Holi Celebration: ಹೋಳಿ ಎಂಜಾಯ್ ಮಾಡಬೇಕು ಅಂದ್ರೆ ಈ ಸ್ಥಳಗಳಿಗೆ ತಪ್ಪದೇ ಹೋಗಿ

ಮಥುರಾದಲ್ಲಿ ಹೋಳಿಯು ಹೆಚ್ಚು ವೈಭವದಿಂದ ಆಚರಿಸಲಾಗುತ್ತದೆ. ಭಗವಾನ್ ಕೃಷ್ಣನ ಜನ್ಮಸ್ಥಳ ಮತ್ತು ಪವಾಡಗಳಿಗೆ ಸಾಕ್ಷಿಯಾಗಿರುವ ಮಥುರಾದಲ್ಲಿ ವಿಶೇಷವಾಗಿ ಹೋಳಿಯನ್ನು ಆಚರಿಸಲಾಗುತ್ತದೆ. ಮಥುರಾದ ದೇವಾಲಯಗಳಲ್ಲಿ ಹಬ್ಬವನ್ನು ಆಚರಿಸಲು ವಿಭಿನ್ನ ಕಾರ್ಯಕ್ರಮಗಳನ್ನು ಆಯೋಜಿಸುತ್ತವೆ. ನೀವೂ ಸಹ ಈ ಬಾರಿ ಅದರ ಭಾಗವಾಗಬಹುದು.

ಆಗ್ರಾದಲ್ಲಿ ಹೋಳಿ ಹಬ್ಬವು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಹಬ್ಬವನ್ನು ಈ ನಗರದಲ್ಲಿ ಹೆಚ್ಚು ಉತ್ಸಾಹದಿಂದ ಆಚರಿಸಲಾಗುತ್ತದೆ. ಇಲ್ಲಿನ ಜನರು ಭಾಂಗ್‌ ಕುಡಿದು, ನೃತ್ಯ ಮಾಡಿ, ಸಿಹಿತಿಂಡಿಗಳನ್ನು ಹಂಚಿ ಸಂಭ್ರಮಪಡುತ್ತಾರೆ. ಜಾನಪದ ಗೀತೆಗಳೊಂದಿಗೆ ವರ್ಣರಂಜಿತ ಮೆರವಣಿಗೆಗಳು ಆಗ್ರಾದಲ್ಲಿ ಹೋಳಿ ಆಚರಣೆಯ ಪ್ರಮುಖತೆಯನ್ನು ಸಾರುತ್ತದೆ.

ಬನಾರಸ್‌ನಲ್ಲಿ ಅತ್ಯಂತ ವಿಜೃಂಬಣೆಯಿಂದ ಹೋಳಿ ಹಬ್ಬವನ್ನು ಆಚರಿಸಲಾಗುತ್ತದೆ. ಅಲ್ಲದೇ, ಲಾತ್‌ ಮರ್‌ ಹೋಳಿಯಲ್ಲಿ ತಮ್ಮ ಸಂಪ್ರದಾಯದಂತೆ ಪುರುಷರಿಗೆ ಮಹಿಳೆಯರು ದೊಣ್ಣೆಯಿಂದ ಹೊಡೆಯುತ್ತಾರೆ. ಹಾಗೆಯೇ ಸಂಗೀತ, ಓಕಳಿ ಆಟ ಎಲ್ಲವೂ ಸಂತೋಷವನ್ನು ಹೆಚ್ಚು ಮಾಡುತ್ತದೆ.

ರಾಯಲ್ ಶೈಲಿಯಲ್ಲಿ ಹೋಳಿ ಆಚರಣೆಯಲ್ಲಿ ಭಾಗವಹಿಸಬೇಕು ಎಂದರೆ , ಉದಯಪುರಕ್ಕೆ ಭೇಟಿ ನೀಡಿ. ಉದಯಪುರದಲ್ಲಿ ಹೋಳಿಯಲ್ಲಿ ರಾಜಮನೆತನ ಸಹ ಭಾಗವಹಿಸುತ್ತದೆ. ಅಲ್ಲಿ ಸ್ಥಳೀಯ ಮಹಾರಾಜರು ರಾಜಮನೆತನದ ಅಂಗಳದಲ್ಲಿ  ದೀಪೋತ್ಸವವನ್ನು ಮಾಡುತ್ತಾರೆ. ಇದನ್ನು ಮೇವಾರ್ ಹೋಲಿಕಾ ದಹನ್ ಎಂದು ಕರೆಯಲಾಗುತ್ತದೆ. ಸ್ಥಳೀಯರು ದೀಪೋತ್ಸವದ ಸುತ್ತಲೂ ‘ಗೈರ್’- ಜಾನಪದ ನೃತ್ಯವನ್ನು ಪ್ರದರ್ಶಿಸುತ್ತಾರೆ.

