Betel: ವೀಳ್ಯದೆಲೆಯಿಂದ ಮುಖದ ಕಾಂತಿ ಹೆಚ್ಚಿಸಬಹುದು.. ಹೇಗೆ ಗೊತ್ತೇ?

ವೀಳ್ಯದೆಲೆಗೆ ಭಾರೀ ಬೇಡಿಕೆಯಿದೆ. ಪಾನ್ ಬೀಡಾ ತಯಾರಿಸುವಾಗ, ಶುಭ ಕಾರ್ಯಗಳಿಗೆ ವೀಳ್ಯದೆಲೆ ಬೇಕೆ ಬೇಕು. ಆದರೆ ವೀಳ್ಯದೆಲೆಯಿಂದ ಚರ್ಮದ ಕಾಂತಿ ಕೂಡ ಹೆಚ್ಚಾಗುತ್ತದೆ ಎಂಬ ವಿಚಾರ ಸಾಕಷ್ಟು ಜನರಿಗೆ ತಿಳಿದಿಲ್ಲ.

ವೀಳ್ಯದೆಲೆಯಲ್ಲಿ ಆ್ಯಂಟಿಆಕ್ಸಿಡೆಂಟ್ ಇರುತ್ತದೆ. ಹಾಗಾಗಿ ಇದರ ಸೇವನೆಯಿಂದ ಚರ್ಮದಲ್ಲಿರುವ ಸತ್ತ ಜೀವಕೋಶಗಳನ್ನು ತೆಗೆದು ಹಾಕುತ್ತಂತೆ. ಅಷ್ಟು ಮಾತ್ರವಲ್ಲದೆ, ವೀಳ್ಯದೆಲೆ ಸೇವನೆಯಿಂದ ಮುಖದ ಚರ್ಮ, ಕಾಂತಿಯನ್ನು ಪಡೆಯಬಹುದಾಗಿದೆ.

ವೀಳ್ಯದೆಲೆ ಚೆನ್ನಾಗಿ ರುಬ್ಬಿ ಅದಕ್ಕೆ ಒಂದು ಟೀ ಚಮಚ ಜೇನು ತುಪ್ಪವನ್ನು ಬೆರೆಸಿ ಫೇಸ್​​ಪ್ಯಾಕ್ ಮಾಡಿ ಹಚ್ಚಬೇಕು. ನಂತರ 15 ನಿಮಿಷ ಬಿಟ್ಟು ಬೆಚ್ಚಗಿನ ನೀರಿನಲ್ಲಿ ತೊಳೆಯಬೇಕು. ಇನ್ನು ಈ ರೀತಿಯಾಗಿ ವಾರದಲ್ಲಿ  2 ಬಾರಿ ಮಾಡಬೇಕು. ಹೀಗೆ ಮಾಡಿದರೆ ಚರ್ಮದ ಮೃದುವಾಗಿ ಕಾಂತಿಯನ್ನು ಪಡೆಯಬಹುದಾಗಿದೆ.

ವೀಳ್ಯದೆಲೆಯನ್ನು ಕುದಿಯುವ ನೀರಿಗೆ ಹಾಕಿ ಸ್ವಲ್ಪ ಸಮಯದ ಬಳಿಕ ಅದರಲ್ಲಿ ಮುಖ ತೊಳೆದರೆ ಬೆಳ್ಳಗಾಗುತ್ತದೆ. ಆದರೆ ಹೆಚ್ಚು ಬಾರಿ ಹೀಗೆ ಮಾಡಿದರೆ ಮುಖ ಒಣಗಬಹುದು. ಅಷ್ಟು ಮಾತ್ರವಲ್ಲದೆ, ಸುಟ್ಟ ಗಾಯಕ್ಕೂ ಇದರಿಂದ ಪ್ರಯೋಜನವಿದೆ. ಸ್ವಲ್ಪ ವೀಳ್ಯದೆಲೆಯನ್ನು ರುಬ್ಬಿ ನಂತರ ಜೇನುತುಪ್ಪ ಬೆರೆಸಿ ಸುಟ್ಟ ಜಾಗಕ್ಕೆ ಹಚ್ಚಿಕೊಳ್ಳಬೇಕು ಇದರಿಂದ ಉರಿ ಕಡಿಮೆಯಾಗುತ್ತದೆ.

ಮೊಡವೆ ಸಮಸ್ಯೆಯಿಂದ ಬಳಲುತ್ತಿರುವವರಿಗೂ ಇದು ರಾಮಭಾಣವಾಗಿದೆ. ವೀಳ್ಯದೆಲೆ ಬಿಸಿ ನೀರಿನಲ್ಲಿ ಕುದಿಸಿ ಮುಖ ತೊಳೆದರೆ ಮೊಡವೆ ಕಮ್ಮಿಯಾಗುತ್ತಂತೆ.