Biriyani Masala: ಬಿರಿಯಾನಿ ಮಾಡ್ತಿದ್ದೀರಾ? ಹಾಗಾದ್ರೆ ಈ ಮಸಾಲ ಟ್ರೈ ಮಾಡಿ, ರುಚಿ ನೋಡಿ ಕಳೆದು ಹೋಗ್ತೀರಾ!

ನೀವು ಅಂಗಡಿಗಳಲ್ಲಿ ಬಿರಿಯಾನಿ ಖರೀದಿಸಿ ತಿಂದರೂ ಅಥವಾ ಮನೆಯಲ್ಲಿ ಬಿರಿಯಾನಿ ತಯಾರಿಸಿ ತಿಂದರೂ ಎರಡರ ರುಚಿಯಲ್ಲೂ ವ್ಯತ್ಯಾಸ ಇರುತ್ತದೆ. ಮನೆಯಲ್ಲಿ ಮಾಡುವ ಬಿರಿಯಾನಿ ಹೋಟೆಲ್ ಟೆಸ್ಟ್ ನೀಡುವುದಿಲ್ಲ. ಇದಕ್ಕೆ ಕಾರಣ ಅವರು ಸೇರಿಸುವ ವಿಶಿಷ್ಟ ಮಸಾಲೆ. ಅಷ್ಟಕ್ಕೂ ಬಿರಿಯಾನಿಗೆ ಸೇರಿಸುವ ಮಸಾಲೆ ಪುಡಿಯನ್ನು ಹೇಗೆ ಮಾಡಬೇಕೆಂದು ಇಂದು ನಾವು ನಿಮಗೆ ಹೇಳಿಕೊಡುತ್ತಿದ್ದೇವೆ.

ಬಿರಿಯಾನಿ ಮಸಾಲೆ ಪುಡಿ ತಯಾರಿಸಲು ಬೇಕಾಗುವ ಸಾಮಾಗ್ರಿಗಳು: ತೊಗಟೆ – 100 ಗ್ರಾಂ, ಏಲಕ್ಕಿ – 50 ಗ್ರಾಂ, ಲವಂಗ – 50 ಗ್ರಾಂ

1. ಬಿರಿಯಾನಿ ಮಸಾಲಾ ಪುಡಿಯನ್ನು ತಯಾರಿಸುವ ಮುನ್ನ ತಿಳಿದುಕೊಳ್ಳಬೇಕಾದ ಪ್ರಮುಖ ವಿಚಾರವೆಂದರೆ ತೊಗಟೆ, ಲವಂಗ, ಏಲಕ್ಕಿ ಪದಾರ್ಥಗಳನ್ನು ಸರಿಯಾದ ಪ್ರಮಾಣದಲ್ಲಿ ಹಾಕಬೇಕು.

2. ತೊಗಟೆ ಸೇರಿಸಿದ ಒಂದು ಭಾಗವಾಗಿದ್ದರೆ ಲವಂಗ ಮತ್ತು ಏಲಕ್ಕಿ ಅದರ ಅರ್ಧದಷ್ಟು ಇರಬೇಕು. ಇವುಗಳಲ್ಲಿ ಯಾವುದಾದರೂ ಪದಾರ್ಥಗಳ ಪ್ರಮಾಣವನ್ನು ಹೆಚ್ಚಿಸಿದರೆ ಬಿರಿಯಾನಿಯ ರುಚಿ ಮತ್ತು ಪರಿಮಳ ಬದಲಾಗುತ್ತದೆ.

3. ಈ ಬಿರಿಯಾನಿ ಮಸಾಲಾ ಪುಡಿಯನ್ನು ತಯಾರಿಸಲು ಮೊದಲು ನೀವು ಈ 3 ಮಸಾಲೆಗಳನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಬೇಕು. ಬಿಸಿಲಿನಲ್ಲಿ ಒಣಗಿಸಲು ಸಾಧ್ಯವಾಗದವರು ಈ ಮಸಾಲೆಗಳನ್ನು ಸ್ವಲ್ಪ ಸಮಯ ಒಲೆಯಲ್ಲಿ ಹುರಿಯಬೇಕು.

4. ನಂತರ ಅದನ್ನು ತಣ್ಣಗಾಗಲು ಬಿಡಿ ಮತ್ತು ಮಿಕ್ಸರ್ ಜಾರ್ನಲ್ಲಿ ಪುಡಿ ಮಾಡಿ. ರುಬ್ಬಿದ ಬಿರಿಯಾನಿ ಮಸಾಲವನ್ನು ಪೇಪರ್ ಮೇಲೆ ಸುರಿಯಿರಿ, ಬಳಿಕ ಮಸಾಲ ಸ್ವಲ್ಪ ತಣ್ಣಗಾಗಲು ಬಿಟ್ಟು ಆಮೇಲೆ ಪಾತ್ರೆಯಲ್ಲಿ ಹಾಕಿ ಮುಚ್ಚಿಡಬಹುದು.

ನೀವು ಒಂದು ಕಿಲೋ ಮಟನ್ ಬಿರಿಯಾನಿ ಮಾಡುತ್ತಿದ್ದರೆ ಈ ಬಿರಿಯಾನಿ ಮಸಾಲವನ್ನು ಒಂದು ಚಮಚ ಸೇರಿಸಿ. ಚಿಕನ್ ಬಿರಿಯಾನಿಯಾದರೆ 3/4 ಚಮಚ ಮಸಾಲ ಹಾಕಬಹುದು. ಇದರಿಂದ ಮಾಡುವ ಬಿರಿಯಾನಿಯ ರುಚಿಯೇ ವಿಶಿಷ್ಟವಾಗಿರುತ್ತದೆ.