ಜೈಪುರದ ಹೋಳಿ ಆಚರಣೆಯು ಪಿಂಕ್ ಸಿಟಿಯನ್ನು ಕಾಮಬಿಲ್ಲಿನ ನಗರವಾಗಿ ಪರಿವರ್ತಿಸುತ್ತದೆ. ಜೈಪುರ ಹೋಳಿ ಆಚರಣೆಯ ಮುಖ್ಯಾಂಶಗಳೆಂದರೆ ಅರಮನೆಯಲ್ಲಿ ನಡೆಯುವ ಗಾಲಾ ಆಚರಣೆ. ಇಲ್ಲಿನ ಕಾರ್ಯಕ್ರಮದಲ್ಲಿ ಸಾಂಪ್ರದಾಯಿಕ ರಾಜಸ್ಥಾನಿ ಜಾನಪದ ಸಂಗೀತ ಮತ್ತು ನೃತ್ಯದೊಂದಿಗೆ ಯೋಗ್ಯವಾದ ಗುಲಾಲ್ ನಾಟಕ ಸಹ ಇರುತ್ತದೆ.

ಪಂಜಾಬ್‌ನ ಹೋಲಾ ಮೊಹಲ್ಲಾನ ಆನಂದಪುರ ಸಾಹಿಬ್‌ ನಲ್ಲಿ ಹೋಳಿ ಹಬ್ಬವನ್ನು ಹೆಚ್ಚು ವಿಭಿನ್ನವಾಗಿ ಆಚರಿಸಲಾಗುತ್ತದೆ. ರೈತ ಮಹಿಳೆ, ಚೌಕ್ಪೂರಣ ಎಂದು ಕರೆಯಲ್ಪಡುವ ವರ್ಣಚಿತ್ರಗಳೊಂದಿಗೆ ತಮ್ಮ ಗೋಡೆಗಳನ್ನು ಸಿಂಗಾರ ಮಾಡುತ್ತಾರೆ. ಇದು ಹೆಚ್ಚು ವಿಭಿನ್ನವಾಗಿದ್ದು, ಒಮ್ಮೆಯಾದರೂ ಇಲ್ಲಿ ಹೋಳಿ ಆಚರಿಸಬೇಕು.

ಪಶ್ಚಿಮ ಬಂಗಾಳದ ಕೋಲ್ಕತ್ತಾ ಬಳಿಯ ಬೋಲ್ಪುರ್‌ನಲ್ಲಿರುವ ಈ ಶಾಂತಿನಿಕೇತನದಲ್ಲಿ ಸ್ಪ್ರಿಂಗ್ ಫೆಸ್ಟಿವಲ್ ಎಂದು ಆಚರಿಸಲಾಗುತ್ತದೆ. ಈ ಉತ್ಸವವನ್ನು ಪ್ರಸಿದ್ಧ ಭಾರತೀಯ ಕವಿ ರವೀಂದ್ರನಾಥ ಟ್ಯಾಗೋರ್ ಪರಿಚಯಿಸಿದರು. ಹೋಳಿ ಮಾಂತ್ರಿಕತೆಯನ್ನು ಮರುಸೃಷ್ಟಿಸಿ, ಅದನ್ನು ವಿಶಿಷ್ಟ ರೀತಿಯಲ್ಲಿ ಆಚರಿಸಲಾಗುತ್ತದೆ.

ಈ ಎಲ್ಲಾ ಸ್ಥಳಗಳು ಉತ್ತರ ಭಾರತದಲ್ಲಿ ಹೆಚ್ಚು ಪ್ರಸಿದ್ದವಾದರೇ ನಮ್ಮ ಕರ್ನಾಟಕದ ಹಂಪಿಯಲ್ಲಿ ಸಹ ಹೆಚ್ಚು ಭರ್ಜರಿಯಾಗಿ ಹೋಳಿಯನ್ನು ಆಚರಿಸಲಾಗುತ್ತದೆ. ಇಲ್ಲಿ ಹಂಪಿಯ ಅವಶೇಷಗಳ ನಡುವೆ ಡೋಲು ಬಾರಿಸುವುದರ ಮೂಲಕ ನದಿಯ ಭಾಗದಲ್ಲಿ ಆಚರಿಸುವುದು ಒಂದು ವಿಶೇಷ.

ಪ್ರವಾಸಿಗರ ನೆಚ್ಚಿನ ತಾಣ ಗೋವಾದಲ್ಲಿ ಹೋಳಿ ನಿಜಕ್ಕೂ ವಿಭಿನ್ನ ಎನ್ನಬಹುದು, ವಿದೇಶಿ ಪ್ರವಾಸಿಗರು ಸಹ ನಮ್ಮ ಸಂತೋಷದಲ್ಲಿ ಭಾಗಿಯಾಗಿ, ಹೋಳಿಯನ್ನು ಆಚರಿಸುತ್ತಾರೆ.  ಹೋಳಿಯನ್ನು ಗೋವಾದಲ್ಲಿ ಶಿಗ್ಮೋ ಎಂದು ಕರೆಯುತ್ತಾರೆ.