ಯೂರಿನ್ ಪ್ರಮಾಣವು ಹೆಚ್ಚಿಲ್ಲ. ಆದರೆ ಫ್ರಕ್ಟೋಸ್ನ ಕಾರಣ ಇದು ಯೂರಿಕ್ ಆಮ್ಲದ ಮಟ್ಟ ಹೆಚ್ಚಿಸಬಹುದು. ಇವು ದೇಹದಲ್ಲಿ ಸೆಲ್ಯುಲಾರ್ ಪ್ರಕ್ರಿಯೆ ಸಕ್ರಿಯಗೊಳಿಸುವ ಮೂಲಕ ಯೂರಿಕ್ ಆಮ್ಲ ಹೆಚ್ಚಿಸುತ್ತವೆ.

ಬ್ರೆಡ್ ಮತ್ತು ಅಕ್ಕಿ. ಗೌಟ್ ಸಮಯದಲ್ಲಿ ಬಿಳಿ ಬ್ರೆಡ್, ಕೇಕ್, ಬಿಳಿ ಅಕ್ಕಿ, ಸಕ್ಕರೆ ಮತ್ತು ಕುಕೀಗಳಂತಹ ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ ಸೇವಿಸಬಾರದು. ಈ ಆಹಾರಗಳಲ್ಲಿ ಪ್ಯೂರಿನ್ ಅಥವಾ ಫ್ರಕ್ಟೋಸ್ ಹೆಚ್ಚಿಲ್ಲ. ಆದರೆ ಅವುಗಳಲ್ಲಿ ಪೌಷ್ಟಿಕಾಂಶದ ಮೌಲ್ಯವು ಕಡಿಮೆ. ಸಂಸ್ಕರಿತ ಆಹಾರ ತಿಂಡಿಗಳು, ಹೆಪ್ಪುಗಟ್ಟಿದ ಊಟಗಳು ಸೇವನೆ ತಪ್ಪಿಸಿ. ಇದು ಕೀಲುಗಳಲ್ಲಿ ಸಂಧಿವಾತದ ಸಮಸ್ಯೆ ಹೆಚ್ಚಿಸಬಹುದು.

ಮೀನು. ಆಂಚೊವಿಗಳು, ಚಿಪ್ಪುಮೀನುಗಳು, ಸಾರ್ಡೀನ್ಗಳು ಮತ್ತು ಟ್ಯೂನ ಮೀನು ಕೆಲವು ರೀತಿಯ ಮೀನುಗಳು ಪ್ಯೂರಿನ್ಗಳಲ್ಲಿ ಹೆಚ್ಚಿನ ಪ್ರಮಾಣ ಹೊಂದಿವೆ. ಗೌಟ್ ಸಮಸ್ಯೆ ಇದ್ದರೆ ಅವುಗಳ ಸೇವನೆ ತಪ್ಪಿಸಿ. ಸಮುದ್ರಾಹಾರ ಸೇವನೆಯು ದಿನಕ್ಕೆ 6 ಔನ್ಸ್ಗಿಂತ ಕಡಿಮೆಯಿರಬೇಕು.

ಅಂಗ ಮಾಂಸ. ಪ್ರಾಣಿಗಳ ಮೂತ್ರಪಿಂಡ, ಯಕೃತ್ತು ಮತ್ತು ಸ್ವೀಟ್ಬ್ರೆಡ್ ಅಂಗ ಮಾಂಸಗಳು ಪ್ಯೂರಿನ್ಗಳಲ್ಲಿ ಅಧಿಕವಾಗಿವೆ. ಇವುಗಳ ಸೇವನೆಯು ಹೆಲ್ತ್ ಸಮಸ್ಯೆ ಉಂಟು ಮಾಡುತ್ತದೆ. ಇದು ಗೌಟ್ ಅಥವಾ ಸಂಧಿವಾತ ಸಮಸ್ಯೆ ಹೆಚ್ಚು ಮಾಡುತ್ತದೆ.

ಸಮುದ್ರಾಹಾರ. ಏಡಿ, ಸೀಗಡಿ, ಸಿಂಪಿ ಮತ್ತು ಚಿಪ್ಪುಮೀನು ಸಮುದ್ರಾಹಾರವು ಗೌಟ್ ಸಮಸ್ಯೆಗೆ ಕಾರಣವಾಗುತ್ತದೆ. ನಿರ್ದಿಷ್ಟವಾಗಿ ರೋಯ್ ಮತ್ತು ಮಿಲ್ಟ್ ಪ್ಯೂರಿನ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿದೆ. ಹಾಗಾಗಿ ಗೌಟ್ ಸಮಸ್ಯೆ ಇದ್ದರೆ ಈ ಪದಾರ್ಥಗಳ ಸೇವನೆ ತಪ್ಪಿಸಿ.