Holiday Plan: ಮಾರ್ಚ್ ತಿಂಗಳಲ್ಲಿ ಮಿಸ್ ಮಾಡದೇ ಈ 6 ಸ್ಥಳಗಳಿಗೆ ಪ್ರವಾಸ ಕೈಗೊಳ್ಳಿ

ಮಾಸ್ಸುರಿ: ಸಮುದ್ರ ಮಟ್ಟದಿಂದ ಸುಮಾರು 8500 ಅಡಿ ಎತ್ತರದಲ್ಲಿದ್ದು, ಸುತ್ತಲಿನ ಹಸಿರು ಪ್ರದೇಶ, ಹಿಮದ ರಾಶಿಯನ್ನು ಹೊದಿಕೆಯಾಗಿ ಮಾಡಿಕೊಂಡಿರುವ ಬೆಟ್ಟ, ನದಿಗಳು ಇದರ ಸೌಂದರ್ಯವನ್ನು ಹೆಚ್ಚಿಸುತ್ತಿವೆ.

ಊಟಿ-ತಮಿಳುನಾಡು: ವಸಂತಕಾಲದ ಆರಂಭ ತಿಂಗಳ ವಿಹಾರಕ್ಕೆ ಊಟಿ ಬೆಸ್ಟ್​ ಪ್ಲೇಸ್​​ ಆಗಿದೆ .. ಮಾರ್ಚ್​ ತಿಂಗಳಿನಲ್ಲಿ ಹಿತವೆನಿಸುವ ಚಳಿ, ಕಣ್ಣು ಹಾಯಿಸಿದಷ್ಟು ದೂರ ಕಾಣುವ ಹಸಿರು ಹೊದ್ದ ಪ್ರಕೃತಿ ಎಲ್ಲವೂ ಭೇಟಿ ನೀಡಿದವರನ್ನು ಸೆಳೆಯುತ್ತದೆ. ಹೀಗಾಗಿ ಮಾರ್ಚ್​ ತಿಂಗಳು ಊಟಿ ಭೇಟಿಗೆ ಬೆಸ್ಟ್​ ಟೈಮ್​ ಆಗಿದೆ.

ಮಡಿಕೇರಿ: ಕೂರ್ಗ್ ಅನ್ನು 'ಭಾರತದ ಸ್ಕಾಟ್ಲೆಂಡ್' ಎಂದು ಕರೆಯಲಾಗುತ್ತದೆ, ಇಲ್ಲಿನ ವಾತಾವರಣ ಅದ್ಬುತವಾಗಿದ್ದು ಪಶ್ಚಿಮ ಘಟ್ಟಗಳಿಂದ ಆವೃತವಾದ ಈ ಗಿರಿಧಾಮವನ್ನು ಎಂದಿಗೂ ಮಿಸ್ ಮಾಡಿಕೊಳ್ಳಬಾರದು. ಇಲ್ಲಿನ ಆಹ್ಲಾದಕರ ಹವಾಮಾನವು ಬೇಸಿಗೆಯಲ್ಲಿ ಅನೇಕ ಪ್ರವಾಸಿಗರನ್ನು ಆಕರ್ಷಿಸುತ್ತದೆ.

ಶಿಮ್ಲಾ: ಹಿಮಾಚಲ ಪ್ರದೇಶದ ರಾಜಧಾನಿ ಶಿಮ್ಲಾ ಒಂದು ಅದ್ಬುತ ಗಿರಿಧಾಮವಾಗಿದ್ದು, ಇದು ಯಾವಾಗಲೂ ಚಟುವಟಿಕೆಗಳು ಮತ್ತು ಪ್ರವಾಸೋದ್ಯಮದ ಪ್ರಮುಖ ಕೇಂದ್ರಗಳೊಂದಿಗೆ ಸಡಗರದಿಂದ ಕೂಡಿರುತ್ತದೆ. ಈ ಸಮಯದಲ್ಲಿ ಪ್ರಯಾಣಿಸಲು ಹವಾಮಾನವು ಹೆಚ್ಚು ಅನುಕೂಲಕರವಾಗಿರುವುದರಿಂದ ಶಿಮ್ಲಾ ಸಹ ಬೇಸಿಗೆಯ ತಾಣವಾಗಿದೆ.

ಡೆಹ್ರಾಡೂನ್: ಗುಡ್ಡ ಬೆಟ್ಟಗಳ ನಡುವೆ ಸಾಗುವ ಡೆಹ್ರಾಡೂನ್​ ಹಾದಿ ಹೊಸ ಪ್ರಪಂಚಕ್ಕೆ ಕರೆದೊಯ್ಯುತ್ತದೆ. ಅಲ್ಲಲ್ಲಿ ಕಾಣಸಿಗುವ ಕೆರೆ, ನದಿಗಳು ಪ್ರವಾಸಿಗರನ್ನು ಸೆಳೆಯುತ್ತದೆ. ಮಾರ್ಚ್​ ತಿಂಗಳಿನಲ್ಲಿ ನೀವು ಡೆಹ್ರಾಡೂನ್​ಗೆ ಭೇಟಿ ನೀಡಿದರೆ ಕೂಲ್​ ಕೂಲ್​ ವಾತಾವರಣದಲ್ಲಿ ಎಂಜಾಯ್​ ಮಾಡಬಹುದಾಗಿದೆ.

ಗುಲ್ಮಾರ್ಗ್: ಗುಲ್ಮಾರ್ಗ್ ಬೇಸಿಗೆಯಲ್ಲಿ ಉತ್ತರ ಭಾರತದಲ್ಲಿ ಭೇಟಿ ನೀಡುವ ಅತ್ಯುತ್ತಮ ಸ್ಥಳಗಳಲ್ಲಿ ಒಂದಾಗಿದೆ. ಇದು ಚಳಿಗಾಲದ ಕ್ರೀಡೆಗಳ ಕೇಂದ್ರವಾಗಿದೆ ಮತ್ತು ಬೇಸಿಗೆಯ ಶಾಖದಿಂದ ತಣ್ಣಗಾಗಲು ಸೂಕ್ತ ಸ್ಥಳವಾಗಿದೆ. ಗುಲ್ಮಾರ್ಗ್ ವರ್ಷಪೂರ್ತಿ ಭೇಟಿ ನೀಡುವ ತಾಣವಾಗಿದ್ದು, ಬೇಸಿಗೆ ಕಾಲದಲ್ಲೂ ಭೇಟಿ ನೀಡಲು ಇದು ಸೂಕ್ತವಾಗಿದೆ.