Weight Loss: ಹೊಟ್ಟೆ ತುಂಬಾ ಬಿರಿಯಾನಿ ತಿಂದ್ರೂ ಸ್ವಲ್ಪನೂ ದಪ್ಪ ಆಗಲ್ಲ; ಆದ್ರೆ ಈ 3 ಕೆಲ್ಸ ಮಾಡಿದ್ರೆ ಮಾತ್ರ!

ಬಿರಿಯಾನಿ ಹೆಸರು ಕೇಳಿದರೆ ಸಾಕು, ಎಲ್ಲರ ಬಾಯಲ್ಲಿ ನೀರೂರಿಸುತ್ತದೆ. ಬಿರಿಯಾನಿ ನೋಡುತ್ತಿದ್ದರೆ ಎಂತವರಿಗೆ ಆದರೂ ತಿನ್ನಬೇಕು ಎಂಬ ಆಸೆ ಬರುತ್ತದೆ. ಆದರೆ ಎಲ್ಲಿ ತೂಕ ಹೆಚ್ಚಾಗುತ್ತದೆಯೋ ಎಂಬ ಭಯದಿಂದ ಜನ ಬಿರಿಯಾನಿ ತಿನ್ನಲು ಹಿಂಜರಿಯುತ್ತಾರೆ. ಹಾಗಾಗಿ ಈ ಟೇಸ್ಟಿ ಫುಡ್ ಸವಿಯಲು ಆಗದೇ, ಬೇಸರಗೊಳ್ಳುತ್ತಾರೆ.

ಇಂದಿನ ದಿನದಲ್ಲಿ ಬಿರಿಯಾನಿ ತಿನ್ನದೇ ಇರಲು ಯಾರಿಗೆ ತಾನೇ ಸಾಧ್ಯ ಹೇಳಿ? ಆದರೂ ಮಸಾಲೆಯುಕ್ತ ಆಹಾರ ಸೇವಿಸಿದರೆ ಎಲ್ಲಿ ತೂಕ ಹೆಚ್ಚಾಗುತ್ತೋ ಅಂತ ಅನೇಕ ಮಂದಿ ಬಿರಿಯಾನಿ ಬಗ್ಗೆ ಮಾತು ಕೂಡ ಆಡುವುದಿಲ್ಲ.

ನಿಮ್ಮ ಹೃದಯ ಬಿರಿಯಾನಿ ತಿನ್ನಬೇಕು ಎಂದು ಹೇಳಿದರೂ, ಮೆದುಳು ಮಾತ್ರ ತೂಕ ಹೆಚ್ಚಾಗುತ್ತದೆ ಎಂದು ನಿಮ್ಮನ್ನು ತಡೆಯುತ್ತಿರುತ್ತದೆ. ಆದರೆ ನಾವಿಂದು ಈ ರುಚಿಕರವಾದ ಬಿರಿಯಾನಿ ತಿನ್ನಬೇಕೋ? ಬೇಡವೋ ಎಂಬ ಬಗ್ಗೆ ತಿಳಿಸುತ್ತೇವೆ. ಹೌದು, ಇನ್ಮುಂದೆ ನಿಮ್ಮ ಮನಸ್ಸು ಬೇಕು ಎನ್ನುವಷ್ಟು ಬಿರಿಯಾನಿ ತಿನ್ನಿ. ಆದರೆ ತಿಂದ ನಂತರ ಈ ಕೆಲಸಗಳನ್ನು ಮಾಡಿ, ಇದರಿಂದ ಖಂಡಿತ ತೂಕ ಹೆಚ್ಚಾಗುವುದಿಲ್ಲ.

ಪೌಷ್ಟಿಕ ತಜ್ಞರ ಪ್ರಕಾರ, ಒಂದು ಪ್ಲೇಟ್ ಬಿರಿಯಾನಿ ಸರಾಸರಿ 500 ರಿಂದ 800 ಕ್ಯಾಲೋರಿಗಳನ್ನು ಹೊಂದಿರುತ್ತದೆ. ಅದು ದೇಹದಿಂದ ಹೊರ ಹೋದರೆ ಚಿಂತೆ ಇಲ್ಲ. ಹಾಗಾಗಿ ತಿಂದ ನಂತರ ವಾಕಿಂಗ್ ಮಾಡಿ. ಒಂದೂವರೆ ಕಿ.ಮೀ. ನಡೆಯುವುದರಿಂದ ಸುಮಾರು 100 ಕ್ಯಾಲೋರಿಗಳು ಕರಗುತ್ತವೆ. 

ವಾಕಿಂಗ್ ಮಾಡುವಾಗ ವೇಗ ಹೆಚ್ಚಿದ್ದರೆ ಸ್ವಲ್ಪ ಹೆಚ್ಚು ತೂಕ ಇಳಿಕೆ ಆಗುತ್ತದೆ. ದೇಹದಿಂದ ಹಾನಿಕಾರಕ ವಿಷಕಾರಿ ವಸ್ತುಗಳನ್ನು ತೆಗೆದುಹಾಕುತ್ತದೆ. ಅಲ್ಲದೇ ತೂಕ ಇಳಿಸಲು ಸಹಾಯಕವಾಗಿದೆ. 

ಇನ್ನೊಂದು ವಿಚಾರವೆಂದರೆ ಬೆಳಗ್ಗೆ ವ್ಯಾಯಾಮ ಮಾಡಬೇಕು. ಅದು ಹೆಚ್ಚು ಹೊತ್ತು ಕೂಡ ಅಲ್ಲ, ಕೇವಲ 20 ರಿಂದ 25 ನಿಮಿಷಗಳ ಕಾಲ ವ್ಯಾಯಾಮ ಮಾಡಿದರೆ ಸಾಕು. 

ನೀವು ಸ್ವಲ್ಪ ಕಠಿಣ ವ್ಯಾಯಾಮ ಮಾಡಿದರೆ, ನೀವು ಹೆಚ್ಚು ತೂಕ ಇಳಿಸಬಹುದು. ತಜ್ಞರ ಪ್ರಕಾರ, ಜಾಗಿಂಗ್ ಹೆಚ್ಚು ಕ್ಯಾಲೋರಿಗಳನ್ನು ಸುಡುತ್ತದೆ. 

ಬೇರೆ ರೀತಿಯಲ್ಲಿ ಹೇಳುವುದಾದರೆ, ಇದು ಎಲ್ಲಾ ಕ್ಯಾಲೋರಿಗಳನ್ನು ಕಡಿಮೆ ಮಾಡುತ್ತದೆ. ಫುಲ್ ಬಿರಿಯಾನಿ ತಿಂದ ನಂತರ ಆಲಸ್ಯ ಅನುಭವಿಸಬೇಡಿ. ಸಕ್ರಿಯ ಮತ್ತು ದೈಹಿಕವಾಗಿ ಸಕ್ರಿಯರಾಗಿರಿ. ಆಗ ಮಾತ್ರ ಕೊಬ್ಬು ಹೆಚ್ಚಾಗುವುದಿಲ್ಲ.