Christmas ಟೈಮಲ್ಲಿ ಕರ್ನಾಟಕದ ಈ ಅದ್ಭುತ ಚರ್ಚ್​​ಗಳಿಗೆ ವಿಸಿಟ್ ಮಾಡಿ

ಸೆಂಟ್ ಫಿಲೋಮಿನಾ ಚರ್ಚ್ ಮೈಸೂರು: ಕರ್ನಾಟಕದಲ್ಲಿ ಕ್ರಿಸ್‌ಮಸ್ ವೇಳೆ ಭೇಟಿ ನೀಡಲೇಬೇಕಾದ ಚರ್ಚ್‌ಗಳಲ್ಲಿ ಮೈಸೂರಿನಲ್ಲಿರುವ ಸೇಂಟ್ ಫಿಲೋಮಿನಾ ಚರ್ಚ್ ಕೂಡ ಒಂದು . ನಿಯೋ-ಗೋಥಿಕ್ ವಾಸ್ತುಶಿಲ್ಪ ಶೈಲಿಯಲ್ಲಿ 1936 ರಲ್ಲಿ ನಿರ್ಮಿಸಲಾದ ಸೇಂಟ್ ಫಿಲೋಮಿನಾ ಚರ್ಚ್ ಏಷ್ಯಾದ ಎತ್ತರದ ಚರ್ಚುಗಳಲ್ಲಿ ಒಂದಾಗಿದೆ ಮತ್ತು ಖಂಡದಲ್ಲಿ ಎರಡನೇ ದೊಡ್ಡದು ಎಂದು ಹೇಳಲಾಗುತ್ತದೆ.

ಸೆಂಟ್ ಮೇರಿಸ್ ಬೆಸಿಲಿಕಾ, ಬೆಂಗಳೂರು: ಬೆಂಗಳೂರಿನ ಶಿವಾಜಿನಗರದಲ್ಲಿ ಇರುವ ಸೆಂಟ್ ಸೆಂಟ್ ಮೇರಿಸ್ ಬೆಸಿಲಿಕಾ ಫಸ್ಟ್ 18ನೇ ಶತಮಾನದಲ್ಲಿ ನಿರ್ಮಾಣವಾಗಿದೆ ಚರ್ಚ್ ಹೇಳಲಾಗುತ್ತಿದೆ. ವಿಶೇಷ ಅಂದ್ರೆ ಇದು ಬೆಂಗಳೂರಿನಲ್ಲಿ ಇರುವ ಅತ್ಯಂತ ಹಳೆಯ ಚರ್ಚುಗಳಲ್ಲಿ ಒಂದು.

ಇನ್ಫ್ಯಾಂಟ್ ಜೀಸಸ್ ಚರ್ಚ್, ಬೆಂಗಳೂರು: ಬೆಂಗಳೂರಿನ ವಿವೇಕ್ ನಗರದಲ್ಲಿ 1971 ರಲ್ಲಿ ಸ್ಥಾಪನೆಯಾದ ಇನ್ಫ್ಯಾಂಟ್ ಜೀಸಸ್ ಚರ್ಚ್ ರೋಮನ್ ಕ್ಯಾಥೋಲಿಕ್ ಶೈಲಿಯಿಂದ ಕೂಡಿದೆ. ಯೇಸುವಿನ ಬಾಲ್ಯದ ನೆನಪಿಗಾಗಿ ಈ ಚರ್ಚನ್ನು ಸ್ಥಾಪನೆ ಮಾಡಲಾಗಿದೆ.

ಸಿಎಸ್‌ಐ ವೆಸ್ಲಿ ಕ್ಯಾಥೆಡ್ರಲ್ ಚರ್ಚ್ ,ಮೈಸೂರು: ವೆಸ್ಲೆಯನ್ ಮಿಷನರೀಸ್ ಸೊಸೈಟಿಯ ಸದಸ್ಯರು ಮೈಸೂರಿನಲ್ಲಿ ಸಿಎಸ್‌ಐ ವೆಸ್ಲಿ ಕ್ಯಾಥೆಡ್ರಲ್ ಚರ್ಚ್ ನಿರ್ಮಾಣ ಮಾಡಿದ್ದರು ಎಂದು ಹೇಳಲಾಗುತ್ತದೆ. ಕ್ರಿಶ್ಚಿಯನ್ ಧರ್ಮವನ್ನು ಹರಡುವ ಉದ್ದೇಶದಿಂದ 1821 ರಲ್ಲಿ ಭಾರತಕ್ಕೆ ಆಗಮಿಸಿದ ರೆವ್ ಜಾನ್ ಹಚಿಯಾನ್ ಅವರು ಈ ಚರ್ಚ್ ನಿರ್ಮಾಣ ಮಾಡುವಲ್ಲಿ ಮುಂದಾಳತ್ವ ವಹಿಸಿದ್ದರು ಎಂದು ಹೇಳಲಾಗುತ್ತದೆ.. ಸದ್ಯ ಈ ಚರ್ಚ್ ನಿರ್ಮಾಣ ಮಾಡಿ ಒಂದು 148 ವರ್ಷಗಳು ಕಳೆದಿವೆ

ಚರ್ಚ್ ಆಫ್ ಅವರ್ ಲೇಡಿ ಆಫ್ ಮಿರಾಕಲ್ಸ್, ಮಂಗಳೂರು: ಲೇಡಿ ಆಫ್ ಮಿರಾಕಲ್ಸ್, ಮಿಲಾಗ್ರೆಸ್ ಚರ್ಚ್ ಅಥವಾ ಅವರ್ ಲೇಡಿ ಆಫ್ ಮಿರಾಕಲ್ಸ್ ಚರ್ಚ್ ರೋಮನ್ ಕ್ಯಾಥೋಲಿಕ್ ಶೈಲಿಯ ಚರ್ಚ್ ಆಗಿದ್ದು ಇದು ಮಂಗಳೂರಿನ ಹಂಪನಕಟ್ಟೆ ಯಲ್ಲಿದೆ. ದಕ್ಷಿಣ ಕನ್ನಡದ ಅತ್ಯಂತ ಹಳೆಯ ಚರ್ಚ್‌ಗಳಲ್ಲಿ ಒಂದಾಗಿರುವ ಈ ಚರ್ಚ್ ನ್ನು 1680 ರಲ್ಲಿ ಗೋವಾದ ಸಾಲ್ಸೆಟ್ಟೆಯ ಥಿಯೇಟಿನ್ ಪಾದ್ರಿ ಬಿಷಪ್ ಥಾಮಸ್ ಡಿ ಕ್ಯಾಸ್ಟ್ರೋ ಎಂಬುವವರು ನಿರ್ಮಾಣ ಮಾಡಿದ್ದರು ಎಂದು ಹೇಳಲಾಗುತ್ತದೆ.