Black Carrot Benefits: ಚಳಿಗಾಲದಲ್ಲಿ ಕಪ್ಪು ಕ್ಯಾರೆಟ್ ತಿನ್ನೋದನ್ನ ಮರೆಯಬೇಡಿ; ಕಡಿಮೆ ಮಾಡುತ್ತೆ ಗಂಭೀರ ಕಾಯಿಲೆಗಳ ಅಪಾಯ

ಸಾಮಾನ್ಯ ಕ್ಯಾರೆಟ್​ಗಳಿಗಿಂದ ಕಪ್ಪು ಕ್ಯಾರೆಟ್ ಹೆಚ್ಚು ರುಚಿಯನ್ನು ಹೊಂದಿರುತ್ತದೆ. ಕಪ್ಪು ಕ್ಯಾರೆಟ್ ಸೇವನೆಯ ನಂತರ ಅದರ ರುಚಿ ದೀರ್ಘಕಾಲದವರೆಗೆ ಬಾಯಿಯಲ್ಲಿ ಉಳಿಯುತ್ತದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್‌ನಲ್ಲಿ ಫೈಬರ್, ಪೊಟ್ಯಾಸಿಯಮ್, ವಿಟಮಿನ್-ಎ, ವಿಟಮಿನ್-ಸಿ, ಮ್ಯಾಂಗನೀಸ್, ವಿಟಮಿನ್-ಬಿ ಮುಂತಾದ ಪೋಷಕಾಂಶಗಳಿವೆ. ಇದು ಉತ್ತಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಕಪ್ಪು ಕ್ಯಾರೆಟ್‌ನ ಪ್ರಯೋಜನಗಳು ಏನು ಎಂಬುದರ ಮಾಹಿತಿ ಇಲ್ಲಿದೆ.

ಆಂಥೋಸಯಾನಿನ್ ಎಂಬ ಅಂಶ ಕಪ್ಪು ಕ್ಯಾರೆಟ್‌ನಲ್ಲಿ ಹೇರಳವಾಗಿದೆ. ಇದು ಹೃದಯದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಕಪ್ಪು ಕ್ಯಾರೆಟ್ ರಕ್ತ ಶುದ್ಧೀಕರಣದಲ್ಲಿ ಸಹಾಯ ಮಾಡಲಿದ್ದು, ರಕ್ತದ ಪ್ರಮಾಣವನ್ನು ಹೆಚ್ಚಳ ಮಾಡಲಿದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್​ನಲ್ಲಿ ಫೈಬರ್​ ಸಮೃದ್ಧವಾಗಿದೆ, ಇದು ಜೀರ್ಣಾಂಗ ವ್ಯವಸ್ಥೆಯನ್ನು ವೃದ್ಧಿಸೋದರ ಜೊತೆಗೆ ಮಲಬದ್ಧತೆ, ಗ್ಯಾಸ್, ಉಬ್ಬುವುದು, ಎದೆಯುರಿ, ಚಡಪಡಿಕೆ, ಅತಿಸಾರದಂತಹ ಕಾಯಿಲೆಗಳನ್ನು ಗುಣಪಡಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್ ಸೇವನೆಯಿಂದ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಇದು ಬ್ಯಾಕ್ಟೀರಿಯಾ ಮತ್ತು ವೈರಸ್ ಎರಡನ್ನೂ ಕೊಲ್ಲುವ ಸಾಮರ್ಥ್ಯವನ್ನು ಹೊಂದಿದೆ. ಕಪ್ಪು ಕ್ಯಾರೆಟ್ ಶೀತ ಮತ್ತು ಜ್ವರದಿಂದ ರಕ್ಷಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್ ವಿಟಮಿನ್ ಸಿ ಹೊಂದಿದ್ದು, ಇದು ರಕ್ತದಲ್ಲಿನ ಬಿಳಿ ರಕ್ತ ಕಣಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ. ಇದು ದೇಹವನ್ನು ಬಾಹ್ಯ ಸೋಂಕು ಅಥವಾ ರೋಗದಿಂದ ರಕ್ಷಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್‌ನಲ್ಲಿ ವಿಟಮಿನ್ ಎ ಕೂಡ ಸಮೃದ್ಧವಾಗಿದೆ. ಇದರಲ್ಲಿ ಬೀಟಾ ಕ್ಯಾರೋಟಿನ್ ಕೂಡ ಇದೆ. ಇದು ಕಣ್ಣುಗಳಿಗೆ ಪ್ರಯೋಜನಕಾರಿಯಾಗಿದೆ. ದೃಷ್ಟಿ ಸುಧಾರಣೆಗೆ ಕಪ್ಪು ಕ್ಯಾರೆಟ್ ಸಹಕಾರಿಯಾಗಿದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್ ಸೇವನೆಯು Alzheimer's ವಿರುದ್ಧ ನಿಮ್ಮ ಕಾಯವನ್ನು ರಕ್ಷಣೆ ಮಾಡುತ್ತದೆ. ನರವೈಜ್ಞಾನಿಕ ಕಾಯಿಲೆಗಳನ್ನು ನಿಯಂತ್ರಣಕ್ಕೆ ಕಪ್ಪು ಕ್ಯಾರೆಟ್ ಸೂಕ್ತ ಎಂದು ಅಧ್ಯಯನಗಳು ಹೇಳಿವೆ. (ಸಾಂದರರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್ ಕ್ಯಾನ್ಸರ್ ಕೋಶಗಳನ್ನು ನಾಶಪಡಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದರಲ್ಲಿ ಆಂಥೋಸಯಾನಿನ್ ರಾಸಾಯನಿಕಗಳು ಇರುವುದರಿಂದ ಉರಿಯೂತ ನಿವಾರಕ ಗುಣಗಳನ್ನು ಹೊಂದಿದೆ. ಈ ಕ್ಯಾರೆಟ್‌ಗಳು ದೇಹಕ್ಕೆ ಕಾರ್ಸಿನೋಜೆನಿಕ್ ಕಣಗಳ ಪ್ರವೇಶವನ್ನು ತಡೆಯುತ್ತದೆ. (ಸಾಂದರ್ಭಿಕ ಚಿತ್ರ)

ಕಪ್ಪು ಕ್ಯಾರೆಟ್ ಮಧುಮೇಹಿಗಳಿಗೆ ರಾಮಬಾಣವಾಗಿ ಕೆಲಸ ಮಾಡುತ್ತದೆ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡುತ್ತದೆ. ಇದರ ಜೊತೆಗೆ ಮಧುಮೇಹದ ಅಪಾಯವನ್ನು ಕಡಿಮೆ ಮಾಡುತ್ತದೆ. (ಗಮನಿಸಿ: ಈ ಲೇಖನದಲ್ಲಿ ನೀಡಲಾದ ಮಾಹಿತಿ ಮತ್ತು ಸಲಹೆಗಳು ಸಾಮಾನ್ಯ ಮಾಹಿತಿಯನ್ನು ಆಧರಿಸಿವೆ. ನ್ಯೂಸ್ 18 ಕನ್ನಡ ಇದನ್ನು ಅನುಮೋದಿಸುವುದಿಲ್ಲ. ಇದನ್ನು ಕಾರ್ಯಗತಗೊಳಿಸುವ ಮೊದಲು, ಸಂಬಂಧಪಟ್ಟ ತಜ್ಞರನ್ನು ಸಂಪರ್ಕಿಸಿ.)