Christmas Holiday: ಕ್ರಿಸ್​ಮಸ್​ ರಜೆಯನ್ನು ಮಸ್ತ್ ಆಗಿ ಕಳೆಯಲು ಈ ಸ್ಥಳಗಳೇ ಬೆಸ್ಟ್​!

ಗೋವಾ: ಕಡಲತೀರಗಳಿಗೆ ಫೇಮಸ್​ ಆಗಿರುವ ಈ ಗೋವಾದಲ್ಲಿ ಕ್ರಿಸ್​ಮಸ್​ ಎಂಜಾಯ್ ಮಾಡುವುದು ಒಂದು ಸುಂದರ ಅನುಭವ. ಇಲ್ಲಿ ಕ್ರಿಸ್​ಮಸ್ ಪಾರ್ಟಿಗಳು ಸಹ ಭರ್ಜರಿಯಾಗಿ ನಡೆಯುತ್ತದೆ. ಹಾಗಾಗಿ ಈ ಬಾರಿ ವಿಸಿಟ್​ ಮಾಡಿ.

ಕೇರಳ: ಕ್ರಿಸ್​ಮಸ್ ಸಮಯದಲ್ಲಿ ಕೇರಳದ ಬೀದಿ ಬೀದಿಗಳನ್ನು ದೀಪಗಳಿಂದ ಅಲಂಕಾರ ಮಾಡಲಾಗುತ್ತದೆ. ಅಲ್ಲದೇ ಹೋಟೆಲ್​, ರೆಸ್ಟೊರೆಂಟ್​ಗಳಲ್ಲಿ ಬಹಳ ಆಫರ್​ ಸಹ ಈ ಸಮಯದಲ್ಲಿ ನೀಡುತ್ತಾರೆ.

ಪಾಂಡಿಚೇರಿ: ಗೋವಾ ರೀತಿಯೇ ಈ ಪಾಂಡಿಚೇರಿ ಸಹ ಬೀಚ್​ಗಳಿಗೆ ಹೆಚ್ಚು ಫೇಮಸ್​, ಆದರೆ ಇಲ್ಲಿನ ಕ್ರಿಸ್​ಮಸ್​ ಆಚರಣೆ ಮಾತ್ರ ಎಲ್ಲರ ನೆನಪಿನಲ್ಲಿ ಉಳಿಯುವಂತೆ ಇರುತ್ತದೆ ಎಂದರೆ ತಪ್ಪಲ್ಲ. ಈ ಸಮಯದಲ್ಲಿ ವಿಶೇಷ ಪಾರ್ಟಿಗಳು, ಕಾರ್ಯಕ್ರಮಗಳು ಸಹ ನಡೆಯುತ್ತವೆ.

ದಿಯು ಮತ್ತು ದಮನ್: ಈ ದ್ವೀಪ ರಾಜ್ಯದಲ್ಲಿ ಸಹ ಕ್ರಿಸ್​ಮಸ್ ಹಬ್ಬವನ್ನು ಬಹಳ ವಿಶೇಷವಾಗಿ ಆಚರಣೆ ಮಾಡಲಾಗುತ್ತದೆ. ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಪೋರ್ಚುಗೀಸ್​ ನೃತ್ಯ ಹೀಗೆ ಇಲ್ಲಿ ನೋಡಲು ನಿಮಗೆ ಬಹಳ ವಿಶೇಷತೆಗಳು ಸಿಗುತ್ತದೆ.

ಶಿಲ್ಲಾಂಗ್: ಕ್ರಿಸ್​ಮಸ್​ ಸಮಯದಲ್ಲಿ ಶಿಲ್ಲಾಂಗ್​ ಅನ್ನು ನೋಡಿದರೆ ನಿಜಕ್ಕೂ ಸ್ವರ್ಗವನ್ನು ನೋಡಿದಂತೆ ಭಾಸವಾಗುತ್ತದೆ. ಅಷ್ಟು ಸುಂದರವಾಗಿ ಜಗಮಗಿಸುವ ರಸ್ತೆಗಳು, ಚರ್ಚ್ ಹಾಗೂ ಮನೆಗಳು ನಿಮ್ಮನ್ನ ಸೆಳೆಯುತ್ತದೆ.

ಮನಾಲಿ: ಮನಾಲಿ ನವಜೋಡಿಗಳ ಹನಿಮೂನ್ ಸ್ಪಾಟ್​ ಆಗಿ ಫೇಮಸ್​ ಆಗಿದ್ದರೂ ಸಹ ಇದು ಕ್ರಿಸ್​ಮಸ್​ ಆಚರಣೆಗೆ ಸಹ ಹೆಸರುವಾಸಿ ಎನ್ನಬಹುದು. ಇಲ್ಲಿ ಬೀಳುವ ಹಿಮ ನಿಮಗೆ ಒಂದು ಆಹ್ಲಾದಕರ ಅನುಭವ ನೀಡುತ್ತದೆ.

ಮುಂಬೈ: ಮಾಯಾನಗರಿ ಮುಂಬೈನಲ್ಲಿ ಸಹ ಕ್ರಿಸ್​ಮಸ್​ ಹಬ್ಬವನ್ನು ಅದ್ಧೂರಿಯಾಗಿ ಆಚರಣೆ ಮಾಡಲಾಗುತ್ತದೆ. ಇಲ್ಲಿನ ಚರ್ಚ್​ ಹಾಗೂ ಮಾಲ್​ಗಳು ಸಿಂಗಾರಕೊಂಡಿರುತ್ತದೆ. ಅಲ್ಲದೇ,  ಭರಪೂರ ಆಫರ್​ಗಳನ್ನು ಸಹ ಈ ಸಮಯದಲ್ಲಿ ನೀಡುತ್ತದೆ.

ದೆಹಲಿ: ರಾಜಧಾನಿ ದೆಹಲಿಯಲ್ಲಿ ಕ್ರಿಸ್​ಮಸ್​ ಸಮಯದಲ್ಲಿ ಬೇರೆ ರಾಜ್ಯಗಳಿಗೆ ಹೋಲಿಸಿದರೆ ಹೆಚ್ಚಿನ ಚಳಿ ಇರುತ್ತದೆ. ಆದರೆ, ಕ್ರಿಸ್​ಮಸ್​ ಆಚರಣೆ ಸಹ ಇಲ್ಲಿ ಭರ್ಜರಿಯಾಗಿರುತ್ತದೆ. ಇಲ್ಲಿ ಈ ಸಮಯದಲ್ಲಿ ಥೀಮ್ ಪಾರ್ಟಿಗಳು ಜಾಸ್ತಿ ನಡೆಯುತ್ತವೆ.

ಕೊಲ್ಕತ್ತಾ: ದುರ್ಗಾಪೂಜೆಗೆ ಹೆಸರುವಾಸಿಯಾಗಿರುವ ಕೊಲ್ಕತ್ತಾ ನಗರ ಕ್ರಿಸ್​ಮಸ್​ ಪಾರ್ಟಿಗಳಿಗೆ ಸಹ ಇತ್ತೀಚಿನ ದಿನಗಳಲ್ಲಿ ಫೇಮಸ್​ ಆಗುತ್ತಿದೆ. ಆಹಾರ ಮೇಳಗಳು, ವಿಶೇಷ ಕಾರ್ಯಕ್ರಮಗಳು ಈ ಸಮಯದಲ್ಲಿ ನಡೆಯುತ್ತವೆ.