Body Building: ನಾನ್‌ವೆಜ್ ತಿನ್ನದೆಯೂ ಬಾಡಿ ಬಿಲ್ಡ್ ಮಾಡಬಹುದು! ಈ ಬಗ್ಗೆ ವೇಟ್ ಲಿಫ್ಟರ್ ಹೇಳುವುದೇನು ಗೊತ್ತಾ?

ಇಂದೋರ್ ನಿವಾಸಿ ಜೋಗಿಂದರ್ ತಿವಾರಿ ಅವರು ನಾನ್​ವೆಜ್ ತಿನ್ನದೇ ಹೇಗೆ ಬಾಡಿ ಬಿಲ್ಡ್ ಮಾಡಬೇಕೆಂದು ಸಾಕಷ್ಟು ಮಂದಿಗೆ ಹೇಳಿಕೊಟ್ಟಿದ್ದಾರೆ.  ಬಾಡಿ ಬಿಲ್ಡಿಂಗ್ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ಜೋಗಿಂದರ್ ಅವರು ಇಂದೋರ್​ನಲ್ಲಿ ಫೇಮಸ್. ಜೋಗಿಂದರ್ ಕಾಲು ಮುರಿದರೂ ವೇಟ್ ಲಿಫ್ಟಿಂಗ್ ನಲ್ಲಿ ಚಿನ್ನದ ಪದಕ ಗೆದ್ದರು. ಅಲ್ಲದೇ ಬಾಲ್ಯದಿಂದಲೂ ಇವರಿಗೆ ದೇಹದಾರ್ಢ್ಯದಲ್ಲಿ (ಜಿಮ್) ಒಲವು ಇತ್ತು.

ನಾನ್ ವೆಜ್ ತಿನ್ನದೇ ಉತ್ತಮ ಬಾಡಿ ಸಿಕ್ಕಿದ ಖುಷಿ ಇದೆ. ಆದರೆ ಎಷ್ಟೋ ಮಂದಿ , ನಾನ್ ವೆಜ್ ತಿನ್ನುವುದರಿಂದ ಉತ್ತಮ ಬಾಡಿ ಪಡೆಯಬಹುದು ಎಂಬ ತಪ್ಪು ಕಲ್ಪನೆ ಹೊಂದಿದ್ದಾರೆ. ಆದರೆ ಅದು ಸತ್ಯವಲ್ಲ ಎಂದು ಜೋಗಿಂದರ್ ಹೇಳಿದ್ದಾರೆ.

ಸೋಯಾಬೀನ್ ನಲ್ಲಿ ಅತ್ಯಧಿಕ ಪ್ರೊಟೀನ್ ಅಂಶವಿದೆ. ಬೇಳೆಕಾಳು ಮತ್ತು ಅಕ್ಕಿಯಂತಹ ಎರಡು ಧಾನ್ಯಗಳನ್ನು ಒಟ್ಟಿಗೆ ಸೇವಿಸಿದರೆ, ಅದು ಪ್ರೋಟೀನ್ ಆಗಿಯೂ ಕಾರ್ಯನಿರ್ವಹಿಸುತ್ತದೆ. ಅಲ್ಲದೇ, ಕಾಳುಗಳು ಸಹ ಬಹಳಷ್ಟು ಪ್ರೋಟೀನ್ಗಳನ್ನು ಹೊಂದಿರುತ್ತವೆ. ಹಾಗಾಗಿ ನಾನ್ ವೆಜ್ ತಿನ್ನದೇ ಬಾಡಿ ಬಿಲ್ಡ್ ಮಾಡಬಹುದು ಎಂದಿದ್ದಾರೆ.

ನಿಜವಾದ ಶುದ್ಧ ಸಸ್ಯಾಹಾರಿಗಳಾಗಿರುವಲ್ಲಿಯೂ ಅನೇಕ ಮಂದಿ ಜಿಮ್ ಟ್ರೇನರ್ ಆಗಿದ್ದಾರೆ. ಆ ಪಟ್ಟಿಯಲ್ಲಿ ಜೋಗಿಂದರ್ ಕೂಡ ಇದ್ದಾರೆ. ಆರೋಗ್ಯಕರ ಜೀವನಶೈಲಿಗಾಗಿ ಸಸ್ಯ ಆಧಾರಿತ ಆಹಾರವು ಉತ್ತಮವಾಗಿದೆ. ಆದರೆ ಸ್ನಾಯುವನ್ನು ನಿರ್ಮಿಸುವುದು ಸವಾಲಾಗಿರಬಹುದು.

ಬಾಡಿ ಬಿಲ್ಡಿಂಗ್​ ದೇಹದ  ಸ್ನಾಯುಗಳನ್ನು ಗಟ್ಟಿಆಗಿಸುತ್ತದೆ. ಆದರೆ ದೇಹದ ವಿವಿಧ ಭಾಗಗಳು ಆರೋಗ್ಯಕರ ಮತ್ತು ಸಕ್ರಿಯವಾಗಿರಬೇಕು. ಇಲ್ಲದಿದ್ದರೆ, ಅನೇಕ ದೈಹಿಕ ಸಮಸ್ಯೆಗಳು ಉದ್ಭವಿಸುತ್ತವೆ.

ವ್ಯಾಯಾಮ ಮಾಡುವಾಗ, ನಿಮ್ಮ ಹೃದಯ ಬಡಿತವನ್ನು ನೀವು ಎಚ್ಚರಿಕೆಯಿಂದ ಗಮನಿಸುತ್ತಿರಬೇಕು. ಚೆನ್ನಾಗಿ ನೀರು ಕುಡಿಯಿರಿ. ಮೆದುಳು ದಣಿದಿದೆಯೇ ಎಂಬುದನ್ನು ಸಹ ಗಮನಿಸಬೇಕು.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)