Beware, Gym Goer: ಬಾಡಿ ಫಿಟ್ ಆಗಿರ್ಬೇಕು ಅಂತ ಈ ಪ್ರೋಟೀನ್ ಪೌಡರ್ ತಗೋತಿದ್ರೆ ಈಗ್ಲೇ ಬಿಡಿ, ಇದು ಬಹಳ ಡೇಂಜರ್!

ಆರೋಗ್ಯವನ್ನು ಕಾಪಾಡಿಕೊಳ್ಳಲು, ದೇಹವನ್ನು ಫಿಟ್ ಆಗಿರಿಸಿಕೊಳ್ಳಲು ವ್ಯಾಯಾಮ ಮಾಡುವುದು ಉತ್ತಮವೇ ಆದರೆ ಅತಿಯಾಗಿ ದೇಹವನ್ನು ದಂಡಿಸುವುದರಿಂದ ಅನೇಕ ಆರೋಗ್ಯ ಸಮಸ್ಯೆಗಳು ನಿಮ್ಮನ್ನು ಕಾಡಬಹುದು. ಇತ್ತೀಚೆಗೆ ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್​​ಗಳನ್ನು 18 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಮಾರಾಟ ಮಾಡಲಾಗುತ್ತಿದೆ. (Image credit Pixabay)

ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಕೆಲ ಸುಳ್ಳು ವದಂತಿಗಳಿಂದ ಅನೇಕ ಮಂದಿ ಇದನ್ನು ಬಳಸಲು ಆರಂಭಿಸಿದ್ದಾರೆ. ಅದರಲ್ಲಿಯೂ ವಿಶೇಷವಾಗಿ ಜಿಮ್ಗೆ ಹೋಗುವ ಮುನ್ನ ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್ ತೆಗೆದುಕೊಳ್ಳದಂತೆ ವೈದ್ಯರು ಎಚ್ಚರಿಕೆ ನೀಡುತ್ತಿದ್ದಾರೆ. (Image credit Pixabay)

ಜಿಮ್ಗೆ ಹೋಗಿ ವ್ಯಾಯಾಮ ಮಾಡುವ ಮುನ್ನ ಈ ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್ ಅನ್ನು ನೀರಿನಲ್ಲಿ ಬೆರೆಸದೇ ನೇರವಾಗಿ ತೆಗೆದುಕೊಳ್ಳುವುದು ಒಳ್ಳೆಯದಲ್ಲ. ಅಮೆರಿಕದ ಆರೋಗ್ಯ ತಜ್ಞರು ಈಗಾಗಲೇ ಹಲವು ಬಾರಿ ಈ ವಿಷಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. (Image credit Pixabay)

ಆರೋಗ್ಯ ಜರ್ನಲ್ ಪೀಡಿಯಾಟ್ರಿಕ್ಸ್ ಪ್ರಕಾರ, ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್ ಅನ್ನು ತೆಗೆದುಕೊಳ್ಳುವವರು ಹೆಚ್ಚಾಗಿ ಸೋಶಿಯಲ್ ಮೀಡಿಯಾದಿಂದ ಪ್ರೇರಿತರಾಗಿದ್ದಾರೆ. (Image credit Pixabay)

ಈ ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್​ ಗಂಭೀರ ಜೀರ್ಣಕಾರಿ ಸಮಸ್ಯೆಗಳನ್ನು ಉಂಟುಮಾಡುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಈ ಪೌಡರ್​ನ ಕಲುಷಿತ ವಸ್ತುಗಳು ನೇರವಾಗಿ ಹೊಟ್ಟೆಯನ್ನು ಪ್ರವೇಶಿಸುತ್ತವೆ. ಇದರಿಂದ ವಾಂತಿ, ಮಧುಮೇಹ, ತೀವ್ರ ಹೊಟ್ಟೆನೋವು, ಹೊಟ್ಟೆ ಉಬ್ಬುವುದು ಮುಂತಾದ ಸಮಸ್ಯೆಗಳು ಎದುರಾಗುತ್ತವೆ ಎಂದು ವೈದ್ಯರು ಹೇಳುತ್ತಿದ್ದಾರೆ. (Image credit Pixabay)

ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್​ಗಳು ಭಾರೀ ಪ್ರಮಾಣದ ಕೆಫೀನ್ ಅನ್ನು ಹೊಂದಿರುತ್ತವೆ. ಇದು ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಇದು ರಕ್ತದೊತ್ತಡದಲ್ಲಿ ಗಮನಾರ್ಹ ಹೆಚ್ಚಳಕ್ಕೆ ಕಾರಣವಾಗುತ್ತದೆ. (Image credit Pixabay)

ವ್ಯಾಯಾಮಕ್ಕೂ ಮುನ್ನ ಹೆಚ್ಚಿನ ಪ್ರಮಾಣದ ಶಕ್ತಿಯ ಡ್ರೈ ಸ್ಕೂಪಿಂಗ್ ಪ್ರೋಟೀನ್ ಪೌಡರ್ ಅನ್ನು ಸೇವಿಸುವುದರಿಂದ ಆರೋಗ್ಯಕ್ಕೆ ಅಪಾಯವನ್ನು ಉಂಟುಮಾಡಬಹುದು ಎಂದು ಅಧ್ಯಯನಗಳು ತಿಳಿಸಿವೆ. (Image credit Pixabay)